LUKAS 4:18 - Kenyah New Testament

¹⁸ “Un Berua Tuhan neng akeʹ. Lepa ne ia nedanaʹ akeʹ, cuk akeʹ badaʹ Denga Tiga palaʹ dulu diaʹ taru mudip. Ngan pekina pe cuk akeʹ nai badaʹ denga nakau dulu diaʹ salut, ngan mesik mata diaʹ butaʹ, ngan sau dulu diaʹ ban pencit,

LUKAS 4:18 Iomraidhean Croise

MATIUS 11:5

kumpin dulu diaʹ butaʹ lepa taʹan, ngan dulu diaʹ apet sukat tai masat, ngan dulu diaʹ sakit bekayen tai maget, ngan diaʹ dengen sukat kenahan, ngan diaʹ matai nai mudip, ngan pekina pe Denga Tiga ini dulu pedenga me kelunan jaʹat.

MATIUS 12:18

“Ini ne lawa heʹ iaʹ lepa akeʹ lemileʹ, iaʹ akeʹ malaʹ, ngan iaʹ sihoʹ neng pengubaʹ keʹ. Akeʹ ke mahung Berua heʹ mia, ngan ia iaʹ ke badaʹ pengebetep tiraʹ keʹ me ketoʹ naʹan lepoʹ.

MATIUS 12:20

Ngan abeʹ e ke lemetup buloʹ iaʹ pelet ngan pekina pe abeʹ e ke lemataʹ apeʹ peritaʹ iaʹ mesap. Ia ke pegayeng ngan tangen, pa ha ke uyan puyan iaʹ teneng ngan iaʹ un usun.

MATIUS 4:16

Kelunan diaʹ mudip dalau ntem ke taʹan ca serema iaʹ bioʹ. Neng usunida diaʹ mudip dalau ntem neng tanaʹ jaka, serema inaʹ iaʹ ke ngedema ida.”

MATIUS 5:3

“Bangen ne kelunan diaʹ tisen ida kasip tekaʹ neng berua re; ban ne ida iaʹ ke kahum dalem puyan pengaren Tuhan Allah ke ngaren ilu kelunan.

LUKAS 4:17

Kun ca laki mencai Kitap Pegawaʹ Yesaya mia. Kun Yesus mesik Kitap ina, mita isiu surat iaʹ pekini dau ue:

LUKAS 6:20

Kun Yesus naʹat ida diaʹ bayaʹ katuk ke dina, un dau ue: “Bangen ne ikem diaʹ taru mudip: moʹ puyan pengaren Allah ne iaʹ anun ncem.

LUKAS 7:22

Un dau Yesus mipa ida dua: “Tai ne ikem dua uleʹ, ngan badaʹ me Yaya inu iaʹ ikem dua lepa taʹan ngan kenahan: dulu diaʹ butaʹ lepa taʹan, ngan diaʹ apet sukat tai masat, ngan diaʹ sakit bekayen tai malit, ngan diaʹ dengen sukat kenahan, ngan diaʹ matai nai mudip, ngan un pe diaʹ tai badaʹ Denga Injil palaʹ diaʹ taru mudip.

YAYA 1:41

Pelapa Anderias tegoʹ diaʹ cenganak ke simun, kun ne badaʹ mia: “Un meʹ taʹan Mesias.” (Sen ngadan ina Keristus, Laki iaʹ ngkang pungu udip.)

YAYA 12:46

Akeʹ nai kusun tanaʹ ini ukoʹ baʹan ca dema, apan singket usa diaʹ ngelan neng akeʹ abeʹ un petem ngelineʹ dalau ntem.

YAYA 3:34

Laki iaʹ Allah lepa cuk nai are, ia iaʹ penco dau isiu Allah, uban Allah iaʹ lebang naʹ Berua ha mia.

PEMUYAN 10:38

Tisen te ikem ban puyan Yesus lepoʹ Nasarit ina, seʹ ban Allah mubeʹ Berua Buheʹ ngan penyukat bioʹ neng ia. Ngan pekina pe tai ie masat kempi kempi uyan tiga, ngan puhat mung dulu diaʹ taru kuʹun Bali Sitan, moʹ Allah un ngan ne.

PEMUYAN 26:18

Ikoʹ iaʹ ke mesik mata re, ngan pupa ida cen ntem, cuk ida sileʹ tahaʹ dema, pekina pe sau ida cen penyukat gaham Sitan iaʹ tuʹa bali, paso ida kedalem gaham Allah, idi penyalaʹ de pesau moʹ kuʹun pengelan nte neng akeʹ, pekina pe un ukoʹ de nai pebulung ngan kelunan diaʹ Allah ban lemileʹ.’ ” Pekina dau Yesus me Paulus.

PEMUYAN 4:26

Diaʹ laja kusun tanaʹ kuaʹ nai beteʹ, pemung ngan diaʹ paren lepoʹ. Moʹ de ubaʹ ke nyudup Tuhan Allah, ngan Keristus iaʹ ia naʹ milu.’

PEMUYAN 4:27

Moʹ iaʹ lan ne Tuhan, kedalem lepoʹ ini, Herudis, ngan Puntius Pilatus, pemung ngan lepoʹ Israil, ngan lepoʹ diaʹ ca, lepa kelimpun nai nyudup Yesus, ulaʹ koʹ iaʹ buheʹ, iaʹ ikoʹ atek uyan Laki iaʹ ngkang pungu udip.

KULUSE 1:13

Allah lepa sau ilu cen penyukat ntem, sulo ho ngkin ilu kaʹ dalem pengaren Anak ke iaʹ penyelum me.

YAKUP 2:5

Ahaʹ cenganak cenganak diaʹ akeʹ malaʹ, ngeringa dau heʹ. Allah iaʹ ban lemileʹ kelunan kasip kusun tanaʹ ini tai kayaʹ dalem pengelan, ngan tai un puyan pengaren iaʹ Allah lepa petuket ke naʹ me kelunan diaʹ malaʹ ia.

1 PETERUS 2:9

Un sepuʹo ikem dini ca pemanak iaʹ ban Allah lemileʹ, ca mpun detaʹu puhoʹ laja, ca lepoʹ iaʹ buheʹ, ca mpun diaʹ anun Allah tengen. Ia ban lemileʹ ikem apan ncem pedenga puyan peniga Allah. Moʹ o ban mengin ikem kawang cen dalem ntem, ketai kedalem dema ha iaʹ selawan.