LUKAS 8:10 - Kenyah New Testament

¹⁰ Dau Yesus mipa ida: “Penisen neng sen iaʹ linget neng puyan pengaren Allah, lepa ne ia naʹ a mikem. Un sepuʹo kenai penisen ina kata dulu man kata katuk, apan nte sukat naʹat, abeʹ pe ida taʹan; ngeringa te ida, abeʹ de tai tisen sen ne.”

LUKAS 8:10 Iomraidhean Croise

MATIUS 11:25

Dalau ina, un dau Yesus: “Ahaʹ Amai, Tuhan iaʹ ngkang langit ngan tanaʹ, akeʹ nyuaʹ tiga saheʹ palaʹ ikoʹ ban inu iaʹ ikoʹ nyuhuk neng kelunan diaʹ tudi ngan diaʹ mencam, idi iaʹ ikoʹ ban peluhaʹ me kelunan diaʹ are un pengencam.

MATIUS 16:17

Sulo dau Yesus mipa: “Luhaʹ ban un peniga Tuhan neng ikoʹ Simun anak Yaya, moʹ abeʹ e uban puyan kelunan iaʹ pungkaʹ a mikoʹ, di lareʹ Amai heʹ kaʹ surga iaʹ naʹ a mikoʹ.

MARKUS 4:11

Un dau Yesus mipa ida: “Puyan iaʹ linget dalem puyan pengaren Allah, lepa ne Allah naʹ a mikem. Un sepuʹo dulu diaʹ tahaʹ awang, ida diaʹ ke kenahan puyan ini man kata katuk,

MARKUS 4:12

apan tai nuyan bayaʹ isiu pegawa iaʹ kuma ha: ‘Naʹat, naʹat te ida, abeʹ pe ida taʹan. Ngeringa, ngeringa te ida, ia iaʹ abeʹ pe ida tisen. Buk are pekina, masaʹ de nyepuleʹ kimet de cen penyalaʹ de, ngan penco nai palaʹ Allah, ina le Allah ke sau penyalaʹ de.’ ”

YAYA 12:40

“Allah lepa ngebutaʹ mata re, Ngan mekep kimet de, Apan nte abeʹ un senteng naʹat, Ngan kimet de pe abeʹ un tisen. Ngan laʹa dau Allah, abeʹ de ubaʹ mupa tahaʹ akeʹ Apan nceʹ ke paget ida.”

RUM 16:25

Tekep le badaʹ serema peniga palaʹ Tuhan Allah. Ia iaʹ un penyukat iaʹ senteng ke nyalet ikem dalem pengelan ncem, bayaʹ dau katuk Denga Injil iaʹ akeʹ badaʹ me dulu mung. Ina katuk neng puyan Yesus Keristus, koʹ baʹan katuk iaʹ telit iaʹ linget cen naʹaʹ, iaʹ ban luhaʹ ne naʹkini.

1 KURINTUS 12:11

Un sepuʹo mung puyan ina iaʹ nuyan kuʹun Berua iaʹ bang ca le ina. Ca naʹan pencai ia naʹ me singket usa le bayaʹ ban pengubaʹ a tengen.

KULUSE 2:2

Un pe akeʹ ti pekina apan kimet de tai sangan kuʹun tempa, ngan apan nte senteng tai pebulung neng ca le pengemalaʹ de, mentung nte ngelan ngan tekaʹ keluʹung kimet de iaʹ pesente palaʹ tentan katuk telit ina. Cen diaʹ pekina ne ida ketai tisen katuk Allah iaʹ linget ina, iaʹ ina Keristus tengen.

1 TIMUTIUS 3:16

Abeʹ un aheʹ iaʹ senteng nyepati ban bioʹ laleʹ sen udip Keristin. Ia ne: Yesus iaʹ lepa nai luhaʹ dalem layen usa kelunan. Berua Tuhan iaʹ peluhaʹ ia atek teneng. Ngan melikat pe taʹan ia. Denga ha tai libut me mung lepoʹ. Libut usun tanaʹ ini kelunan ngelan ia. Dalem serema peniga, tai ie pejung kaʹ surga.