LUKAS 6:12 - Kenyah New Testament

¹² Ngajan ina lete, tai kun Yesus pukat ca mudung, moʹ o ke lemameʹ. Utung alem ina ha lemameʹ palaʹ Allah.

LUKAS 6:12 Iomraidhean Croise

MATIUS 5:1

Dalau Yesus taʹan kelunan kadoʹ dina, sulo tai ie neng usun ca mudung ngan madung kidi. Mung nte diaʹ bayaʹ dau katuk ke pempun teliling ia.

MATIUS 6:6

Un sepuʹo dalau hoʹ lemameʹ, tai ne kaʹ dalem tilung ngkoʹ, ngan malet pamen ne, ngan lemameʹ ne palaʹ Amai hoʹ iaʹ linget ina. Ngan Amai hoʹ ke tisen inu iaʹ ikoʹ uyan neng ata hoʹ tengen, ia lete iaʹ ke nyuaʹa palaʹ ikoʹ.

MARKUS 1:35

Neng ke nempam me pelaʹa, laho Yesus beteʹ, penco tai ie mecin amin ina, tai kawang lepoʹ neng ca ukoʹ iaʹ beringa. Kina ha lemameʹ.

MARKUS 3:13

Tai Yesus kusun ca apau, sulo ho mengin kudaʹ usa diaʹ ia ubaʹ. Sulo nai re palaʹ ia,

MARKUS 6:46

Kun ne nyat nyaheʹ neng ida, sulo tai ie kusun ca mudung, moʹ o ubaʹ ke lemameʹ.

LUKAS 5:16

Naʹ pe Yesus kadoʹ gayeng nge, sematu ue ubaʹ tai ngelipau kukoʹ diaʹ lenga, moʹ o ubaʹ ke lemameʹ neng ata ha.

LUKAS 6:11

Ina ukoʹ buseʹ laleʹ ne ida. Ketai re ngedudun ida selepeʹ, ngan peseket inu iaʹ senteng ida keti neng Yesus ʹo.

LUKAS 6:17

Nai Yesus peging ngan nte dina puno cen mudung ina, nekejeng kaʹ lekaʹ ne. Kadoʹ de diaʹ bayaʹ katuk ke nai tugung ia kina. Un pelaʹa ca mpun bioʹ dulu diaʹ ban nai cen mung lepoʹ diaʹ kaʹ tanaʹ Yudia, ngan lepoʹ Yerusalim, ngan pekina pe diaʹ cen sada bahi alo arap lepoʹ Tirus ngan lepoʹ Sidun.

LUKAS 9:18

Un ca liwai pelaʹa, dalau Yesus lemameʹ tengen, nai kun diaʹ bayaʹ katuk ke ngenyeng ia. Kun ne lemutu ida, kun dau ue: “Kumpin kaʹ dulu keneng akeʹ, aheʹ keʹ baʹan nte?”

LUKAS 9:28

Kihoʹ kihoʹ aya tau uʹo tiraʹ katuk ina, kun Yesus ngkin Peterus ngan Yaya re dua Yakup tai serengan ia kusun ca mudung, moʹ de ketai lemameʹ.

LUKAS 9:29

Dalau Yesus lemameʹ, tai pekaliu diseʹ silung nge. Tai puteʹ laleʹ diseʹ gelam me, pa selaʹ tekaʹ de naʹat te.

YAYA 6:3

Tai kun Yesus madung kusun ca mudung, pemung ngan diaʹ bayaʹ katuk ke.

KULUSE 4:2

Tiga hem lemameʹ lemuto-uto, ngan tudep le tegoʹ kem lemameʹ, mentung ngkem nyuaʹ tiga saheʹ palaʹ Allah.

IBERANI 5:7

Dalau Yesus mudip kusun tanaʹ ini, ia lemameʹ ngan nyat palaʹ Allah, mentung nge bioʹ dau lengap ngan tange, moʹ Allah iaʹ senteng pubo udip pe malap pe matai laho. Allah iaʹ ngeringa dau ue uban ne tunuk ngan libaʹ kimet palaʹ ia.