Biblia Todo Logo
Bìoball air-loidhne

- Sanasan -




LUKAS 9:16 - Kenyah New Testament

16 Kun Yesus alaʹ ruti paun lema luʹung dina, ngan atuk dua usa, penco seʹ e nekadaʹ kaʹ langit, nyuaʹ tiga saheʹ e me Allah. Uʹo ina ha pepiding pepiding ruti paun dina, ngan naʹ a mida diaʹ bayaʹ katuk ke, apan nte tai patu ue me diaʹ kadoʹ dina.

Faic an caibideil Dèan lethbhreac




LUKAS 9:16
16 Iomraidhean Croise  

Uʹo ina kun ne cuk kelunan kadoʹ dina madung kaʹ udu metun dina. Sulo ho alaʹ lema luʹung ruti paun ngan sihai atuk dua dina are. Kun ne nekadaʹ kaʹ langit ngan nyuaʹ tiga saheʹ e me Tuhan Allah. Lepa ina kun ne mepeʹ ruti ngan atuk dina, penco naʹ a me diaʹ bayaʹ katuk ke, ngan ida penco patu ue me kelunan kadoʹ dina laʹa.


Sulo ho alaʹ tujoʹ luʹung ruti paun dina, pemung ngan atuk dina. Kun ne nyuaʹ tiga saheʹ e palaʹ Tuhan Allah, sulo ho mepeʹ ruti paun ngan atuk dina, penco naʹ a me diaʹ bayaʹ katuk ke. Kun diaʹ bayaʹ katuk ke patu atuk ngan ruti paun dina are me kelunan kadoʹ dina.


Lepa ina kun Yesus nekadaʹ kaʹ langit, ngan dau kerahing nge, sulo ho pisiu laki ina: “Ipata.” Iaʹ sen isiu ina: “Mesik ne.”


Kun Yesus alaʹ ca luʹung ruti, penco ho nyuaʹ tiga saheʹ palaʹ Allah, kun ne pepiding pepiding nge, mentung nge naʹ a mida. Un dau ue: “Ini ne usa heʹ, ca pengencai moʹ suaʹ ikem. Ikem uyan koʹ baʹan ini are, man ncem ke nawai akeʹ ʹo.”


Pemung madung le Yesus ngan nte dua kena re ke uman, kun ne alaʹ ca luʹung ruti, ngan nyuaʹ tiga saheʹ palaʹ Allah. Sulo ho piding nge, ngan naʹ a mida.


Kun nte uyan koʹ baʹan dau ue, mentung nte cuk dulu madung mung.


Mung nte uman ne pa beso. Kun diaʹ bayaʹ katuk Yesus dina nemo ban laʹa ha, sangan puloʹ dua ingen.


Kun Yesus alaʹ ruti idai, penco ho nyuaʹ saheʹ kimet neng Allah, ngan patu ue me kelunan kadoʹ diaʹ madung kina ne. Pekina lete ia ti atuk didai, ngan alaʹ mele kumpin pengubaʹ de ne.


Nai alut diaʹ ca cen Tiberias nyekakan kata kina, nyeng kukoʹ dulu uman ruti paun tegoʹ Yesus lepa nyuaʹ saheʹ kimet are.


Lepa ha pekina dau, kun ne alaʹ ruti ngan nyuaʹ tiga saheʹ palaʹ Allah nyeripa ida mung, kun ne mepeʹ e, sulo ho uman ne.


Aheʹ iaʹ pekimet un tau bioʹ ina, seʹ e pekimet ke nyelama Tuhan lete. Pekina pe aheʹ iaʹ uman inu inu penguman dina, seʹ e uman ne moʹ o nyelama Tuhan lete, mentung nge nyuaʹ tiga saheʹ palaʹ Allah neng penguman ina. Aheʹ iaʹ abeʹ un ubaʹ ke uman naʹan penguman dina mung, seʹ e abeʹ un uman ne moʹ o nyelama Tuhan lete, mentung nge nyuaʹ tiga saheʹ e palaʹ Allah.


Buk keʹ alaʹ penguman ngan nyuaʹ tiga saheʹ palaʹ Allah, moʹ inu ca kelunan ke ngetepet akeʹ kuʹun penguman iaʹ tuman nceʹ lepa nyuaʹ tiga saheʹ keʹ tupe?”


sulo ho nyuaʹ tiga saheʹ palaʹ Allah, sulo ho pepiding pepiding nge mentung dau ue: “Ini ne usa heʹ, iaʹ pencai tuman ikem. Uyan ne ini man ncem petawai neng akeʹ.”


Lean sinn:

Sanasan


Sanasan