LUKAS 9:1 - Kenyah New Testament

¹ Kun Yesus mengin diaʹ puloʹ dua usa diaʹ bayaʹ katuk ke are, penco ho naʹ mida nyingan ngan penyukat man nte ke sau mung bali, ngan paget mung penyakit.

LUKAS 9:1 Iomraidhean Croise

MATIUS 16:19

Akeʹ ke naʹ alet pamen pengaren surga mikoʹ ʹo. Inu iaʹ ikoʹ ke mulen kusun tanaʹ ini ʹo, ina lete iaʹ Tuhan lepa ban mulen kaʹ surga ne. Ngan inu iaʹ ikoʹ ke pedayo kusun tanaʹ ini ʹo, ina lete iaʹ Tuhan lepa ban pedayo kaʹ surga te.”

MATIUS 4:24

Purat ne denga Yesus pa libut tanaʹ Siria, pabeʹ kenai dulu ngkin kadoʹ kelunan diaʹ sihoʹ kadoʹ naʹan penyakit palaʹ ia. Un palai diaʹ keta ngan tuyen. Un palai diaʹ bali nelasek. Un palai sepen. Un palai diaʹ sakit uhat. Sulo Yesus paget ida mung.

MATIUS 8:9

Ban ne akeʹ ca kelunan tahaʹ ntaʹ pengecuk dulu, ngan pekina pe un sedadu diaʹ tahaʹ ntaʹ neng akeʹ, diaʹ akeʹ cuk. Akeʹ cuk ca usa: ‘Tai,’ sulo ketai ie. Ngan akeʹ cuk ca usa: ‘Nai,’ sulo kenai ie. Ngan akeʹ cuk ulaʹ keʹ: ‘Uyan ne ini,’ sulo ho uyan ne.”

LUKAS 10:1

Uʹo ina kun Tuhan lemileʹ tujoʹ puloʹ dua usa laʹa. Penco ho cuk ida tai tahaʹ dua tahaʹ dua nekena ia neng singket lepoʹ ngan umaʹ, kukoʹ o ubaʹ ke nyabeʹ ʹo.

LUKAS 10:19

Petawai le ikem neng dau ini: Lepa ne akeʹ naʹ penyukat mikem, idi hem senteng cuk ncung ulai ngan lipa busung, ngan penyukat neng usun ketoʹ pengali Bali Bioʹ iaʹ bunoʹ le, ngan abeʹ un ca inu iaʹ senteng ke ngejaʹat ikem ʹo.

YAYA 14:12

Lan dau heʹ mikem, aheʹ diaʹ ngelan neng akeʹ, ida ke ti lete pemuyan iaʹ kuaʹ baʹan akeʹ ti. Idi pe areʹ pelapa bioʹ cen ina pe ida ke ti, uban akeʹ iaʹ ke tai palaʹ Amai Bioʹ.

PEMUYAN 1:8

Un sepuʹo ke sangan ncem kuʹun penyukat te tegoʹ Berua Buheʹ kenai mesun neng ikem, ngan ikem iaʹ ke tai nuyan kelunan diaʹ ke badaʹ tugen neng akeʹ kaʹ Yerusalim, pekina pe pa tipo tanaʹ Yudia, ngan kaʹ tanaʹ Samaria, pabeʹ libut usun tanaʹ ne.”

PEMUYAN 3:16

Ban kuʹun penyukat dalem ngadan Yesus, ina iaʹ lepa puhat laki ini. Puyan laki apet, iaʹ ikem taʹan ngan tisen ini, lepa nuyan ban kuʹun pengelan kedalem ngadan Yesus ne. Ban pengelan neng Yesus iaʹ paget ia lan, kata ikem mung.”

PEMUYAN 4:30

Ngayang ujoʹ koʹ iaʹ senteng ke paget kelunan, ngan ke uyan tedanaʹ bulen ngan puyan nyingan man ngadan Yesus, ulaʹ koʹ iaʹ buheʹ.”

PEMUYAN 9:34

Un dau Peterus neng ia: “Ahaʹ Inias, ban Yesus Keristus iaʹ paget ikoʹ. Beteʹ ne, lemelen ne pat coʹ ne.” Dalau ina to kenai ie beteʹ tuaʹ ne.