LUKAS 8:13 - Kenyah New Testament

¹³ Un beneʹ diaʹ laboʹ neng usun tanaʹ bere dina, koʹ baʹan dulu diaʹ ngeringa katuk idai, mentung nte alaʹ a ngan bangen tawai. Un sepuʹo abeʹ katuk didai tai detem dalem kimet de. Seʹ de ngelan ne dalau laho ina tuaʹ. Ngan tegoʹ kenai pengeten palaʹ ida, penco luʹap ne kimet de.

LUKAS 8:13 Iomraidhean Croise

MARKUS 6:20

Ban ne Herudis tisen Yaya ca kelunan teneng ngan buheʹ, ina ukoʹ o takut neng ia, ngan petubo ia tiga tiga. Ubaʹ te Herudis ngeringa dau Yaya lete, naʹ pe kaseng laleʹ kaʹ kimet te singket te kenahan dau isiu ue.

LUKAS 8:12

Beneʹ diaʹ laboʹ kaʹ janan, ia te dulu diaʹ ngeringa katuk ina, penco kenai Bali magang katuk ina cen kimet de, malap ida ngelan penco alaʹ udip dalem Tuhan.

LUKAS 8:14

Un beneʹ diaʹ laboʹ neng ahang suhaʹ dina, koʹ baʹan dulu diaʹ lepa ngeringa, un sepuʹo moʹ de pekutat iʹut tawai ngan kadoʹ galen nte, ngan pengawaʹ udip de kusun tanaʹ ini, dina ne iaʹ ke nebeseng ida, pa re supeʹ kuʹun ne, ngan abeʹ un buaʹ pengudip de iaʹ ketai sukung sak ke.

YAYA 15:2

Ia mutun mesau singket daʹan diaʹ abeʹ un buʹan neng akeʹ. Ngan singket daʹan diaʹ buʹan, ia ke metoʹ palai apan bada le daʹan ne, ngan tiga kenai buʹan ne sahu.

YAYA 15:6

Aheʹ iaʹ abeʹ un detem neng akeʹ, dulu ke pet kawang, ukoʹ baʹan ca utun daʹan iaʹ tai maʹang are. Daʹan dia pekina, dulu pempun ngan pet kaʹ luten apan ne tutung.

YAYA 5:35

Yaya iaʹ kuaʹ baʹan ca titiu iaʹ tutung menyerema le diseʹ, ngan nuat le ikem ubaʹ ke bangen neng dema ha.

1 KURINTUS 13:2

Kenuen pe akeʹ un pencai man nceʹ senteng pisiu seluhan isiu Allah, kenuen pe akeʹ un mung penisen, ngan iaʹ lesan neng iaʹ linget pe, kenuen pe pengelan nceʹ sukung pa heʹ senteng paso mudung pe, un sepuʹo buk keʹ abeʹ un malaʹ, abeʹ keʹ ke nuyan ca inu inu pe.

1 KURINTUS 15:2

Denga Injil ina ne tiraʹ iaʹ akeʹ badaʹ mikem are. Kuʹun Denga Injil ina un puyan iaʹ pudip ikem, ahaʹ ikem pali ngkang nge buk ke are tepa pengelan ncem.

GALATIA 3:1

E kelunan Galatia diaʹ mapaʹ! Aheʹ iaʹ ban pelingu ikem tupe? Sen neng puyan patai Yesus Keristus neng usun kayu tecek are, lepa ne akeʹ badaʹ a mikem pa ha besut dau.

GALATIA 3:4

Kumpin? Mung puyan iaʹ nuyan neng ikem tading ngkem ngelan are, un te sen ne mo? Atek un lete sen ne.

IPESUS 3:17

apan Keristus nai mudip kedalem penawai hem kuʹun pengelan ncem. Akeʹ lemameʹ apan toʹ pakat puʹun pengudip kem tai salet neng pengemalaʹ Allah,

KULUSE 1:23

Tuman ina, tekep lete ikem penco tudep neng usun tentan iaʹ salet ina. Ngan ayen ncem pedayo dulu ke ngala ikem neng tebelum ngkem iaʹ ikem lepa alaʹ tegoʹ kem kenahan neng tebelum ngkem iaʹ ikem lepa alaʹ tegoʹ kem kenahan dau Denga Injil ina are. Akeʹ ne Paulus iaʹ lepa tai nuyan ulaʹ ban tuman Denga Injil ina, iaʹ ina Denga Injil iaʹ lepa ban pedenga palaʹ kelunan kusun tanaʹ ini.

KULUSE 2:7

Ngepakat ne dalem Keristus, ngan medeng ne pengudip kem pebesun neng Keristus apan pengelan ncem tai un pit ngan pali, koʹ baʹan katuk iaʹ ikem lepa tisen are. Tiga hem lemuto nyuaʹ tiga saheʹ neng singket naʹan pemuyan Tuhan.

1 TESALUNIKA 3:5

Ina tuman nceʹ cuk Timutius tai naʹat ikem, moʹ abeʹ ne un nyatan tekaʹ keʹ laʹa. Pekina puyan nceʹ cuk ia, apan ne kenai ngetisen puyan pengelan ncem. Un tekaʹ keʹ malap Bali Jaʹat ke ten ikem, ngan abeʹ ne un tubo mung gayeng meʹ are.

1 TIMUTIUS 1:19

Salet le ikoʹ dalem pengelan ncoʹ, peging ngan tekaʹ kimet dalem penawai hoʹ iaʹ dema. Moʹ un palai dulu diaʹ nyekang tekaʹ kimet dalem penawai re iaʹ dema, ina ukoʹ de kaham neng pengelan nte.

IBERANI 10:39

Abeʹ le koʹ baʹan kelunan diaʹ ngedut ngan tasaʹ. Un sepuʹo ilu diaʹ ngelan ngan alaʹ udip me berua le.

YAKUP 2:26

Tuman ina, kuaʹ baʹan usa iaʹ abeʹ un berua un matai, pekina lete pengelan iaʹ abeʹ un pemung ngan pemuyan un matai lete.

2 PETERUS 2:20

Moʹ buk aheʹ iaʹ lepa pesau cen puyan usun tanaʹ iaʹ jameng ini, moʹ de tai tisen ban Tuhan iaʹ Keniga Udip le, Yesus Keristus ina, buk de dina numpak tai pasek kidi laʹa, ngan supeʹ kuʹun ne, ida diaʹ pekina tai jaʹat kuʹo ke ida neng ke bayaʹ a cen ʹo iaʹ ading are.

2 PETERUS 2:22

Sihoʹ neng ida lan ne dau ca keluin iaʹ kuma ha: “Asu nai ngeliwet uman tutaʹ a loʹ,” ngan: “Buʹin lepa ha ntoʹ, numpak tai ie nekinaʹ pelaʹa.”

1 YAYA 2:19

Ida diaʹ bunoʹ Keristus dina nai luhaʹ cen ahang ilu, sulo mecin ilu. Abeʹ de un atek lemakat cen mpun ilu. Buk de lemakat cen mpun le, atek de tudep ke pemung ngan le lete. Un sepuʹo ida lepa mecin ilu apan ne luhaʹ ban ca usa mida pe abeʹ un lemakat cen mpun le.

YAHUDA 1:12

Kelunan dina diaʹ seleket ca tebik jameng neng Mpun ncem tegoʹ re pemung uman Bunut Tuhan ngan ncem. Abeʹ de saʹe asam seʹ uman, bang seʹ de pubo usa re tengen tuaʹ le. Ida koʹ baʹan abun iaʹ tai palit kuʹun bahiu ngan abeʹ un pelaboʹ ujan milu. Ida koʹ baʹan buaʹ iaʹ upa are, inu pia jakaʹ buaʹ ke ngebuʹan, abeʹ pe ida un buʹan. Ida koʹ baʹan puʹun kayu diaʹ lepa pubit peging pakat de, matai lan uban nte.