LUKAS 9:41 - Kenyah New Testament

⁴¹ Un dau Yesus: “Seʹ kem kelunan dini abeʹ un pengelan, ngan salaʹ seʹ kimet cem. Kudaʹ majan laʹa akeʹ ke pemung ngan ncem, ngan ke pedenaʹ ngan ncem tupe?” Sulo Yesus pisiu laki idai: “Ngkin ne anak koʹ kini.”

LUKAS 9:41 Iomraidhean Croise

MATIUS 11:28

“Nai ne ikem palaʹ akeʹ, mung ngkem diaʹ jengan tuman mpin ncem iaʹ bahat. Akeʹ ke naʹ udip denaʹ mikem.

MATIUS 12:39

Penco dau Yesus: “Kelunan diaʹ mudip ngajan ini un jaʹat kimet de, ngan puyan nte pejaʹat Tuhan Allah. Ikem ke cuk akeʹ uyan ca puyan nyingan mo? Naʹun. Bang ca tuaʹ tedanaʹ nyingan iaʹ akeʹ ke peluhaʹ mikem uʹo, iaʹ ina tedanaʹ nyingan pegawa Yunus.

MATIUS 12:45

Penco tai ie kawang, tai ie mengin tujoʹ de bali jaʹat iaʹ lapa jaʹat neng ʹo ia. Sulo re nai ngelineʹ neng amin ina. Ina ukoʹ batung kelunan ina abeʹ un tuman diseʹ ketai kuʹo ho, lapa jaʹat neng ʹo pemuyan ne iaʹ cen kena are. Ini ne iaʹ ke nuyan neng kelunan diaʹ jaʹat ngajan ini uʹo.”

MATIUS 16:4

Kelunan diaʹ mudip ngajan ini un jaʹat kimet de, ngan puyan nte petaro Tuhan Allah. Seʹ kem ke cuk akeʹ uyan puyan nyingan? Naʹun. Bang ca le tedanaʹ nyingan iaʹ akeʹ ke naʹ mikem, iaʹ ina tedanaʹ nyingan pegawa Yunus.” Lepa ina sulo tai Yesus mecin ida.

MATIUS 17:17

Un dau Yesus mipa: “E kelunan diaʹ abeʹ un pengelan, ngan salaʹ kimet. Kudaʹ majan nceʹ ke ngelineʹ ngan ncem tupe? Ngan kudaʹ majan nceʹ ke pedenaʹ ngan ncem? Nai ne ngkin anak ina kini palaʹ akeʹ.”

MATIUS 23:36

Atek lan dau heʹ mikem, mung ukum neng puyan ini ke pebaʹ neng usun mela kelunan ngajan ini.”

MATIUS 3:7

Dalau ina kun Yaya taʹan kadoʹ kenai kelunan Perisi ngan kelunan Seduki nai palaʹ ia, ke cuk ia ke ngebatis ida. Un dau Yaya neng ida: “Ikem diaʹ kimet ncung ulai, aheʹ iaʹ badaʹ mikem iaʹ un janan ncem senteng ke takau cen kenca Tuhan Allah iaʹ ke nai ʹo?

MARKUS 10:14

Dalau Yesus tisen seʹ puyan ina, sulo ho ngenca ida. Un dau ue neng ida: “Pawang ne anak dina nai palaʹ akeʹ. Ayen mulen ida, ban ne kelunan diaʹ koʹ baʹan anak dumit dini are, ida ne iaʹ atek marung neng puyan pengaren Allah ke ngaren ilu kelunan.

MARKUS 10:49

Sulo Yesus pekenaʹ ngan un dau ue: “Mengin ne kini.” Penco ketai re mengin laki butaʹ ina. Un dau re: “Tiga ne tawai hoʹ. Beteʹ ne. Ina seʹe mengin ikoʹ.”

MARKUS 9:19

Sulo Yesus pisiu ida mung: “E ikem kelunan diaʹ abeʹ un un pengelan. Kudaʹ majan nceʹ ke pemung ngan ncem pa hem ke ngelan tupe? Kudaʹ majan nceʹ ke pedenaʹ ngan ncem? Nai ne ngkin anak ina palaʹ akeʹ.”

LUKAS 8:25

Sulo dau Yesus neng dia dan bayaʹ katuk ke dina: “Mpi pengelan ncem?” Tai salam ngan takut tekaʹ de. Un dau re neng ida selepeʹ: “Aheʹ ini taʹin? Adeʹ pabeʹ bahiu ngan sungai pe bayaʹ dau pengecuk ke.”

LUKAS 9:40

Lepa ne akeʹ nyat lesau neng diaʹ bayaʹ katuk koʹ. Supeʹ de ke sau ue.”

LUKAS 9:42

Dalau kenai demanai ina masat ngenyeng Yesus, sulo bali sepen ina nubang ngan lemintet ia kaʹ tanaʹ, pa kenyarem seʹ e. Kun Yesus cuk bali ina kelap, penco ho paget anak ina. Kun ne naʹ ia uleʹ me amai ie.

YAYA 14:9

Dau Yesus mipa ia: “Majan ne akeʹ lepa ngan ncem mung. Inu adeʹ koʹ abeʹ un tisen akeʹ lepe Pilipus? Aheʹ iaʹ lepa taʹan akeʹ, ia lete lepa taʹan Amai Bioʹ. Buk pekina, inu adeʹ koʹ kuma: ‘Peluhaʹ Amai Bioʹ mameʹ.’

YAYA 20:27

Un dau ue neng Tumas: “Naʹ buaʹ ujoʹ koʹ ne kini, ngan naʹat seʹ ujoʹ keʹ ne. Uʹo ina mejo ujoʹ koʹ ne ngan naʹ a kaʹ tegahang ngkeʹ. Ayen ncoʹ kawaʹ laʹa, bang ngelan ne.”

PEMUYAN 13:18

Toʹ ban majan nte kihoʹ kihoʹ pat puloʹ uman kaʹ tanaʹ lenga, Allah pedenaʹ tawai ie neng ida.

PEMUYAN 2:40

Pekesihoʹ ne dau tiraʹ Peterus neng ida. Ngan kadoʹ tiraʹ diaʹ ca laʹa, seʹ Peterus ten ke payo ida dina, kun dau ue: “Pudip ne usa hem cen ukum iaʹ ke sihoʹ lepoʹ iaʹ jaʹat ini.”

RUM 2:4

Pamoʹ pe ikem pesingo neng pengelesau iaʹ Allah lebang naʹ milu, ngan dadoʹ saheʹ e, ngan denaʹ tawai ie. Tekep kem tisen inu ukoʹ Allah ban lesau ikem, moʹ o ten ke ngkin ikem nyepuleʹ kimet cem cen penyalaʹ kem.

IBERANI 3:19

Tuman ina ilu tisen, abeʹ de senteng tai kaʹ dalem, uban nte abeʹ un ubaʹ ngelan.

IBERANI 4:11

Moʹ ina tekep lete ilu nengayet ketai kaʹ dalem kukoʹ kelineʹ pemung ngan Allah. Ayen ca milu tapa uban le muau koʹ baʹan puyan dulu cen naʹaʹ ban muau are.

IBERANI 4:2

Kuaʹ baʹan ida lete, ilu lepa kenahan dau Denga Tiga are. Ida kenahan te tiraʹ Tuhan ina, un sepuʹo abeʹ un ateng nta ha neng ida, moʹ de abeʹ ngelan serengan nte alaʹ a.

IBERANI 7:25

Uban ne pekina, Yesus senteng pudip pa kumpin ne, kelunan diaʹ nai ngejuma Allah kuʹun ne, uban ne mudip pa majan ngan ke lemameʹ Allah tuman ida.