LUKAS 5:10 - Kenyah New Testament

¹⁰ Pekina lete Yakup ngan Yaya anak Sapdi ne, diaʹ pemung pegayeng ngan Simun. Un dau Yesus neng Simun: “Ayen ncoʹ iʹut tawai. Cen naʹkini ne ikoʹ ketai nejalaʹ kelunan.”

LUKAS 5:10 Iomraidhean Croise

MATIUS 13:47

“Un pe ca laʹa ilu pekata puyan pengaren Allah man ca pukat iaʹ dulu pelenca dalem ca leteng. Kadoʹ naʹan atuk nalan kuʹun ne.

MATIUS 14:27

Ngan nyelarai dau Yesus pisiu ida: “Denaʹ ne tawai hem ading. Akeʹ ini. Ayen ncem takut.”

MATIUS 20:20

Dalau ina ueʹ diaʹ anak Sapdi nai palaʹ Yesus peging ngan diaʹ anak ke. Sulo ho muʹup neng juma Yesus, mentung nge nyat lesau neng ia.

MATIUS 4:19

un dau Yesus neng ida dua: “Nai ne ikem dua tugung akeʹ. Akeʹ ke pekatuk ikem kumpin puyan ke nejalaʹ kelunan.”

MATIUS 4:21

Tai Yesus penco asat te laʹa, kun ne taʹan dua re padeʹ pelaʹa, ngadan nte dua Yakup ngan Yaya anak Sapdi, kaʹ dalem alut lepe ida dua peging ngan amai re dua, dalau seʹ re petenup tejalaʹ de. Sulo Yesus mengin ida.

MARKUS 1:17

Un dau Yesus pisiu ida: “Nai ne serengan akeʹ. Akeʹ ke pekatuk kem tai nejalaʹ kelunan.”

LUKAS 5:7

Kun nte mayep ida diaʹ ngan nte, dalem ca alut dina, mengin ida nai mepo ida. Nai kun nte, sulo re nyangan alut dua dina man atuk. Pekece seʹ ke kaham, moʹ atuk dina kadoʹ.

LUKAS 5:9

Tai salam ne Simun te ne, moʹ kadoʹ laleʹ atuk ban penalan nte.

LUKAS 6:14

Un nte didi: Simun (iaʹ Yesus naʹ Peterus), ngan Anderias iaʹ cenganak usa Simun ina; Yakup ngan Yaya, Pilipus ngan Batulumius,

YAYA 21:2

Simun Peterus, Tumas (iaʹ dulu pisiu pepit), Natanil ca iaʹ nai cen lepoʹ Kana tanaʹ Galilia, dua usa diaʹ anak Sapdi, ngan dua usa diaʹ ca diaʹ bayaʹ katuk Yesus, un pemung kaʹ ina.

PEMUYAN 2:4

Mung nte tai sangan kuʹun Berua Buheʹ, sulo re pisiu neng naʹan naʹan dau isiu, bayaʹ ban puyan Berua Buheʹ iaʹ nai mesun neng ida cuk ida pisiu.

2 KURINTUS 8:23

Koʹ baʹan Titus ne, ia iaʹ pemung pegayeng ngan nceʹ tuman meʹ mepo ikem. Koʹ baʹan ida telu cenganak meʹ diaʹ ca tai serengan Titus ne, ida seleket saliu Mpun nte. Seʹ de nyerema peniga Keristus lete.

2 TIMUTIUS 2:26

Pekina ketai re alaʹ ngeliwet kimet neng iaʹ teneng, penco re pesau cen kelabak Bali Jaʹat, iaʹ ban dakep ida ngan cuk ida bayaʹ pengubaʹ a are.