LUKAS 4:16 - Kenyah New Testament

¹⁶ Uʹo ina tai kun Yesus abeʹ kaʹ lepoʹ Nasarit, kukoʹ o ban mudip cen dalau ue iʹut te. Tegoʹ Tau Kelineʹ, tai ie kedalem amin sebayang Yahudi, koʹ baʹan kelayan ne. Kun ne nekejeng ke baca surat.

LUKAS 4:16 Iomraidhean Croise

MATIUS 2:23

ngan uyan amin ne kaʹ ca lepoʹ ngadan ne Nasarit. Yusup uyan puyan ina apan ne pekuaʹ ngan dau isiu diaʹ pegawa cen naʹaʹ kuma ha: “Dulu ke pisiu ia kelunan Nasarit.”

LUKAS 2:39

Lepa Yusup de dua Mariam pesukung puyan iaʹ tekep bayaʹ katuk Adet Tuhan, tai re uleʹ ne kaʹ tanaʹ Galilia kaʹ lepoʹ de, kaʹ Nasarit te.

LUKAS 2:42

Dalau udip Yesus puloʹ dua uman udip pe, tai re telu bayaʹ kelayan adet de neng adet Paska ina.

LUKAS 2:51

Kenai Yesus uleʹ ne tugung ida dua, nai kaʹ lepoʹ Nasarit. Kina ha temek diseʹ mudip bayaʹ dau isiu ueʹ e ngan amai ie. Ketoʹ ban puyan ina are, ueʹ e pedemun dalem penawai ie.

LUKAS 4:15

Kun ne pekatuk singket amin sebayang Yahudi kaʹ dale ina, ngan mung dulu pempau Yesus ne.

LUKAS 4:17

Kun ca laki mencai Kitap Pegawaʹ Yesaya mia. Kun Yesus mesik Kitap ina, mita isiu surat iaʹ pekini dau ue:

LUKAS 4:21

Un dau Yesus laʹa: “Tau ini palup ne dau isiu Kitap ini, dalau hem ngeringa ha ʹo re.”

LUKAS 4:23

Un dau Yesus neng ida: “Masaʹ kem ke kuma ha neng akeʹ, alaʹ kata pekini dau: ‘Duktun, paget ne usa hoʹ.’ Masaʹ kem pekini dau neng akeʹ pelaʹa: ‘Inu iaʹ ameʹ kenahan ikoʹ ban uyan kaʹ Kapernaum ina, ikoʹ uyan pelaʹa kedalem lepoʹ koʹ ne.’ ”

YAYA 18:20

Dau Yesus mipa: “Lemuto te akeʹ lepa pisiu neng peng dulu mung. Ketoʹ katuk keʹ lepa nuyan dalem amin sebayang, ngan dalem Umaʹ Palan, kukoʹ ketoʹ kelunan Yahudi malai nai pepeng are. Abeʹ keʹ un pisiu inu inu ne neng iaʹ suhuk.

PEMUYAN 17:2

Koʹ baʹan kelayan ne, tai Paulus kedalem pemung ngan nte kina. Dalem telu mingku, singket Tau Kelineʹ, Paulus pata petiraʹ ngan nte, mentung nge badaʹ katuk cen isiu dalem Kitap Tuhan.