PEMUYAN 1:2 - Kenyah New Testament

² pa abeʹ tai tau ue pejung kaʹ surga. Kena ketai Yesus pejung, ia pekatuk dau man penukat Berua Buheʹ me kudaʹ usa laki, diaʹ ia ban lemileʹ tai nuyan lawa Injil e didai are.

PEMUYAN 1:2 Iomraidhean Croise

MATIUS 12:28

Un sepuʹo Berua Allah iaʹ naʹ nyingan man nceʹ pekarap bali, puyan ini iaʹ badaʹ ban puyan pengaren Allah lepa un neng ahang ikem.

MATIUS 3:16

Lepa Yaya ngebatis Yesus, sulo Yesus pejakaʹ nai kempau cen sungai ina. Beliau pesik ne langit me Yesus, sulo ho taʹan kenai Berua Buheʹ cen mpau, koʹ baʹan puyan ca sui garaʹ are, penco ngedung neng Yesus.

MARKUS 6:30

Nai re telu diaʹ lawa Injil dina uleʹ palaʹ Yesus, sulo re badaʹ mia mung puyan iaʹ ida lepa uyan ngan pekatuk.

LUKAS 24:51

Dalau ue naʹ peniga mida, ina tai ie pejung mentung tai kaʹ surga.

LUKAS 9:51

Dalau ketai nyeng tau Yesus ketai kayang kaʹ surga, sulo ho ti ngan pengahing kimet te tai kaʹ Yerusalim.

YAYA 1:16

Pengelesau iaʹ sangan neng ia, ngan cen ina ha naʹ peniga me ilu mung. Seʹ e lemuto naʹ pit peniga ha milu.

YAYA 13:1

Abeʹ ne tau iaʹ kena Adet Bunut Paska, lepa tisen ne Yesus uban ini ne jakaʹ iaʹ neng penekep pe ke mecin usun tanaʹ ini ngan tai palaʹ Amai Bioʹ. Lepa ne Yesus usun tanaʹ ini ngan tai palaʹ Amai Bioʹ. Lepa ne Yesus lemuto malaʹ neng ida diaʹ anun ne kusun tanaʹ ini, ngan sengarem tekaʹ kimet te malaʹ neng ida.

YAYA 13:18

“Abeʹ dau isiu heʹ sihoʹ neng ikem mung. Akeʹ tisen mung diaʹ akeʹ lepa lemileʹ. Un sepuʹo atek palup lan ne dau Kitap iaʹ kuma ha: ‘Laki iaʹ pemung uman ngan nceʹ, ia ne iaʹ ke ngeliwet nyakat akeʹ.’

YAYA 13:3

Lepa tisen ne Yesus ban Amai Bioʹ lepa naʹ mung penyukat mia, ngan tisen pe Yesus ia nai cen Allah ngan ketai palaʹ Allah lete laʹa.

YAYA 16:28

Akeʹ lepa nai cen Amai Bioʹ, nai heʹ kusun tanaʹ ini. Naʹkini akeʹ ke mecin tanaʹ ini, tai palaʹ Amai Bioʹ.”

YAYA 17:13

Ngan naʹkini akeʹ ke nai palaʹ ikoʹ. Dalau heʹ petem un kusun tanaʹ ini, akeʹ pisiu lete puyan ini, apan nte ke un pengebangen nceʹ sangan dalem kimet de.

YAYA 20:17

Dau Yesus badaʹ mia: “Ayen mapo akeʹ, uban abeʹ un awai heʹ tai uleʹ palaʹ Amai Bioʹ lepe. Tai ne badaʹ me diaʹ cenganak keʹ te, akeʹ ke tai uleʹ palaʹ ia iaʹ Amai heʹ, ngan iaʹ Amai hem, iaʹ Allah heʹ, ngan iaʹ Allah hem, kun ncoʹ mida.”

YAYA 20:21

Kun Yesus pisiu me dia laʹa: “Denaʹ ne tawai hem. Kuaʹ baʹan Amai Bioʹ lepa cuk akeʹ nai, pekina lete akeʹ cuk ikem tai.”

YAYA 3:34

Laki iaʹ Allah lepa cuk nai are, ia iaʹ penco dau isiu Allah, uban Allah iaʹ lebang naʹ Berua ha mia.

YAYA 6:62

Buk pekina, kumpin ne puyan ncem buk kem ke taʹan ketai Anak Sio ini tai uleʹ kukoʹ o cen kena are?

YAYA 6:70

Un dau Yesus mipa ida: “Lan lete akeʹ iaʹ lemileʹ ikem diaʹ ca puloʹ dua usa dini, belekaʹ uban un pe ca usa mikem iaʹ nuyan bali jaʹat.”

PEMUYAN 1:11

Kun dau re dua: “Ikem lepoʹ Galilia, inu hem nekejeng naʹat kaʹ langit tupe? Un Yesus iaʹ tai pejung kaʹ surga, iaʹ ikem taʹan ini, ke pekina lete kenai ie kentaʹ laʹa ʹo, koʹ baʹan ncem taʹan ketai ie kaʹ surga ne.”

PEMUYAN 1:13

Sulo tai re kedalem lepoʹ Yerusalim, penco tai re pejakaʹ kaʹ amin iaʹ ban kukoʹ de are. Un pe Peterus, ngan Yaya, ngan Yakup, ngan Anderias, ngan Pilipus, ngan Tumas, ngan Batulumius, ngan Matius, ngan Yakup anak Alpius, ngan Simun laki ia sanget neng pulitik cen naʹaʹ are, ngan Yudas anak Yakup.

PEMUYAN 1:22

cen tading ban Yaya ngebatis Yesus, pabeʹ tau tai Yesus pejung kaʹ surga mecin ameʹ.”

PEMUYAN 1:9

Lepa ha pisiu pekina, tai ie pejung kaʹ surga, ngan ida naʹat lepe ia pa kenai ca abun ngelinget ia neng penaʹat de.

PEMUYAN 10:38

Tisen te ikem ban puyan Yesus lepoʹ Nasarit ina, seʹ ban Allah mubeʹ Berua Buheʹ ngan penyukat bioʹ neng ia. Ngan pekina pe tai ie masat kempi kempi uyan tiga, ngan puhat mung dulu diaʹ taru kuʹun Bali Sitan, moʹ Allah un ngan ne.

GALATIA 1:1

Cen Paulus iaʹ lepa sihoʹ pengin tai nuyan lawa Injil, abeʹ e kuʹun kelunan, ngan abeʹ e bayaʹ dau pengecuk kelunan, di lareʹ kuʹun Yesus Keristus, ngan Allah iaʹ Amai Bioʹ iaʹ lepa beteʹ Yesus cen ahang kelunan matai.

IPESUS 2:20

Buk alaʹ kata cen amin, seʹ e medeng ikem neng usun ca data tanaʹ iaʹ nuyan kuʹun lawa Injil ngan pegawa Tuhan. Keristus Yesus tengen iaʹ sukaʹ tekedeng nge.

1 TIMUTIUS 3:16

Abeʹ un aheʹ iaʹ senteng nyepati ban bioʹ laleʹ sen udip Keristin. Ia ne: Yesus iaʹ lepa nai luhaʹ dalem layen usa kelunan. Berua Tuhan iaʹ peluhaʹ ia atek teneng. Ngan melikat pe taʹan ia. Denga ha tai libut me mung lepoʹ. Libut usun tanaʹ ini kelunan ngelan ia. Dalem serema peniga, tai ie pejung kaʹ surga.

IBERANI 9:24

Moʹ abeʹ Keristus tai kaʹ dalem kukoʹ iaʹ buheʹ iaʹ nuyan kuʹun kelunan, ca kata neng iaʹ atek lan. Atek tai ie kaʹ dalem surga lan, iaʹ ukoʹ o un naʹkini, ngejuma Allah tuman ilu.

1 PETERUS 3:22

iaʹ lepa tai kaʹ surga tahaʹ taʹu Allah. Cen ina ha ngkang perinta neng mung melikat, mung diaʹ paren, ngan mung penyukat surga.

2 PETERUS 3:2

apan ncem ngetawai dau tiraʹ pegawa diaʹ buheʹ cen naʹaʹ, pekina pe neng katuk ukum Tuhan iaʹ Keniga Udip le, iaʹ nai palaʹ ikem kuʹun diaʹ lawa Injil hem.

PUYAN LUHA’ 1:1

Neng surat ini un kudaʹ naʹan puyan iaʹ luhaʹ kuʹun Yesus Keristus. Allah lepa badaʹ a me Yesus apan ne peluhaʹ a me diaʹ pegayeng mia. Puyan ini iaʹ atek ke nuyan laho ʹo. Keristus iaʹ cuk melikat te nai badaʹ a me ulaʹ a Yaya.

PUYAN LUHA’ 2:11

“Moʹ ina, buk kem un telinga, ngeringa ne dau isiu Berua Tuhan neng Mpun diaʹ ngelan Tuhan. “Kelunan diaʹ un usun neng puyan iaʹ jaʹat, abeʹ de ke sihoʹ sakit kuʹun puyan patai iaʹ kedua uʹo.”

PUYAN LUHA’ 2:17

“Moʹ ina, buk kem un telinga, ngeringa ne dau isiu Berua Tuhan neng Mpun diaʹ ngelan Tuhan. “Me kelunan diaʹ nyupeʹ puyan iaʹ jaʹat, mida heʹ ke naʹ penguman nyio, iaʹ dulu abeʹ un tisen. Ngan laʹa singket ida pe akeʹ ke naʹ ca batu puteʹ. Neng batu ina un ca ngadan mading iaʹ dulu abeʹ un tisen, bang kelunan diaʹ alaʹ a iaʹ tisen kidi.”

PUYAN LUHA’ 2:29

“Moʹ ina, buk kem un telinga, ngeringa ne dau isiu Berua Tuhan neng Mpun diaʹ ngelan Tuhan.”

PUYAN LUHA’ 2:7

“Moʹ ina, buk kem un telinga, ngeringa ne dau isiu Berua Tuhan neng Mpun diaʹ ngelan Tuhan. “Me kelunan diaʹ nyupeʹ puyan iaʹ jaʹat, mida heʹ ke naʹ penyukat apan nte senteng uman buʹan cen inan udip iaʹ dalem Pula Allah.”

PUYAN LUHA’ 21:14

Kerahan lepoʹ ina pedeng neng usun puloʹ dua batu nten ne. Neng nten ina un senurat puloʹ dua ngadan diaʹ lawa Injil Anak Dumba.

PUYAN LUHA’ 3:13

“Moʹ buk kem un telinga, ngeringa ne dau isiu Berua Tuhan neng Mpun diaʹ ngelan Tuhan.”

PUYAN LUHA’ 3:16

Uban ncem kahang kawaʹ, akeʹ ke muhaʹ kem cen paʹ keʹ.

PUYAN LUHA’ 3:22

“Moʹ ina, buk kem un telinga, ngeringa ne dau isiu Berua Tuhan neng Mpun diaʹ ngelan Tuhan.”