LUKAS 8:1 - Kenyah New Testament

¹ Abeʹ majan uʹo ina, tai kun Yesus masat singket singket lepoʹ pa tipo dale ina, tai badaʹ Denga Injil neng puyan pengaren Allah. Un petugung ngan ne, puloʹ dua usa diaʹ bayaʹ katuk ke.

LUKAS 8:1 Iomraidhean Croise

MATIUS 11:1

Uʹo lepa Yesus peteneng dau me diaʹ puloʹ dua usa diaʹ bayaʹ katuk ke dina, sulo tai ie mecin cen ina, ngan pekatuk dulu ngan pedenga Injil neng mung lepoʹ diaʹ um pipa kina.

MATIUS 13:19

Kelunan diaʹ kenahan dau katuk neng puyan pengaren Allah ke ngaren ilu kelunan, ngan abeʹ un tisen sen ne, ida dina ne diaʹ koʹ baʹan beneʹ diaʹ ban laboʹ kaʹ sada janan are. Nai ne kun Bali Jaʹat ʹo, magang katuk iaʹ Tuhan lepa mula dalem kimet de.

MATIUS 4:23

Yesus tai masat pa tipo tanaʹ Galilia, mentung nge pekatuk dalem singket amin sebayang. Kun Yesus badaʹ denga tiga neng puyan pengaren Tuhan Allah ke ngaren ilu kelunan. Sulo Yesus paget dulu neng ketoʹ naʹan penyakit.

MATIUS 9:35

Yesus tai masat teliling neng mung lepoʹ bioʹ ngan lepoʹ iʹut, mentung nge pekatuk dulu neng singket amin sebayang, ngan badaʹ denga tiga neng puyan pengaren Allah ke ngaren ilu kelunan. Kun ne paget mung naʹan penyakit ngan penginteʹ usa le kelunan.

MARKUS 1:39

Sulo tai Yesus masat pa tipo tanaʹ Galilia, ngan penco katuk dalem amin sebayang Yahudi, ngan pekarap bali cen kelunan, cuk ida tai kelap.

LUKAS 1:80

Kenai anak ina bioʹ, ngan pali ne seʹ usa ha, pekina pe diseʹ kimet te. Tai ie mudip kaʹ tanaʹ apau iaʹ lenga, pa ketai ie sihoʹ tau ue kenai luhaʹ palaʹ lepoʹ Israil.

LUKAS 20:1

Un tegoʹ ca tau ue, dalau Yesus pekatuk lepoʹ ina kedalem Umaʹ Palan Allah, mentung nge badaʹ Denga Injil, dalau ina kenai diaʹ detaʹu lataʹ ngan guru Adet Yahudi, peging ngan diaʹ pengencam lepoʹ.

LUKAS 4:18

“Un Berua Tuhan neng akeʹ. Lepa ne ia nedanaʹ akeʹ, cuk akeʹ badaʹ Denga Tiga palaʹ dulu diaʹ taru mudip. Ngan pekina pe cuk akeʹ nai badaʹ denga nakau dulu diaʹ salut, ngan mesik mata diaʹ butaʹ, ngan sau dulu diaʹ ban pencit,

LUKAS 9:6

Tai kun nte diaʹ bayaʹ katuk dina mecin Yesus, sulo tai re masat pa tipo lepoʹ, mentung nte badaʹ Denga Injil, ngan paget dulu kempi kempi tai asat de.

PEMUYAN 10:38

Tisen te ikem ban puyan Yesus lepoʹ Nasarit ina, seʹ ban Allah mubeʹ Berua Buheʹ ngan penyukat bioʹ neng ia. Ngan pekina pe tai ie masat kempi kempi uyan tiga, ngan puhat mung dulu diaʹ taru kuʹun Bali Sitan, moʹ Allah un ngan ne.

PEMUYAN 13:32

Ameʹ dini iaʹ nai ke pedenga Denga Injil mikem. Ina puyan iaʹ Allah ban petuket ngan tepun le cen naʹa are.

RUM 10:15

Kumpin katuk ina ke tai denga buk abeʹ un aheʹ lawa iaʹ ilu cuk ke tai pedenga ha tupe? Koʹ baʹan dau Kitap Tuhan: “Selama laleʹ le dulu neng kenai asat aheʹ diaʹ pedena denga tiga.”