PEMUYAN 1:15 - Kenyah New Testament

¹⁵ Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 1:15 Iomraidhean Croise

MATIUS 13:31

Yesus badaʹ ca kata me ida pelaʹa: “Puyan pengaren Allah, ilu pekata man ca luang ampeʹ, iaʹ dulu alaʹ ngan mula ha neng uma.

LUKAS 22:32

Un sepe lepa ne akeʹ lemameʹ mikoʹ Simun, apan pengelan ncoʹ are tai supeʹ. Tegoʹ koʹ ngeliwet nai palaʹ akeʹ pelaʹa, tekep koʹ petangen diaʹ cenganak koʹ ʹo.”

YAYA 14:12

Lan dau heʹ mikem, aheʹ diaʹ ngelan neng akeʹ, ida ke ti lete pemuyan iaʹ kuaʹ baʹan akeʹ ti. Idi pe areʹ pelapa bioʹ cen ina pe ida ke ti, uban akeʹ iaʹ ke tai palaʹ Amai Bioʹ.

YAYA 21:23

Ina ukoʹ denga ina tai purat ne kahang ida diaʹ bayaʹ Yesus ne kuma laki ini abeʹ un ke matai. Un sepuʹo abeʹ Yesus un kuma ia abeʹ un ke matai. Dau ue: “Buk keʹ ubaʹ ia mudip pa kenai heʹ laʹa ʹo, mele inu pe ia pekina neng ikoʹ?”

PEMUYAN 10:23

Kun Peterus mengin ida telu dina nai kedalem, ngan tudo ne ida telu kina. Neng kenempam me, seʹ Peterus pedepa inu ue, tai ie pejahi serengan ida. Un pe kudaʹ usa diaʹ cenganak dalem Tuhan diaʹ cen Yupe tai pejahi ngan nte kina.

PEMUYAN 11:1

Kun diaʹ lawa Injil ngan mung cenganak dalem Tuhan diaʹ tipo tanaʹ Yudia kenahan dau denga lepoʹ tahaʹ awang Yahudi ban nai ngelan tiraʹ Allah.

PEMUYAN 11:12

Un dau Berua Tuhan: ‘Ayen babak tai tugung ida, moʹ akeʹ iaʹ cuk.’ Un nem usa cenganak dalem Tuhan dini nai jahi akeʹ tai masat kaʹ lepoʹ Kaisaria. Mung meʹ tai kedalem amin laki bioʹ Kurnilius.

PEMUYAN 11:26

Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.

PEMUYAN 11:29

Penco re diaʹ bayaʹ katuk Tuhan dina payo matu inu re, bayaʹ tekaʹ sukat de singket usa re, man nte mepo diaʹ cenganak de dalem Tuhan diaʹ ngelineʹ kaʹ tanaʹ Yudia.

PEMUYAN 12:17

Kun Peterus pekata seʹ man ujoʹ o ke peberinga ida. Penco ho badaʹ mida kumpin ban Tuhan ngkin ia kawang cen amin sepin ina. Kun Peterus cuk ida badaʹ puyan ina me Yakup ngan diaʹ cenganak de diaʹ ca dalem Tuhan ne ʹo. Uʹo ina kun ne mecin ngan tai kaʹ ca te.

PEMUYAN 14:2

Un palai lepoʹ Yahudi diaʹ abeʹ un ubaʹ ke ngelan dina, kun nte pekana dulu diaʹ ca, ngan pesakit kimet de, apan nte ke nyakat diaʹ cenganak le dalem Tuhan dina.

PEMUYAN 15:1

Nai palai dulu cen tanaʹ Yudia nyabeʹ kaʹ lepoʹ Antiukia. Pekini dau katuk de neng cenganak dalem Tuhan dina, kun dau re: “Buk kem are sihoʹ sunat bayaʹ Katuk Adet Musa, abeʹ kem senteng ke alaʹ udip iaʹ ke pudip ikem dalem Tuhan ʹo.”

PEMUYAN 15:3

Pekina Mpun diaʹ ngelan Tuhan cuk ida telu tai puke. Ketai re masat ngalang dale Penisia ngan dale Samaria, mentung nte badaʹ ban dulu diaʹ tahaʹ awang Yahudi lepa pupa kimet de palaʹ Allah. Denga ini iaʹ ngkin bioʹ bangen tawai me mung diaʹ cenganak dalem Tuhan dina.

PEMUYAN 16:2

Mung diaʹ cenganak dalem Tuhan kaʹ lepoʹ Ikunium ngan lepoʹ Listera pada Timutius.

PEMUYAN 16:40

Lepa Paulus ngan Silas nai kawang cen amin sepin ina, penco tai re dua kaʹ amin Lidia. Kina re dua petegoʹ ngan mung diaʹ cenganak dalem Tuhan kina, kun nte penco katuk iaʹ petangen ida. Uʹo ina tai re dua puke pelaʹa.

PEMUYAN 17:10

Kiʹan ketai tahup kun diaʹ cenganak le dalem Tuhan dina cuk Paulus ngan Silas tai kaʹ lepoʹ Beria. Dalau tai re abeʹ kaʹ Beria, penco ketai re kedalem amin sebayang Yahudi.

PEMUYAN 17:14

Nyangkit kun diaʹ cenganak le dalem Tuhan dina cuk Paulus puke, tai kaʹ sada bahi banget. Un Silas ngan Timutius, ngelineʹ de dua kaʹ Beria.

PEMUYAN 17:6

Naʹ pe pekina, abeʹ de petegoʹ ngan Paulus de dua Silas. Kun nte mihit Yasun pemung ngan palai cenganak le dalem Tuhan tai nyeripa perinta lepoʹ ina, mentung nte ngelengap, kun dau re: “Dini kelunan diaʹ lepa ngasing usun tanaʹ ini, un pe kenai re abeʹ kaʹ lepoʹ ilu ne.

PEMUYAN 18:18

Kun Paulus ngelineʹ kaʹ Kurintus majan ne ngan diaʹ cenganak dalem Tuhan kina. Uʹo ina tai ie puke bayaʹ kapen tai kaʹ tanaʹ Siria pemung ngan Periskila re dua Akila. Kena ina Paulus nguluk ulu ue kaʹ lepoʹ Kengkeria, moʹ o lepa ban patek tuket ngan Allah.

PEMUYAN 18:27

Un Apulus ubaʹ ke tai tahaʹ dipa kaʹ tana Gerika. Mung diaʹ ngelan Tuhan kaʹ lepoʹ Ipesus dina pebioʹ saheʹ e tai, mentung nte naʹ surat palaʹ cenganak de dalem Tuhan kaʹ tanaʹ Gerika, apan nte nyelama kenai ie. Uʹo ho abeʹ, bioʹ laleʹ seʹ e mepo pekatuk dulu diaʹ ban ngelan kuʹun pengelesau Allah.

PEMUYAN 21:17

Tagoʹ meʹ abeʹ kaʹ Yerusalim, mung diaʹ cenganak dalem Tuhan dina alaʹ ameʹ ngan bangen tawai re.

PEMUYAN 21:20

Lepa re kenahan dau puyan ina, penco re pempau Allah. Kun dau re neng Paulus: “Ahaʹ cenganak, tisen ne ikoʹ ban kudaʹ ibu diaʹ lepoʹ Yahudi diaʹ lepa ngelan Tuhan Yesus di lareʹ mung nte caʹ tudep lepe ida kanan Katuk Adet Musa.

PEMUYAN 21:7

Uʹo meʹ puke cen lepoʹ Tirus, tai meʹ abeʹ kaʹ lepoʹ Tulemais, penco tai meʹ badaʹ kaʹ saheʹ meʹ me diaʹ cenganak dalem Tuhan kina, sulo meʹ ngelineʹ ngan nte dalem ca tau.

PEMUYAN 22:5

Un Pengebioʹ Detaʹu, ia iaʹ atek tugen neng puyan nceʹ, peging ngan mung Mpun diaʹ Lataʹ. Cen ida pe akeʹ alaʹ surat iaʹ ida ke naʹ katu me diaʹ cenganak Yahudi kaʹ lepoʹ Damsik te. Penco tai heʹ kaʹ lepoʹ ina, ubaʹ ketai dakep ngan lemeka ida diaʹ kina, sulo ke ngkin ida kaʹ Yerusalim, moʹ ke ngukum ida.”

PEMUYAN 28:14

Kaʹ ina meʹ petegoʹ ngan palai diaʹ ngelan Tuhan. Ida iaʹ cuk ameʹ ngelineʹ tujoʹ tau majan meʹ pemung ngan nte. Uʹo ina le tai meʹ kaʹ lepoʹ Rum.

1 KURINTUS 15:6

Uʹo ina nai kun ne luhaʹ palaʹ suheʹ lema ato kelunan diaʹ cenganak le tegoʹ ca liwai ie. Kadoʹ lepe ida dina iaʹ un mudip pabeʹ naʹkini. Selu un pe palai mida lepa matai ne.

PUYAN LUHA’ 11:13

Tegoʹ ina, tekaʹ kenai liung tanaʹ iaʹ sarem, pa ketai mapeʹ ca tulat puloʹ lepoʹ ina. Tujoʹ ibu kelunan matai kuʹun liung tanaʹ ina. Mung kelunan diaʹ laʹa tai takut, penco re pempau seʹ pengebioʹ puyan Allah surga.

PUYAN LUHA’ 3:4

Un lepe palai mikem diaʹ kaʹ lepoʹ Sardis ina iaʹ abeʹ un ngejameng gelam ngkem. Ikem iaʹ ke pemung masat ngan nceʹ ʹo, ngan puteʹ gelam ngkem, uban penekep kem ti pekina lete.