PEMUYAN 1:11 - Kenyah New Testament

¹¹ Kun dau re dua: “Ikem lepoʹ Galilia, inu hem nekejeng naʹat kaʹ langit tupe? Un Yesus iaʹ tai pejung kaʹ surga, iaʹ ikem taʹan ini, ke pekina lete kenai ie kentaʹ laʹa ʹo, koʹ baʹan ncem taʹan ketai ie kaʹ surga ne.”

PEMUYAN 1:11 Iomraidhean Croise

MATIUS 16:27

Ban ne nyeng le laʹa Anak Sio ini kenai luhaʹ ngan serema peniga Amai ie, peging ngan melikat te. Dalau ina ha ke nyuaʹ a singket usa kelunan bayaʹ ban pemuyan nte.

MATIUS 16:28

Nawai tiga le. Un palai me kelunan dini ʹo diaʹ abeʹ un ke matai pa re taʹan kenai Anak Sio ini, koʹ baʹan puyan kenai ie ngan pengaren ne.”

MATIUS 24:30

Lepa ina ne tedanaʹ Anak Sio ina kenai luhaʹ kaʹ langit. Ngan dalau ina pe mung puhoʹ kelunan kusun tanaʹ ini ke nange, ngan ida ke taʹan kenai Anak Sio ini kusun abun cen langit, peging ngan nyingan ne, ngan serema peniga ha iaʹ bioʹ.

MATIUS 25:31

“Tegoʹ Anak Sio ke nai koʹ baʹan ca paren bioʹ peging ngan mung melikat te, ia ke madung neng usun adan pengaren ne.

MARKUS 13:26

Lepa ina Anak Sio ini kenai luhaʹ dalau abun. Bioʹ nyingan ne ngan serema peniga ha.

MARKUS 14:70

Kun Peterus mipa ngan nyakat ia laʹa. Abeʹ majan ʹo ina laʹa, sulo dulu diaʹ nekejeng kina nujoʹ Peterus, ngan un dau re neng ia: “Adeʹ koʹ nyakat dulu? Luhaʹ ban ncoʹ ca usa mida telu, moʹ koʹ lepoʹ Galilia.”

MARKUS 16:19

Lepa Yesus petiraʹ ngan nte, sulo tai ie pejung kaʹ surga, ngan madung tahaʹ taʹu Tuhan Allah.

LUKAS 21:27

Tegoʹ ina sulo kelunan ke taʹan Anak Sio kenai luhaʹ dalau abun, peging ngan penyukat iaʹ bioʹ ngan serema peniga ha.

LUKAS 24:5

Tai takut laleʹ tekaʹ leto dina, sulo re muʹup kaʹ tanaʹ dalau laki dua dina pisiu ida, un dau re: “Moʹ inu hem nai mita iaʹ mudip kukoʹ diaʹ matai tupe?

YAYA 14:3

Uʹo heʹ lepa tai petenup ca ukoʹ mikem ne, akeʹ te iaʹ kenai ngeliwet alaʹ ikem, apan ncem pemung ukoʹ ngan nceʹ.

PEMUYAN 1:2

pa abeʹ tai tau ue pejung kaʹ surga. Kena ketai Yesus pejung, ia pekatuk dau man penukat Berua Buheʹ me kudaʹ usa laki, diaʹ ia ban lemileʹ tai nuyan lawa Injil e didai are.

PEMUYAN 1:22

cen tading ban Yaya ngebatis Yesus, pabeʹ tau tai Yesus pejung kaʹ surga mecin ameʹ.”

PEMUYAN 1:9

Lepa ha pisiu pekina, tai ie pejung kaʹ surga, ngan ida naʹat lepe ia pa kenai ca abun ngelinget ia neng penaʹat de.

PEMUYAN 13:31

Kenai ie luhaʹ dalem kudaʹ tau majan ne, kata ida diaʹ serengan ban masat ngan ne cen Galilia tai kaʹ Yerusalim are. Naʹkini ida dina diaʹ ban badaʹ tugen neng Yesus kaʹ lepoʹ Israil.

PEMUYAN 2:7

Mung nte salam ngan meba, penco dau re: “Mabeʹ lepoʹ Galilia mung nte diaʹ pisiu dini tupe?

PEMUYAN 3:12

Dalau Peterus taʹan seʹ mpun dulu kina, penco ho pisiu ida: Un dau ue: “Ahaʹ cenganak keʹ lepoʹ Israil, inu iaʹ ukoʹ kem tai salam neng seʹ puyan laki ini tupe? Ngan inu adeʹ kem nekeneng naʹat ameʹ tupe? Ayen kuma ban penyukat meʹ ngan pengebuheʹ adet meʹ iaʹ ban cuk laki ini senteng masat.

PEMUYAN 3:21

Un te ia pekena kaʹ surga pa tegoʹ mung inu ke nuyan mading. Pekina dau tiraʹ Allah iaʹ ia ban badaʹ cen naʹaʹ man isiu pegawa ha diaʹ buheʹ didai.

1 TESALUNIKA 1:10

Un dau re pisiu kumpin puyan ncem mengaʹ kenai Anak ke cen surga, iaʹ ina Yesus, iaʹ ia lepa beteʹ cen patai. Ia iaʹ ngelidung ilu cen kenca Allah iaʹ ke nai ʹo.

1 TESALUNIKA 4:16

Un sepuʹo un dau lengap pengecuk Allah, ngan un dau isiu melikat iaʹ bioʹ, ngan un dau tuyau tekepip Allah; penco Tuhan tengen kenai kentaʹ cen surga. Kelunan diaʹ lepa matai ngelan Keristus, ida ke nai beteʹ ading.

IBERANI 9:28

Ngan pekina lete Keristus lepa nuyan pencai liwa ca liwai, apan ne ke mesau penyalaʹ kadoʹ kelunan. Atek kenai ie luhaʹ kedua liwai ʹo, abeʹ e ke ti inu ngan penyalaʹ, un sepuʹo ia ke pudip mung kelunan diaʹ pengaʹ kenai ie.

PUYAN LUHA’ 1:7

Naʹat ne, kenai ie tugung abun. Mung kelunan diaʹ ke taʹan ia uʹo, peging ngan diaʹ ban mesuk ia are. Mung kelunan kusun tanaʹ ke nange ngan bisau kuʹun kenai ie uʹo. Atek pekina lan ʹo. Amin.