LUKAS 9:44 - Kenyah New Testament

⁴⁴ “Ini ca tiraʹ iaʹ akeʹ ubaʹ ikem ketisen. Ayen ncem tai lingu kidi. Dulu ke naʹ Anak Sio ini kentaʹ penyukat kelunan ʹo.”

LUKAS 9:44 Iomraidhean Croise

MATIUS 16:21

Ina ne tading Yesus peluhaʹ ca isiu iaʹ mading palaʹ diaʹ bayaʹ katuk ke. Un dau ue: “Tekep lete akeʹ tai kaʹ Yerusalim, ngan ke sihoʹ kadoʹ tuyen kuʹun diaʹ lataʹ lepoʹ, ngan diaʹ detaʹu lataʹ, ngan diaʹ guru Katuk Adet Musa. Dulu ke lematai heʹ ʹo. Un sepuʹo neng iaʹ ketelu tau ue, akeʹ kenai ngeliwet mudip laʹa.”

MATIUS 26:2

“Ikem lepa tisen dua tau laʹa kena Bunut Paska. Anak Sio ini dulu ke mencai apan nte lematai ia neng kayu tecek.”

MARKUS 8:31

Dalau ina lete tading Yesus pekatuk diaʹ bayaʹ katuk ke, un dau ue: “Tekep lete Anak Sio ini ke sihoʹ tuyen bioʹ ʹo, ngan diaʹ lataʹ lepoʹ, ngan diaʹ detaʹu lataʹ, ngan diaʹ guru Adet Yahudi ke nyekang ia. Dulu ke lematai heʹ ʹo. Uʹo ina, neng iaʹ ketelu tau ue, kenai heʹ ngeliwet mudip laʹa.”

MARKUS 9:31

moʹ o ke pekatuk ida diaʹ bayaʹ katuk ke, un dau ue: “Anak Sio ini dulu ke dakep ngan naʹ ia me kelunan diaʹ ke lematai ia ʹo. Un sepuʹo neng iaʹ ketelu tau ue, ia kenai beteʹ numpak mudip laʹa.”

LUKAS 1:66

Mung dulu diaʹ kenahan dau denga ina, ida pekimet dalem tawai re, ngan lemutu neng ida selepeʹ: “Kumpin ketai ubo anak ini ʹo taʹin?” Moʹ luhaʹ lan seʹ ban puyan nyingan Tuhan neng ia.

LUKAS 18:31

Kun Yesus ngkin puloʹ dua usa diaʹ bayaʹ katuk ke didai tai nengen. Un dau ue neng ida: “Ayen ncem tai talu. Ini ketai le kaʹ Yerusalim ini. Mung puyan iaʹ ban pegawa Tuhan lepa nyurat suaʹ akeʹ iaʹ Anak Sio ini, ketai ie palup lete kaʹ Yerusalim ʹo.

LUKAS 2:19

Kun Mariam pedemun ketoʹ dau tiraʹ ina, mentung nge pekimet tekaʹ sen ne.

LUKAS 2:51

Kenai Yesus uleʹ ne tugung ida dua, nai kaʹ lepoʹ Nasarit. Kina ha temek diseʹ mudip bayaʹ dau isiu ueʹ e ngan amai ie. Ketoʹ ban puyan ina are, ueʹ e pedemun dalem penawai ie.

LUKAS 24:44

Uʹo ina un dau Yesus mida: “Puyan ini lete iaʹ akeʹ badaʹ mikem dalau heʹ pemung ngan ncem are. Pekini dau heʹ are: Ketoʹ tiraʹ iaʹ ida badaʹ ke sihoʹ akeʹ dalem Katuk Adet Musa, pekina pe dalem Kitap Pegawa Tuhan, pekina pe dalem Kitap Kentau Masmur, atek ke palup mung.”

LUKAS 9:22

Kun dau ue pelaʹa: “Atek ke sihoʹ keta bioʹ te Anak Sio ini. Moʹ diaʹ lataʹ lepoʹ, ngan diaʹ detaʹu lataʹ, ngan diaʹ guru Adet Yahudi, mung nte ke nyekang akeʹ ʹo. Dulu ke lematai heʹ ʹo. Uʹo ina kenai heʹ ke ngeliwet mudip neng iaʹ ketelu tau ue ʹo.”

YAYA 16:31

Dau Yesus mipa ida: “Lan ncem ngelan naʹkini taʹin?

YAYA 16:4

Nekena ne akeʹ badaʹ puyan ini mikem, apan ncem ke petawai dau iaʹ akeʹ lepa badaʹ mikem tegoʹ tau dulu ke ti puyan ini ʹo.” “Abeʹ keʹ un badaʹ puyan ini mikem cen kena re, uban nceʹ petem un ngan ncem.

YAYA 19:11

Dau Yesus mipa: “Pukoʹ koʹ un penyukat neng akeʹ bang uban Allah iaʹ lepa naʹ ini mikoʹ. Ina ukoʹ kelunan iaʹ mencai akeʹ me ikoʹ, ia iaʹ nyalit neng penyalaʹ iaʹ baran neng uʹo penyalaʹ koʹ.”

PEMUYAN 2:23

Ban Yesus lete, Allah ban naʹ palaʹ ikem bayaʹ pengubaʹ kimet te, ngan penisen ne tengen. Lepa ne ikem lematai ia, moʹ ikem iaʹ cuk dulu diaʹ pepuk kuʹun penyalaʹ napek ia neng kayu tecek.

IBERANI 2:1

Tuman ina, tekep le pali kuʹo ke ngkang katuk telit iaʹ ilu lepa kenahan are, malap ilu tai duncau.