LUKAS 5:1 - Kenyah New Testament

¹ Un ca liwai, dalau Yesus nekejeng kaʹ sada bahi leteng Genesarit, kadoʹ nai dulu pempun. Muʹo pesuntung ne ida ngesen ia kina, moʹ de ubaʹ ke ngeringa tiraʹ Allah.

LUKAS 5:1 Iomraidhean Croise

MATIUS 11:12

Cen tading Yaya pedenga katuk ke pabeʹ naʹkini, un palai diaʹ taten ke mita puyan pengaren Allah ke ngaren ilu. Un palai diaʹ busek ngan aseʹ le ketai kedalem me.

MATIUS 14:34

Tai re pelawat leteng ina, tai abeʹ kaʹ lepoʹ Genesarit.

MARKUS 3:9

Kadoʹ kelunan pempun kina, sulo Yesus cuk diaʹ bayaʹ katuk ke tai petenup ca alut, uban ne malap dulu ke ngesen ia.

MARKUS 4:1

Un pe ca liwai laʹa Yesus pekatuk kelunan kaʹ sada bahi leteng Galilia. Bioʹ laleʹ mpun kelunan kadoʹ dina, ina ukoʹ Yesus tai neng ca alut ngan madung kidi. Alut ina un kaʹ beluaʹ kediʹut de, ngan dulu diaʹ kadoʹ dina nekejeng kaʹ tanaʹ, abeʹ kaʹ sada bahi sungai ina.

MARKUS 5:24

Penco ketai Yesus masat ngan Yairus. Kadoʹ nai dulu pemung masat ngan ne. Sulo re ngesen ngesen ia.

MARKUS 6:53

Tai abeʹ de telu kaʹ dipa leteng ina, sulo tai re pejakaʹ kaʹ tuhun lepoʹ Genesarit. Kina re nelu alut de.

LUKAS 12:1

Dalau ina ketai kudaʹ ibu usa pempun, pa re cut taket de peselepeʹ. Un dau Yesus pisiu neng diaʹ bayaʹ katuk ke: “Jagaʹ ne ikem lemuto neng ala lamut Perisi, iaʹ ina neng puyan ngaloʹ de.

LUKAS 5:2

Kun Yesus naʹat idi dua re alut nasak kaʹ sada bahi leteng ina. Un dulu diaʹ gayeng nte mita atuk dina, lepa ne ida mecin alut de, dalau re muheʹ pukat de.

LUKAS 8:22

Un tegoʹ ca tau ue, tai kun Yesus tugung diaʹ bayaʹ katuk ke, ngedung neng ca alut. Un dau Yesus neng ida: “Tiga le tai pelawat kaʹ dipa leteng ini te.” Sulo ketai re puke.

LUKAS 8:23

Dalau ketai re ngalut neng alut iaʹ un apeʹ bahiu, sulo Yesus luntoʹ. Kenai bahiu kasa neng leteng ina, seʹ ke sangan alut de kuʹun luyak. Pekece le ida ke kaham.

LUKAS 8:33

Sulo kenai bali dina kawang cen laki ina, penco tai re kedalem aba buʹin dina. Mung buʹin dina ngasa kelap, penco tai re petuhun cen ca bila kaʹ sada bahi leteng ina, sulo re matai menyet.

LUKAS 8:45

Kun dau Yesus: “Aheʹ iaʹ ngkang akeʹ tupe?” Mung dulu iaʹ ngawai. Un dau Peterus: “Guru, moʹ kadoʹ dulu nai ngeseʹ ngan ngesen ikoʹ pekele.”

YAYA 1:40

Ca usa me dua dina diaʹ kenahan dau Yaya, penco tai ngan Yesus, ina ne Anderias cenganak Simun Peterus.

YAYA 6:1

Lepa ina Yesus tai uleʹ kaʹ dipa leteng Galilia, (ia lete leteng Tiberias).

IBERANI 13:7

Nawai neng tuʹa hem cen kena are, diaʹ menco katuk Allah palaʹ ikem. Pekimet tiga neng puyan pengudip de, ngan puyan nte matai lete. Ngan tiga hem ngatap seʹ puyan pengelan nte.