LUKAS 3:8 - Kenyah New Testament

⁸ Ikem peluhaʹ ne diseʹ puyan ncem iaʹ tiga, iaʹ badaʹ ban lan diseʹ kem nesen ngan nyepuleʹ kimet cem cen penyalaʹ kem. Ayen ncem kuma ha neng ikem selepeʹ: “Ilu dini mela Ibrahim le.” Dau heʹ mikem, senteng pe Allah ke uyan mela Ibrahim cen batu dini pe.

LUKAS 3:8 Iomraidhean Croise

MATIUS 21:43

Un dau Yesus laʹa: “Ini ne dau heʹ mikem, puyan pengaren Allah ke ngaren ilu kelunan ke pesau cen ikem, sulo ho naʹ a me kelunan diaʹ ke ngebuʹan buʹan iaʹ tekep seʹ. [

MATIUS 3:8

Uyan ne pemuyan iaʹ ke badaʹ ban ncem lepa nyepuleʹ kimet cem cen penyalaʹ kem.

MATIUS 3:9

Ayen ngata kuma ikem senteng ke peteneng puyan ncem man isiu hem kuma: ‘Ibrahim ina tepun meʹ.’ Akeʹ badaʹ mikem, Tuhan Allah senteng ke uyan mela Ibrahim cen batu dini.

LUKAS 13:25

Moʹ laki bioʹ dalem amin ina nai beteʹ mekep pamen ne, uʹo ina kenai hem nekejeng tahaʹ awang. Naʹ pe kenuen dau hem ke megoʹ pamen ngan kuma ha: ‘Ahaʹ Amai, mesik pamen mameʹ.’ Un dau ue ke mipa ikem: ‘Abeʹ keʹ tisen ikem aheʹ dina.’

LUKAS 13:26

Ina le ikem ke mipa kuma ha: ‘Lepa ne ameʹ uman ngan nisep pemung ngan ncoʹ are. Un pe ikoʹ pekatuk kedalem lepoʹ meʹ.’

LUKAS 14:9

Masaʹ laki bioʹ iaʹ ban mengin ikem ina kenai pisiu ikem: ‘Naʹ ukoʹ koʹ ne me laki ini.’ Penco ngan saʹe ne ikoʹ ketai madung kaʹ ukoʹ iaʹ sada laleʹ.

LUKAS 19:40

Un dau Yesus mipa ida kuma: “Lan dau heʹ mikem, buk de ke pekenaʹ, atek batu dini iaʹ ke lemaloʹ.”

LUKAS 19:9

Un dau Yesus neng ia: “Tau ini, udip iaʹ keniga udip dalem Tuhan un palaʹ amin ini, moʹ ia ini ca usa iaʹ cen mela Ibrahim iaʹ ban lingu.

LUKAS 5:21

Ina tading dau guru Adet Yahudi dina, ngan diaʹ Perisi dina ngerebeng, kun dau re: “Aheʹ laki ini tupe? Adeʹ e pejaʹat Allah. Aheʹ ia senteng sau penyalaʹ buk are bang ca le, ina Allah?”

YAYA 8:33

Dau re mipa Yesus: “Ameʹ ne iaʹ atek mela Ibrahim, ngan nyahut meʹ abeʹ un ulaʹ dulu ne. Inu iaʹ sen isiu hoʹ mameʹ kuma ha: ‘Ikem ke takau’?”

YAYA 8:39

Dau re mipa Yesus: “Ibrahim ia amai meʹ.” Un dau Yesus mipa ida: “Buk kem atek anak Ibrahim, ikem ti ne puyan kuaʹ baʹan iaʹ ia lepa ti ne.

PEMUYAN 26:20

Ading ketai heʹ badaʹ denga ina palaʹ lepoʹ Damsik, uʹo ina tai heʹ palaʹ lepoʹ Yerusalim, uʹo ina pelaʹa tai heʹ pa tipo tanaʹ Yudia nuʹo. Ngan palaʹ dulu diaʹ tahaʹ awang Yahudi pe ketai heʹ badaʹ a, apan nte nesen ngan nyepuleʹ kimet de, ngan pupa palaʹ Tuhan Allah, ngan uyan puyan tiga iaʹ ke badaʹ diseʹ ban nte nesen ngan nyepuleʹ kimet de.

RUM 4:16

Ina ukoʹ dau tuket Allah pebesun neng pengelan, apan iaʹ ia petuket ke naʹ me mela Ibrahim, abeʹ un inu iaʹ ke mempeng ia ke mencai ie ngan lebang nge. Abeʹ e diaʹ ngkang Katuk Adet tuaʹ le diaʹ ke mela Ibrahim, di lareʹ mung dulu diaʹ ngelan koʹ baʹan Ibrahim are. Ina ukoʹ Ibrahim ketai nuyan amai le mung.

RUM 9:7

Pekina pe abeʹ e mung diaʹ mela cen Ibrahim diaʹ ketai nuyan anak Allah. Moʹ un dau Allah neg Ibrahim: “Bang diaʹ mela cen Isak le diaʹ ke nuyan mela hoʹ lan ʹo.”

PILIPI 1:11

Ngan un toʹ pengudip kem sangan kuʹun buat iaʹ tiga, iaʹ nai kuʹun Yesus Keristus, apan ne luhaʹ serema peniga Allah, mentung le pempau ia.