LUKAS 3:3 - Kenyah New Testament

³ Ketai Yaya masat pa tipo lepoʹ kaʹ dale sungai Yardin, pedenga tiraʹ Allah, kun dau ue: “Nesen ne ngan nyepuleʹ kimet cem cen penyalaʹ kem. Uʹo ina alaʹ batis, ina le penyalaʹ kem ke pesau kuʹun Allah.”

LUKAS 3:3 Iomraidhean Croise

MATIUS 3:11

Akeʹ ngebatis ikem man sungai, ke nedanaʹ ikem lepa nyepuleʹ kimet cem cen penyalaʹ kem. Ban ne un ca iaʹ kenai bayaʹ akeʹ ini ʹo, ia iaʹ ke ngebatis ikem man Berua Buheʹ ngan luten. Ia iaʹ atek bioʹ neng ʹo akeʹ, di pe ke ngkang sepatu ue, abeʹ pe akeʹ tekep.

LUKAS 1:16

Ngan kadoʹ lepoʹ Israil ia ke ngkin uleʹ palaʹ Tuhan, ina Tuhan Allah re.

LUKAS 1:77

mia, ngan badaʹ me dulu diaʹ anun Allah, dau ue ke pudip ida kuʹun puyan ne iaʹ ke sau penyalaʹ de.

LUKAS 4:1

Nai Yesus uleʹ cen sungai Yardin. Sangan ne kuʹun Berua Buheʹ. Penco Berua ina tai ngkin ia kaʹ tanaʹ lenga.

YAYA 1:28

Ketoʹ puyan ini nuyan kaʹ lepoʹ Bitani, tahaʹ sek tau sungai Yardin, kukoʹ Yaya ngebatis dulu.

YAYA 3:26

Sulo ketai re palaʹ Yaya ngan badaʹ mia: “Guru, masaʹ koʹ petawai laki iaʹ un ngan ncoʹ tahaʹ dipa Yardin are, iaʹ ikoʹ pisiu mameʹ de. Ia ngebatis kelunan naʹkini, ngan mung dulu tai palaʹ ia.”

PEMUYAN 13:24

Kena kenai Yesus nading gayeng nge, un Yaya badaʹ tiraʹ me mung lepoʹ Israil, cuk Israil nesen ngan nyepuleʹ kimet de, ngan cuk ida sihoʹ ngebatis.

PEMUYAN 19:4

Penco dau Paulus pelaʹa: “Yaya ina ngebatis ida diaʹ nesen ngan nyepuleʹ kimet de. Pekini dau ue neng lepoʹ Israil dina: ‘Tekep kem ngelan ia iaʹ kenai tahaʹ bayaʹ neng akeʹ,’ ina Yesus.”

PEMUYAN 22:16

Naʹkini, inu ikoʹ pekena laʹa? Beteʹ ne, tai ne sihoʹ ngebatis te, ngan lemameʹ palaʹ Yesus apan ne sau penyalaʹ koʹ.’ Pekina dau Ananias neng akeʹ.”