PEMUYAN 1:13 - Kenyah New Testament

¹³ Sulo tai re kedalem lepoʹ Yerusalim, penco tai re pejakaʹ kaʹ amin iaʹ ban kukoʹ de are. Un pe Peterus, ngan Yaya, ngan Yakup, ngan Anderias, ngan Pilipus, ngan Tumas, ngan Batulumius, ngan Matius, ngan Yakup anak Alpius, ngan Simun laki ia sanget neng pulitik cen naʹaʹ are, ngan Yudas anak Yakup.

PEMUYAN 1:13 Iomraidhean Croise

MATIUS 9:9

Tai Yesus puke cen ukoʹ o kina. Dalau ketai ie masat, kun ne taʹan ca usa iaʹ alaʹ pupu, ngadan ne Matius, dalau ue madung kaʹ upis e te. Un dau Yesus neng ia: “Nai ne ikoʹ bayaʹ akeʹ.” Sulo beteʹ ne Matius ngan tai bayaʹ Yesus.

MARKUS 14:15

Sulo laki bioʹ iaʹ un amin ina ke badaʹ amin kempau mikem. Lepek tenup ne ketoʹ gelam iaʹ un neng amin ina. Kina hem ke petenup penguman milu.”

MARKUS 14:33

Kun Yesus ngkin Peterus, Yakup, ngan Yaya serengan ia. Bihe ne tekaʹ a, ngan meba tekaʹ kimet te.

MARKUS 2:14

Dalau tai ie masat laʹa, kun Yesus taʹan ca usa iaʹ alaʹ pupu me perinta, ngadan ne Liwi anak Alpius, iaʹ madung kaʹ upis alaʹ pupu. Und au Yesus pisiu Liwi: “Nai ne ikoʹ bayaʹ akeʹ.” Sulo nai Liwi beteʹ, ngan penco tai ie bayaʹ Yesus.

MARKUS 5:37

Sulo Yesus mulen dulu tai ngan ne. Bang Peterus, Yakup de dua cenganak ke Yaya.

MARKUS 9:2

Nem tau ʹo ina, sulo tai Yesus ngkin Peterus, ngan Yakup, nan Yaya ngan ne. Tai re telu tengen le mukat ca mudung iaʹ mpau. Dalau re telu naʹat Yesus, tai pekaliu ne diseʹ layen ne,

LUKAS 22:12

Ia ke badaʹ mikem ca amin iaʹ bioʹ, tahaʹ mpau te, ngan dengkep seʹ e kuʹun gelam iaʹ tiga. Kina hem ke petenup pe ʹo.”

YAYA 11:16

Tumas, (iaʹ dulu pisiu anak pepit) un dau ue pisiu diaʹ kuaʹ ngan ne bayaʹ katuk Yesus: “Tai ne ilu mung serengan Guru lene, idi le pemung matai ngan ne ʹo.”

YAYA 14:22

Yudas (abeʹ e Yudas Iskariut) iaʹ kuma ha: “Tuhan, inu senteng ngkoʹ ke peluhaʹ usa hoʹ tengen le neng ameʹ ngan abeʹ un neng dulu kusun tanaʹ ini?”

YAYA 18:17

Un dau leto iaʹ ngkang pamen ina neng Peterus: “Moʹ abeʹ tene ikoʹ re ca me diaʹ bayaʹ katuk laki ina mo?” Un dau Peterus mipa: “Naʹun, abeʹ keʹ un bayaʹ katuk ke.”

YAYA 21:2

Simun Peterus, Tumas (iaʹ dulu pisiu pepit), Natanil ca iaʹ nai cen lepoʹ Kana tanaʹ Galilia, dua usa diaʹ anak Sapdi, ngan dua usa diaʹ ca diaʹ bayaʹ katuk Yesus, un pemung kaʹ ina.

PEMUYAN 12:17

Kun Peterus pekata seʹ man ujoʹ o ke peberinga ida. Penco ho badaʹ mida kumpin ban Tuhan ngkin ia kawang cen amin sepin ina. Kun Peterus cuk ida badaʹ puyan ina me Yakup ngan diaʹ cenganak de diaʹ ca dalem Tuhan ne ʹo. Uʹo ina kun ne mecin ngan tai kaʹ ca te.

PEMUYAN 15:13

Lepa ne ida dua pisiu ʹo, kun Yakup pisiu pelaʹa. Un dau ue: “Ahaʹ cenganak keʹ mung, ngeringa hem dau heʹ.

PEMUYAN 2:14

Nai Peterus nekejeng pemung ngan diaʹ puloʹ ca usa diaʹ lawa dina, penco bioʹ dau ue: “Ahaʹ cenganak keʹ lepoʹ Yahudi, mung ngkem diaʹ ngelineʹ kaʹ Yerusalim tiga hem ngeringa dau heʹ ini, ngan petawi ne dau tiraʹ keʹ.

PEMUYAN 2:38

Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

PEMUYAN 20:8

Kadoʹ pelitaʹ dalem amin kukoʹ meʹ pempun neng iaʹ sada tahaʹ mpau ina.

PEMUYAN 4:13

Tai salam diseʹ diaʹ lataʹ diaʹ pempun kina, uban tempa ne dau Peterus ngan Yaya, moʹ de tisen ida dua pengalai kelunan tuaʹ le, abeʹ de sekula. Ina le tai re tisen ida dua iaʹ malai ban kejahi ngan Yesus cen kena.

PEMUYAN 4:19

Un sepuʹo dau Peterus ngan Yaya mipa ida kuma: “Ikem tengen ten pekimet ading. Iaʹ mpi iaʹ teneng neng Allah baʹan ncem: tekep meʹ bayaʹ dau hem tupe, buk are bayaʹ dau Allah pe?

1 KURINTUS 15:7

Uʹo ina kun ne luhaʹ palaʹ Yakup, sulo nai ie luhaʹ palaʹ mung diaʹ lawa Injil diaʹ ca.

GALATIA 1:19

Abeʹ keʹ un petegoʹ ngan lawa Injil diaʹ ca, pit Yakup iaʹ cenganak Tuhan le ina.

GALATIA 2:9

Yakup, Peterus, ngan Yaya, iaʹ dulu kuma ha diaʹ lataʹ, ida lepa nugen moʹ Allah lepa naʹ tulat gayeng ini makeʹ kuʹun ban pengelesau ue. Ina tuman nte alaʹ ameʹ dua Barnabas ngan selama dau. Mentung kuaʹ dau ayo meʹ pemung pegayeng ngan nte, iaʹ ina akeʹ ngan Barnabas tai mejo gayeng ina neng ahang lepoʹ dulu diaʹ ca, ngan ida tai palaʹ kelunan lepoʹ Yahudi.

YAKUP 1:1

Cen Yakup iaʹ ulaʹ Allah, ngan ulaʹ Tuhan Yesus Keristus: Akeʹ badaʹ tiga kimet palaʹ mung kelunan diaʹ anun Allah, diaʹ ban purat tipo kusun tanaʹ ini.

2 YAYA 1:1

Cen Yaya iaʹ tuʹa dalem Mpun diaʹ ngelan Tuhan: Palaʹ Tinen le iaʹ Allah nyelum, pemung ngan anak ke iaʹ atek akeʹ malaʹ dalem katuk iaʹ telit. Abeʹ e bang ca akeʹ tuaʹ le, un sepuʹo mung diaʹ ban tisen katuk iaʹ telit, diaʹ malaʹ ikem pe.

YAHUDA 1:1

Cen Yahuda ca ulaʹ Yesus Keristus, ngan cenganak Yakup: Palaʹ mung kelunan diaʹ Allah ban mengin are, diaʹ ban mudip dalem pengemalaʹ Allah iaʹ Amai Bioʹ ngan dalem gaham Yesus Keristus iaʹ petubo ida.