LUKAS 7:13 - Kenyah New Testament

¹³ Tegoʹ Tuhan taʹan leto ina, tai lesau laleʹ ne tekaʹ a neng ia. Un dau ue neng ia: “Ayen ncoʹ nange.”

LUKAS 7:13 Iomraidhean Croise

MARKUS 8:2

Un penyaheʹ tekaʹ keʹ pekimet seʹ kelunan dini, ban tau ini iaʹ ketulu tau re ngan nceʹ. Naʹkini abeʹ un inu iaʹ ida uman.

LUKAS 10:1

Uʹo ina kun Tuhan lemileʹ tujoʹ puloʹ dua usa laʹa. Penco ho cuk ida tai tahaʹ dua tahaʹ dua nekena ia neng singket lepoʹ ngan umaʹ, kukoʹ o ubaʹ ke nyabeʹ ʹo.

LUKAS 11:1

Un ca liwai laʹa, Yesus lemameʹ neng ca ukoʹ o kelemameʹ. Lepa ne ia lemameʹ, nai kun ca usa diaʹ bayaʹ katuk ke. Kun dau ue neng ia: “Tuhan, tiga hoʹ pekatuk ameʹ lemameʹ, koʹ baʹan Yaya pekatuk ida diaʹ bayaʹ katuk ke are.”

LUKAS 11:39

Ina ukoʹ Tuhan Yesus pisiu ia: “Ikem Perisi, lan te ikem muheʹ sawan ngan kiut cem, bang seʹ e kawang tuaʹ le, un sepuʹo dalem kimet cem sangan kuʹun puyan iaʹ keti jaʹat mentung menco puyan jaʹat.

LUKAS 12:42

Un dau Tuhan mipa: “Aheʹ iaʹ koʹ baʹan ulaʹ iaʹ tudep ngan tudi pekimet tupe? Buk laki bioʹ diaʹ amin ne cuk ia ngkang amin ina, ngan petubo inu ue kidi, ngan lemakan ulaʹ diaʹ ca teneng teneng singket tau.

LUKAS 13:15

Un dau Tuhan mipa ia: “Ikem diaʹ ngaloʹ, moʹ abeʹ mung ngkem te iaʹ sau telu sapi ngan keledai hem cen liwang nte, ngan tai ngkin ida nisep sungai tegoʹ Tau Kelineʹ?

LUKAS 17:5

Un dau diaʹ lawa Injil dina neng Tuhan: “Kudaʹ pe ikoʹ naʹ pit penyalet pengelan meʹ.”

LUKAS 17:6

Kun dau Yesus: “Buk kem un puʹun pengelan koʹ bioʹ ca luang ampeʹ are, sukat cem kuma ha neng ca inan abung ini: ‘Pubit ne ikoʹ, tai mudip kaʹ banget.’ Atek ia ke bayaʹ te dau hem cuk.”

LUKAS 18:6

Kun dau Tuhan laʹa: “Ikem pekimet kumpin dau laki iaʹ pebetep ukum, iaʹ are telit ina.

LUKAS 19:8

Dalau ina kenai Sakius beteʹ, penco dau ue neng Tuhan: “Ahaʹ Tuhan, kuaʹ tulat inu heʹ akeʹ kenaʹ me diaʹ taru mudip. Buk keʹ ban ngebuyuk inu dulu, akeʹ ke naʹ ngeliwet pat liwai pengekadoʹ o.”

LUKAS 22:61

Kun Yesus nyileʹ naʹat Peterus. Penco Peterus petawai dau tiraʹ Yesus iaʹ lepa ia badaʹ mia idai are: “Ban kena iap ke nekuʹuk tau ini, lepa telu liwai ne ikoʹ ke badaʹ abeʹ koʹ tisen akeʹ.”

LUKAS 24:3

Penco re tai kedalem, ngan abeʹ patai Tuhan Yesus ban un ne.

LUKAS 24:34

Un dau re: “Atek lan laleʹ le, nai Tuhan numpak mudip. Simun iaʹ ban taʹan ia.”

LUKAS 7:12

Dalau tai ie nyeng palaʹ pamen kerahan lepoʹ ina, selalang kenai dulu nekalang lungun diaʹ matai. Moʹ un ca demanai, anak balu, ban matai ne ia. Bang ia le anak ke. Un pe kadoʹ dulu lepoʹ de diaʹ nai masek tugung ida.

LUKAS 7:14

Tai kun ne ngenyeng tekalang lungun ina, nga naʹ ujoʹ o neng usun lungun ina. Pekenaʹ ne dulu diaʹ nekalang nge. Kun dau Yesus: “Demanai, akeʹ keti mikoʹ, beteʹ ne ikoʹ.”

LUKAS 7:19

penco ho cuk ida tai lemutu neng Tuhan: “Pekini dau hem: Kumpin ikoʹ ini lete iaʹ Yaya nekena badaʹ ke nai idai, buk are ameʹ mengaʹ kenai ca laʹa tupe?”

LUKAS 8:52

Toʹ de diaʹ kina nange ngan ngidau ia. Dau Yesus mida: “Ayen nange, abeʹ anak ini matai, bang seʹ e luntoʹ le.”

YAYA 11:2

(Mariam ne iaʹ mubeʹ kenyo kaʹ taket Yesus are, ngan lemasa ha man puk ke. Lasarus iaʹ sakit ina, ia ne iaʹ cenganak ke.)

YAYA 11:3

Kun nte dua diaʹ cenganak leto ne katu tiraʹ me Yesus kuma ha: “Tuhan sakit ne laki iaʹ ikoʹ malaʹ idai.”

YAYA 20:13

Dau re lemutu ia: “Anak, inu adeʹ koʹ nange?” Dau ue mipa: “Lepa ne ida ngelipau Tuhan nceʹ. Abeʹ keʹ tisen kempi tai re mahung ia.”

YAYA 20:15

Dau Yesus lemutu ia: “Anak, inu adeʹ koʹ nange? Aheʹ iaʹ ikoʹ pita ina?” Mariam kuma ia laki iaʹ mengau pula, ina ukoʹ o pisiu neng ia: “Amai, buk koʹ alaʹ ia, badaʹ ne makeʹ kempi hoʹ mahung ia, apan nceʹ tai alaʹ ia.”

YAYA 4:1

Kelunan diaʹ Perisi kenahan dau denga puyan kadoʹ dulu diaʹ penat bayaʹ katuk Yesus cen ʹo Yaya, penco re alaʹ batis kuʹun ne.

YAYA 6:23

Nai alut diaʹ ca cen Tiberias nyekakan kata kina, nyeng kukoʹ dulu uman ruti paun tegoʹ Yesus lepa nyuaʹ saheʹ kimet are.

1 KURINTUS 7:30

Ngan kelunan diaʹ nange, koʹ baʹan abeʹ re ida bampa ʹo. Ngan kelunan diaʹ petawa, koʹ baʹan abeʹ re ida bangen ʹo. Ngan kelunan diaʹ lemeli, koʹ baʹan abeʹ re ida ban nganun inu diaʹ ida ban lemeli ʹo.

1 TESALUNIKA 4:13

Ahaʹ cenganak cenganak, ameʹ ubaʹ ikem ke ngetisen iaʹ lan ne neng puyan ida diaʹ lepa matai, apan ncem abeʹ un jaʹat tawai koʹ baʹan puyan kelunan diaʹ abeʹ un tebelum are.

IBERANI 2:17

Sen dau ini, abeʹ e senteng are nuyan kuaʹ layen diaʹ cenganak ke neng singket naʹan puyan nte, apan ne senteng tai nuyan laki detaʹu bioʹ iaʹ ke ngkang gayeng juma Allah ngan puyan semamet mentung sangan lesau, idi penyalaʹ kelunan ke pesau.

IBERANI 4:15

Laki Pengebioʹ Detaʹu le ina, abeʹ e kelunan iaʹ abeʹ un tisen tekaʹ pengelemaʹ le. Un sepuʹo ilu un ca laki Pengebioʹ Detaʹu le iaʹ lepa sihoʹ pengeten neng singket naʹan, kuaʹ ilu sihoʹ pengeten, un sepuʹo abeʹ e uyan penyalaʹ.