LUKAS 9:11 - Kenyah New Testament

¹¹ Dalau dulu diaʹ kadoʹ tisen neng puyan ina, sulo tai re bayaʹ ia. Ngan tiga saheʹ Yesus alaʹ ida, penco ho badaʹ mida neng puyan pengaren Allah, mentung nge puhat diaʹ are maget mida.

LUKAS 9:11 Iomraidhean Croise

MATIUS 12:15

Dalau Yesus kenahan dau puyan ina, sulo tai ie mecin cen ina, ngan kadoʹ dulu diaʹ tai bayaʹ ia. Kun ne paget mung kelunan diaʹ sakit.

MATIUS 14:14

Dalau kenai Yesus pejakaʹ cen alut ina, penco ho taʹan kenai ca mpun kelunan kadoʹ. Bioʹ kaʹ pengelesau ue pekimet ida, sulo ho paget diaʹ sakit neng ahang ida.

MATIUS 21:31

Iaʹ mpi neng ahang anak dua dina iaʹ uyan pengubaʹ amai ie?” Un dau re mipa Yesus: “Anak ke iaʹ seken ina.” Un dau Yesus neng ida laʹa: “Lan dau heʹ mikem, ban ne kelunan diaʹ alaʹ pupu, ngan leto pedayang, iaʹ ketai kaʹ dalem puyan pengaren Allah nekena neng ʹo ikem.

MATIUS 21:43

Un dau Yesus laʹa: “Ini ne dau heʹ mikem, puyan pengaren Allah ke ngaren ilu kelunan ke pesau cen ikem, sulo ho naʹ a me kelunan diaʹ ke ngebuʹan buʹan iaʹ tekep seʹ. [

LUKAS 1:53

Ia pebeso kelunan diaʹ laʹu man peniga ha, ngan ia cuk dulu diaʹ kayaʹ tai uleʹ kelangan.

LUKAS 5:31

Un dau Yesus mipa ida: “Kelunan diaʹ maget abeʹ de mita duktun, bang kelunan diaʹ sakit le.

LUKAS 8:1

Abeʹ majan uʹo ina, tai kun Yesus masat singket singket lepoʹ pa tipo dale ina, tai badaʹ Denga Injil neng puyan pengaren Allah. Un petugung ngan ne, puloʹ dua usa diaʹ bayaʹ katuk ke.

LUKAS 8:10

Dau Yesus mipa ida: “Penisen neng sen iaʹ linget neng puyan pengaren Allah, lepa ne ia naʹ a mikem. Un sepuʹo kenai penisen ina kata dulu man kata katuk, apan nte sukat naʹat, abeʹ pe ida taʹan; ngeringa te ida, abeʹ de tai tisen sen ne.”

LUKAS 9:10

Nai kun diaʹ puloʹ dua usa lawa Injil didai uleʹ ngeliwet palaʹ Yesus, ngan badaʹ mia ketoʹ puyan ban tai re are. Sulo Yesus ngkin ida tugung ia tai ngerada kaʹ ca lepoʹ, ngadan ne Bit-saida.

LUKAS 9:12

Dalau ketai tahup, nai kun diaʹ puloʹ dua usa didai are, pisiu ngan Yesus: “Tiga hoʹ cuk diaʹ kadoʹ dini tai uleʹ, idi re sukat tai kaʹ lepoʹ ngan lumpung uma iaʹ un teliling ilu kini, idi re sukat ke alaʹ penguman mida, ngan un pe ukoʹ de ke tudo, moʹ lenga ukoʹ le kini.”

LUKAS 9:2

Sulo kun ne cuk ida tai badaʹ denga puyan pengaren Allah, mentung paget diaʹ sakit.

YAYA 4:34

Kun Yesus pisiu mida: “Penguman nceʹ ne keti bayaʹ pengubaʹ kimet ia iaʹ cuk akeʹ nai, ngan pedaʹam gayeng iaʹ ia cuk akeʹ ti.

YAYA 6:37

Singket usa kelunan, aheʹ diaʹ Amai heʹ naʹ makeʹ, atek de nai palaʹ akeʹ. Abeʹ keʹ ke nyekang aheʹ iaʹ ke nai palaʹ akeʹ,

PEMUYAN 28:31

Kun ne badaʹ denga neng puyan pengaren Allah ngaren ilu kelunan, ngan badaʹ katuk neng Tuhan Yesus Keristus. Kun ne pisiu ngan tempa dau ue, ngan abeʹ un aheʹ iaʹ penceng ia. 109

RUM 10:14

Kumpin nte ke lemameʹ Tuhan buk abeʹ lepe ida ngelan? Ngan kumpin nte ke ngelan ia buk abeʹ lepe ida kenahan dau denga katuk ke? Ngan kumpin nte ke kenahan ne buk abeʹ un aheʹ diaʹ tai pedenga katuk ina mida?

RUM 10:17

Moʹ ina, luhaʹ ban pengelan nai buk dulu kenahan dau katuk. Ngan dau katuk ina nai buk un aheʹ iaʹ ke pedenga Keristus.

RUM 15:3

Moʹ abeʹ Keristus uyan pengubaʹ a tengen. Koʹ baʹan dau ue dalem Kitap: “Mung dau tiraʹ kelunan diaʹ pejaʹat ikoʹ ban nantaʹ neng akeʹ.”

2 TIMUTIUS 4:2

Pedenga ne tiraʹ Tuhan, ngan lemuto tenup tekaʹ koʹ ke penco tiraʹ ina, mele dalau kumpin kumpin pe. Tiga hoʹ peluhaʹ pemuyan dulu, ngan negun dau neng diaʹ salaʹ. Petangen ida, ngan pekatuk ida man toʹ pengedenaʹ tawai hoʹ.

IBERANI 4:16

Moʹ ina, tekep le nai palaʹ padung pengaren Allah ngan tempa tekaʹ. Kina ban un pengelesau. Kina ilu senteng alaʹ lesau, ngan tisen pengelesau iaʹ ke mepo ilu tegoʹ iaʹ penekep pe.