LUKAS 5:8 - Kenyah New Testament

⁸ Dalau Simun Peterus taʹan puyan ina, penco ho muʹup sutlep nyeripa Yesus, kun dau ue: “Ahaʹ Tuhan, ngerada ne ikoʹ cen akeʹ, moʹ akeʹ ini sangan kuʹun penyalaʹ.”

LUKAS 5:8 Iomraidhean Croise

MATIUS 17:6

Dalau re diaʹ bayaʹ katuk Yesus kenahan dau isiu ina, penco re pengkup pa silung nte abeʹ kaʹ tanaʹ, moʹ de bisau laleʹ.

MATIUS 2:11

Tai re kedalem amin ina, penco re taʹan anak ina, ngan ueʹ e Mariam. Sulo re sutlep nyelama anak ina. Sulo re mesik buhan inu re, penco re naʹ mia pengencai mas, kemenyan, ngan lisan tumu.

MATIUS 8:8

Un dau kaptin ina mipa ia: “Ahaʹ Amai, ayen ne ikoʹ titin nai kaʹ amin nceʹ, ban ne abeʹ tekep keʹ ke ngkin ikoʹ nai kamin nceʹ. Tiga hoʹ bang pisiu tuaʹ le, ina ulaʹ keʹ ne kenai maget lete.

LUKAS 5:7

Kun nte mayep ida diaʹ ngan nte, dalem ca alut dina, mengin ida nai mepo ida. Nai kun nte, sulo re nyangan alut dua dina man atuk. Pekece seʹ ke kaham, moʹ atuk dina kadoʹ.

LUKAS 5:9

Tai salam ne Simun te ne, moʹ kadoʹ laleʹ atuk ban penalan nte.

YAYA 11:32

Tegoʹ Mariam abeʹ kaʹ ukoʹ Yesus ne, kun ne taʹan ia, penco ho muʹup kaʹ taket te. Un dau ue: “Tuhan buk koʹ un kini are, abeʹ cenganak keʹ ne ke matai.”

1 KURINTUS 13:12

Moʹ penaʹat le naʹkini koʹ baʹan puyan kelunan iaʹ naʹat dalam ca kelingai iaʹ mabun, un sepuʹo dalau ina ʹo silung ke peseripa ngan silung. Naʹkini penisen nceʹ abeʹ lepe tai sukung, un sepuʹo dalau ina ʹo, akeʹ ke tisen kuaʹ baʹan Allah lepa tisen akeʹ.

PUYAN LUHA’ 1:17

Kun nceʹ taʹan ia, penco tubang ne akeʹ kata taket te, koʹ baʹan ca kelunan matai are. Kun ne napoʹ ujoʹ taʹu ue kempau akeʹ, penco dau ue: “Ayen ncoʹ takut. Akeʹ iaʹ ading, ngan iaʹ ngebayaʹ.