LUKAS 7:2 - Kenyah New Testament

² Un kaʹ lepoʹ ina, ca pengebioʹ sedadu Rum. Un ca ulaʹ a sakit, iaʹ ia selum laleʹ le. Kenyarem laleʹ sakit te; kece seʹ ke matai ie.

LUKAS 7:2 Iomraidhean Croise

MATIUS 27:54

Tegoʹ kaptin sedadu ina ngan sedadu ue diaʹ ban jagaʹ Yesus taʹan seʹ tanaʹ tai liung, ngan mung inu iaʹ nuyan, tai takut ne tekaʹ de, mentung nte kuma ha: “Atek lan lete ia ini Anak Allah.”

LUKAS 23:47

Dalau pengebioʹ sedadu ina taʹan seʹ puyan ina, kun ne pempau Allah, un dau ue: “Lan laleʹ laki ina iaʹ atek buheʹ.”

LUKAS 7:1

Uʹo Yesus pelepa mung tiraʹ a palaʹ dulu kina, sulo ketai ie kaʹ lepoʹ Kapernaum.

LUKAS 7:3

Tegoʹ pengebioʹ sedadu ina kenahan dau denga puyan Yesus, kun ne cuk diaʹ pengencam lepoʹ Yahudi tai mengin Yesus nai paget ulaʹ a ina.

LUKAS 8:42

moʹ un anak leto ho pekece ke matai, bang ca le ia, kihoʹ kihoʹ puloʹ dua uman udip pe. Dalau kenai Yesus masat, un dulu diaʹ kadoʹ kina nai ngesen ia.

PEMUYAN 10:1

Kaʹ lepoʹ Kaisaria un ca laki ngadan ne Kurnilius, ca kaptin sedadu Rum, iaʹ cen mpun sedadu iaʹ dulu naʹ “Mpun Sedadu Italia.”

PEMUYAN 10:7

Lepa melikat ina pisiu, nyahin tai ie abeʹ un ne. Penco Kurnilius mengin dua usa diaʹ ulaʹ amin ne, ngan pit ida dua laʹa, ca sedadu iaʹ temek ngkang Katuk Adet Musa, iaʹ lemuto pubo ia dalem amin ne.

PEMUYAN 22:26

Dalau kaptin ina kenahan dau ue pekina, penco tai ie badaʹ a me mayur, kun dau ue: “Kumpin tekaʹ koʹ neng puyan ini amai, moʹ un laki ini ban ca lepoʹ Rum?”

PEMUYAN 23:17

Kun Paulus mengin ca usa kaptin sedadu, un dau ue: “Ngkin ne demanai ini palaʹ mayur hem, moʹ un ca tiraʹ ia ubaʹ ke badaʹ mia.”

PEMUYAN 27:1

Uʹo re pebetep dau ke cuk ameʹ ketai tugung kapen kaʹ tanaʹ Italia, kun nte naʹ Paulus me Yulius, ca tuʹa sedadu Rum cen mpun sedadu Kaisar. Un pe palai dulu diaʹ ban sepin pemung ngan ne.

PEMUYAN 27:3

Neng kenempam me, ketai meʹ nyabeʹ kaʹ lepoʹ Sidun. Un Yulius ne, un saheʹ seʹ e neng Paulus. Ia pedayo ho tai pekajaʹ palaʹ diaʹ cenganak dalem Tuhan, apan nte petubo ia.

PEMUYAN 27:43

Un tuʹa sedadu ina ubaʹ a ke pudip Paulus, idi ukoʹ o mulen ida keti puyan pekina. Kun ne cuk mung nte diaʹ mencam nyatung petuhun kaʹ sungai, tai kaʹ sada bahi ading.

KULUSE 3:22

Mung ngkem diaʹ ulaʹ, tunuk ne palaʹ diaʹ tuʹa hem kusun tanaʹ ini neng toʹ naʹan pemuyan. Ayen ncem bang sanget tegoʹ diaʹ tuʹa hem un naʹat ikem tuaʹ le, apan nte ke pempau ngadan ncem, di lareʹ pegayeng ne ngan sebelang tekaʹ kimet cem, moʹ kem nyelama palaʹ Tuhan.