LUKAS 8:21 - Kenyah New Testament

²¹ To dau Yesus neng diaʹ kadoʹ dina: “Un diaʹ ke ueʹ keʹ ngan diaʹ ke sadin nceʹ, ida diaʹ ngeringa tiraʹ Allah ngan tudep bayaʹ a.”

LUKAS 8:21 Iomraidhean Croise

MATIUS 17:5

Dalau Peterus pisiu pekina, idi kenai ca abun iaʹ dema ngelingau ida. Penco un dau ca isiu cen dalau abun ina: “Ini ne iaʹ atek Anak keʹ iaʹ pengemalaʹ keʹ, iaʹ sihoʹ neng pengubaʹ keʹ. Ngeringa ne dau ue.”

MATIUS 25:40

Un dau paren bioʹ ina ke mipa ida: ‘Atek lan dau heʹ mikem, dalau hem uyan puyan ini neng ca diaʹ cen anak keʹ diaʹ jaʹat dini, seleket cem uyan ne neng akeʹ lete ina.’

MATIUS 25:45

Sulo paren bioʹ ina ke mipa ida, un dau ue: ‘Atek lan dau heʹ mikem, midan ncem abeʹ un ubaʹ ke mepo ca usa neng ahang diaʹ jaʹat dini, seleket cem abeʹ un ubaʹ ke mepo akeʹ lete ina.’

MATIUS 28:10

Un dau Yesus neng ida: “Ayen ncem takut. Tai ne ikem uleʹ, ngan cuk diaʹ cenganak keʹ tai kaʹ Galilia. Kina re ke taʹan akeʹ ʹo.”

LUKAS 8:15

Un beneʹ diaʹ laboʹ neng tanaʹ diaʹ tiga didai, ida te koʹ baʹan dulu diaʹ ngeringa katuk. Kun nte nyalet te dalem kimet iaʹ tiga ngan iaʹ tunuk, ngan tudep pa re un buʹan neng pengudip de.”

LUKAS 8:20

Kun dulu badaʹ mia: “Ina kenai ueʹ koʹ ngan diaʹ sadin ncoʹ, ina re nekejeng kaʹ sada mpun nte. Kenai re ke mengin ikoʹ, moʹ de ubaʹ ke pisiu ngan ncoʹ.”

YAYA 13:17

Naʹkini ikem tisen ne katuk telit ini. Bangen lan ne ikem buk kem naʹ pemuyan ncem kuaʹ ngan iaʹ penisen ncem.

YAYA 20:17

Dau Yesus badaʹ mia: “Ayen mapo akeʹ, uban abeʹ un awai heʹ tai uleʹ palaʹ Amai Bioʹ lepe. Tai ne badaʹ me diaʹ cenganak keʹ te, akeʹ ke tai uleʹ palaʹ ia iaʹ Amai heʹ, ngan iaʹ Amai hem, iaʹ Allah heʹ, ngan iaʹ Allah hem, kun ncoʹ mida.”

2 KURINTUS 5:16

Ban ne lepa pekina, abeʹ meʹ kanan penyaheʹ kelunan buk meʹ metep kimet meʹ neng ca kelunan. Kenuen pe cen naʹaʹ are, seʹ meʹ metep kimet meʹ neng Keristus bayaʹ ban penyaheʹ kelunan are, abeʹ meʹ uyan pekina laʹa.

2 KURINTUS 6:18

Akeʹ ke nuyan iaʹ Amai hem, ngan ikem ke nuyan iaʹ anak laki heʹ, ngan iaʹ anak leto heʹ. Pekina dau Tuhan iaʹ Nyingan Bioʹ.”

YAKUP 1:22

Ayen panyi ikem loʹ bang ngeringa dau tiraʹ a tuaʹ le, di lareʹ menco ne bayaʹ dau ue.

1 YAYA 2:29

Tisen te ikem uban Keristus iaʹ atek teneng. Ina ukoʹ tekep lete ikem ke ngetisen ne, ban mung diaʹ nemek uyan teneng, ida diaʹ anak Allah.

3 YAYA 1:11

Ahaʹ cenganak keʹ iaʹ akeʹ malaʹ, ayen ngatap bayaʹ seʹ puyan iaʹ jaʹat, di lareʹ ngatap puyan iaʹ tiga le. Aheʹ kelunan iaʹ menco puyan iaʹ tiga, ida lete diaʹ anun Allah. Kelunan iaʹ menco puyan iaʹ jaʹat, abeʹ de tisen Allah lepe.