LUKAS 6:8 - Kenyah New Testament

⁸ Naʹ pia pekina Yesus tengen tisen seʹ kimet de. Un dau ue neng laki iaʹ uping ujoʹ ina: “Beteʹ ne ikoʹ, nai ne nekejeng kaʹ beluaʹ ne.” Penco kenai laki ina beteʹ, nekejeng kina.

LUKAS 6:8 Iomraidhean Croise

MATIUS 9:4

Tisen ne Yesus neng kimet de, un dau ue neng ida: “Moʹ inu hem ngimet puyan diaʹ jaʹat pekina tupe?

MARKUS 3:3

Sulo Yesus pisiu ngan laki iaʹ uping ujoʹ ina, un dau ue: “Beteʹ ne, nai ne kaʹ beluaʹ mpun kini.”

LUKAS 13:12

Dalau Yesus taʹan leto ina, penco ho ngelengap pisiu ia: “Cenganak, pesau ne ikoʹ cen penyakit coʹ ne.”

LUKAS 5:22

Tisen Yesus neng kimet de dina, kun ne mipa ida: “Moʹ inu pekina dau kimet cem tupe?

LUKAS 6:9

Un dau Yesus pelaʹa neng ida mung: “Ubaʹ keʹ ke lemutu ikem: Kumpin baʹan dau adet le, inu iaʹ ilu sukat uyan tegoʹ Tau Kelineʹ tupe? Sukat le lesau dulu mo, buk are nyakit ida pe? Pudip dulu, buk are lematai ida pe?”

YAYA 2:25

Abeʹ un titin aheʹ badaʹ ukoʹ baʹan tuk kelunan neng ia, uban Yesus tisen inu iaʹ dalem kimet de.

YAYA 21:17

Ketelu liwai Yesus kuma ha: “Simun anak Yaya, un ncoʹ malaʹ akeʹ mo?” Tai bahat ne tekaʹ kimet Peterus uban Yesus lemutu ia telu liwai: “Un ncoʹ malaʹ akeʹ mo?” ngan Peterus kuma neng ia: “Tuhan, tisen mung ngkoʹ, tisen te ikoʹ akeʹ malaʹ neng ikoʹ.” Dau Yesus neng ia: “Nubo tiga le dumba heʹ ne.

YAYA 9:4

Atek le ke mejo gayeng Amai Bioʹ, ia iaʹ cuk akeʹ nai sukun ne tau ini caʹ dema. Buk ntem iaʹ kenai ʹo, abeʹ un aheʹ senteng pegayeng.

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 26:26

Ahaʹ Laja Ageripa, tuman nceʹ tempa pisiu ngan ncoʹ, moʹ malai ne ikoʹ neng mung puyan diaʹ pekina. Atek tisen lete ikoʹ kidi. Moʹ abeʹ puyan ina ca puyan iaʹ suhuk koʹ baʹan inu iaʹ suhuk neng ca tikung are.

PILIPI 1:28

Ayen ncem takut bunoʹ kem, mele inu puyan nte. Tangen le ikem lemuto, ina iaʹ ke peluhaʹ mida ca tedanaʹ de ketai tasaʹ ʹo. Ngan cen puyan tangen ncem, luhaʹ ban ncem ke un usun ne neng pengudip kem kuʹun Allah.

IBERANI 4:13

Ca inu pe abeʹ senteng suhuk kata Allah. Mung inu iaʹ lepa nuyan kusun tanaʹ un pesik ngan luhaʹ kata taʹat te. Palaʹ ia lete ilu mung abeʹ senteng are ke mipa kuʹun pemuyan le.

1 PETERUS 4:1

Moʹ Keristus ban sihoʹ tuyen neng usa ha, tiga hem alaʹ kimet koʹ baʹan ia are, ke ngepali penawai hem. Moʹ aheʹ iaʹ ngihen tuyen neng usa ha, seʹ e pekenaʹ neng uyan penyalaʹ,

PUYAN LUHA’ 2:23

Akeʹ ke lematai mung kelunan diaʹ bayaʹ ia, apan mung Mpun diaʹ ngelan Tuhan ke tisen ban akeʹ iaʹ lesan taʹat ke tisen kimet ngan pengubaʹ kelunan. Ngan akeʹ ke nyuaʹ neng singket singket usa hem bayaʹ ban pemuyan iaʹ ikem lepa ti.