PEMUYAN 1:16 - Kenyah New Testament

¹⁶ “Ahaʹ cenganak keʹ mung, un dau isiu dalem Kitap Tuhan iaʹ sihoʹ neng puyan Yudas, iaʹ nai ngkin dulu dakep Yesus are, koʹ baʹan dau isiu Berua Buheʹ iaʹ nekena badaʹ neng puyan Yudas ne cen paʹ Daut cen naʹa are. Ina ukoʹ abeʹ e are senteng ketai palup dau Kitap Tuhan ini.

PEMUYAN 1:16 Iomraidhean Croise

MATIUS 26:14

Un ca usa neng ahang puloʹ dua usa diaʹ bayaʹ katuk Yesus dina, ngadan ne Yudas Iskariut. Sulo tai ie palaʹ diaʹ detaʹu lataʹ,

MATIUS 26:47

Dalau beluaʹ Yesus pisiu, abeʹ ne Yudas, ca usa neng ahang diaʹ puloʹ dua usa diaʹ bayaʹ katuk Yesus didai. Kadoʹ dulu nai serengan ia. Un diaʹ ngkin bahing ngan petung, ban pengecuk diaʹ detaʹu lataʹ ngan diaʹ lataʹ lepoʹ Yahudi.

MATIUS 26:54

Un sepuʹo buk ke pekina, kumpin ne isiu Kitap senteng ketai palup, iaʹ kuma ha tekep lete puyan ini ketai nuyan pekini?”

MATIUS 26:56

Un sepuʹo ketoʹ puyan ini tai nuyan apan tai palup ne dau surat diaʹ pegawa Tuhan nyurat dalem Kitap.” Lepa ina mung diaʹ bayaʹ katuk Yesus tai kelap ngan petengen ia.

MARKUS 12:36

Ban ne un dau Berua Buheʹ iaʹ ngkin Daut pisiu kuma ha: ‘Tuhan Allah iaʹ cuk Tuhan nceʹ: Madung ne ikoʹ tahaʹ taʹu akeʹ, pa heʹ ke naʹ ketoʹ bunoʹ koʹ tahaʹ ntaʹ taket coʹ.’

MARKUS 14:43

Dalau Yesus pisiu ida telu lepe, abeʹ ne Yudas. Yudas pe ca mida diaʹ puloʹ dua usa diaʹ bayaʹ katuk Yesus are. Kadoʹ kelunan diaʹ ngkang bahing, ngan petung kayu nai serengan Yudas, moʹ pengecuk diaʹ detaʹu lataʹ, ngan diaʹ guru Adet, ngan diaʹ lataʹ lepoʹ.

LUKAS 22:47

Dalau Yesus pisiu pekina, idi kenai ca mpun kelunan abeʹ kina. Yudas iaʹ nai ngkin ida, ia ca usa cen diaʹ pulo dua usa diaʹ bayaʹ katuk Yesus are. Penco kenai Yudas ngenyeng Yesus, kun ne maʹoʹ ia.

YAYA 10:35

Ilu tisen ne dau dalem Kitap iaʹ telit lan pa majan, ngan kelunan diaʹ alaʹ Katuk Adet te cen naʹa, Tuhan Allah pisiu ida kelunan diaʹ seleket Allah.

YAYA 13:18

“Abeʹ dau isiu heʹ sihoʹ neng ikem mung. Akeʹ tisen mung diaʹ akeʹ lepa lemileʹ. Un sepuʹo atek palup lan ne dau Kitap iaʹ kuma ha: ‘Laki iaʹ pemung uman ngan nceʹ, ia ne iaʹ ke ngeliwet nyakat akeʹ.’

YAYA 17:12

Ngajan nceʹ un ngan nte are, lepa ne akeʹ petubo ida man penyukat ngadan ncoʹ, ina ne ngadan ncoʹ iaʹ ikoʹ lepa naʹ makeʹ are. Ngan akeʹ nubo lete ida. Ca usa pe abeʹ un durat mida, sematu bang ca le laki iaʹ ke durat, apan ketai nuyan lan ne dau Kitap.

YAYA 19:36

Ini ne lepa nuyan apan dau iaʹ dalem Kitap ke nai nuyan lan: “Pabeʹ ca tulang nge pe abeʹ un putun.”

PEMUYAN 1:20

Kun dau Peterus pelaʹa: “Moʹ un dau Daut dalem Kitap Kentau Masmur: ‘Talan ne amin ne tai lenga. Ayen buhaʹ ca kelunan tai ngelineʹ dalem me laʹa.’ Un pelaʹa: ‘Talan ne dulu diaʹ ca tai saliu ia, ngkang gayeng nge.’

PEMUYAN 13:15

Uʹo lepa dulu baca Kitap Katuk Adet Musa ngan Kitap Pegawa Tuhan, kun diaʹ tuʹa neng amin sebayang Yahudi ina cuk ca usa tai kata ida dua, kedau re: “Amai, buk un ca katuk ikem dua ke petangen dau neng lepoʹ ini, badaʹ ne mameʹ.”

PEMUYAN 13:38

Sulo dau Paulus laʹa: “Ahaʹ cenganak keʹ, tepat mung, tekep kem tisen ban kuʹun Yesus ini kenai katuk iaʹ ke sau penyalaʹ. Ameʹ nai pedenga ha palaʹ ikem.

PEMUYAN 15:13

Lepa ne ida dua pisiu ʹo, kun Yakup pisiu pelaʹa. Un dau ue: “Ahaʹ cenganak keʹ mung, ngeringa hem dau heʹ.

PEMUYAN 15:7

Majan nte pata dau isiu re. Uʹo ina kenai Peterus beteʹ. Un dau ue: “Ahaʹ cenganak keʹ mung, tisen te ikem, cen kena ne Allah lemileʹ akeʹ neng ahang ikem apan nceʹ ke pedenga katuk Injil me dulu diaʹ tahaʹ awang Yahudi, idi re kenahan ngan ngelan ne pe.

PEMUYAN 2:23

Ban Yesus lete, Allah ban naʹ palaʹ ikem bayaʹ pengubaʹ kimet te, ngan penisen ne tengen. Lepa ne ikem lematai ia, moʹ ikem iaʹ cuk dulu diaʹ pepuk kuʹun penyalaʹ napek ia neng kayu tecek.

PEMUYAN 2:37

Tegoʹ mung kelunan dina kenahan dau Peterus ne, tai kesuk ne tekaʹ kimet de, penco dau re neng Peterus ngan lawa Injil diaʹ ca dina: “Kumpin ne cenganak, inu iaʹ ameʹ ke uyan tupe?”

PEMUYAN 22:1

“Ahaʹ pui, amai, ngan cenganak, ngan tepat mung, ngeringa hem dau heʹ ke mipa ikem ading.”

PEMUYAN 23:1

Kun Paulus nekeneng naʹat Mpun diaʹ Lataʹ dina, kun dau ue: “Ahaʹ amai, ngan cenganak keʹ mung, akeʹ ne mudip neng juma Allah peging dema tekaʹ kimet penawai heʹ pa abeʹ tau ini ne.”

PEMUYAN 23:6

Dau Paulus taʹan palai mida dina diaʹ ban Seduki ngan un pe diaʹ Perisi, bioʹ dau ue pisiu kuma ha: “Ahaʹ amai, ngan cenganak keʹ mung, akeʹ ne ca diaʹ Perisi lete, ca anak ban mela Perisi. Moʹ ban nceʹ un tebelum kelunan matai ke nai numpak mudip laʹa, ina iaʹ ukoʹ dulu kini ke petugen akeʹ.”

PEMUYAN 28:17

Lepa ketelu tau ue, kun Paulus mengin mung diaʹ lataʹ Yahudi iaʹ un neng lepoʹ ina, nai pempun. Uʹo kenai re pempun, un dau ue neng ida: “Ahaʹ cenganak keʹ mung, naʹ pe akeʹ abeʹ un uyan ca inu iaʹ jaʹat neng lepoʹ le, pekina pe neng adet tepun le, un sepuʹo dulu nyepin nceʹ kaʹ Yerusalim, sulo re mahung akeʹ me lepoʹ Rum.

PEMUYAN 28:25

Pekina ne diseʹ ketai re ke uleʹ nuʹo. Un selepeʹ dau neng ahang ida ban kuʹun ca jo tiraʹ Paulus iaʹ pekini dau: “Ban atek lan koʹ baʹan dau tiraʹ Berua Buheʹ man isiu pegawa Yesaya palaʹ diaʹ tepun le are, iaʹ kuma ha:

PEMUYAN 7:2

Kun Stipanus mipa ia: “Ahaʹ pui, ngan cenganak cenganak keʹ mung, tiga hem ngeringa dau heʹ. Ban Allah iaʹ un serema peniga lepa nai luhaʹ palaʹ tepun le Ibrahim dalau ue caʹ un kaʹ tanaʹ Mesuputami, kena ha ke tai paso kaʹ tanaʹ Haran cen naʹaʹ te are.

1 PETERUS 1:11

Seʹ de ubaʹ ke ngetisen midan jakaʹ a, ngan ke kumpin seʹ puyan ke kenai ie ʹo. Moʹ Berua Keristus iaʹ un dalem ida, tugen dau neng iaʹ naʹkini, ngan nekena badaʹ neng penuyen iaʹ ke sihoʹ Keristus, ngan serema peniga iaʹ petuk kenai luhaʹ bayaʹ a.

2 PETERUS 1:21

Moʹ abeʹ un tiraʹ iaʹ badaʹ kimet Allah iaʹ nai cen pengubaʹ kimet kelunan tuaʹ le, di lareʹ nai ie kuʹun Berua Buheʹ iaʹ mesun neng kelunan jinan nte penco tiraʹ cen Allah.

2 PETERUS 2:21

Masaʹ lapa tiga re dina buk nyahut de abeʹ un tisen neng janan iaʹ teneng cen kena are, cen ʹo re ban tisen kidi, sulo tai re pupa mecin katuk iaʹ buheʹ, iaʹ Allah ban naʹ mida.