LUKAS 3:14 - Kenyah New Testament

¹⁴ Un pe palai sedadu nai lemutu neng ia: “Kumpin meʹ tupe? Ke kumpin iaʹ tekep pemuyan meʹ?” Dau Yaya neng ida: “Ayen ncem lemejen nyat ligit neng dulu, ngan mekem salaʹ me dulu. Teto le tekaʹ kem neng ligit ban tau hem.”

LUKAS 3:14 Iomraidhean Croise

MATIUS 8:5

Dalau nai Yesus kaʹ lepoʹ Kapernaum, un ca kaptin sedadu Rum petegoʹ ngan Yesus, penco ho lemameʹ palaʹ ia.

LUKAS 19:8

Dalau ina kenai Sakius beteʹ, penco dau ue neng Tuhan: “Ahaʹ Tuhan, kuaʹ tulat inu heʹ akeʹ kenaʹ me diaʹ taru mudip. Buk keʹ ban ngebuyuk inu dulu, akeʹ ke naʹ ngeliwet pat liwai pengekadoʹ o.”

LUKAS 3:10

Un dau re diaʹ kadoʹ dina neng Yaya: “Buk pekina, ke kumpin iaʹ tekep pemuyan meʹ, apan luhaʹ ban meʹ nesen cen penyalaʹ meʹ?”

LUKAS 3:13

Dau ue neng ida: “Ayen ncem nyat suheʹ neng iaʹ ban perinta petuket mikem.”

PEMUYAN 10:7

Lepa melikat ina pisiu, nyahin tai ie abeʹ un ne. Penco Kurnilius mengin dua usa diaʹ ulaʹ amin ne, ngan pit ida dua laʹa, ca sedadu iaʹ temek ngkang Katuk Adet Musa, iaʹ lemuto pubo ia dalem amin ne.

PILIPI 2:15

apan abeʹ un ukoʹ dulu ke pesalaʹ ikem ʹo. Idi hem buheʹ ke nuyan anak Allah iaʹ abeʹ un penginteʹ ngajan ncem mudip neng ahang lepoʹ diaʹ kileng, diaʹ piwaʹ neng iaʹ jaʹat. Ikem ne kedema neng ahang ida koʹ baʹan betuʹen iaʹ ngedema kusun tanaʹ iaʹ mentem ini,

PILIPI 4:11

Abeʹ dau heʹ pisiu pekina moʹ seʹ ban nceʹ tepa, moʹ lepa malai ngan teto ne tekaʹ keʹ neng inu iaʹ un neng akeʹ.

TITUS 2:3

Ngan pekina pe tiga hoʹ pekatuk leto lataʹ apan temek seʹ pemuyan nte kumpin iaʹ tekep dalem udip buheʹ ini. Ayen nte pejaʹat ngadan kelunan, ngan pekina pe ayen nte mabuk. Tekep de pekatuk dulu neng puyan iaʹ tiga,

PUYAN LUHA’ 12:10

Lepa ina pelaʹa akeʹ kenahan ca isiu bioʹ dau cen langit kuma ha: “Naʹkini lepa abeʹ ne puyan Allah ke pudip ilu, ngan Allah peluhaʹ nyingan ne kuaʹ ca paren bioʹ. Naʹkini lete luhaʹ seʹ ban penyukat Keristus. Moʹ lepa ida pet ne bali iaʹ pesalaʹ cenganak le, iaʹ pesalaʹ ida nyeripa Allah utung tau utung alem ne, ida pet ia tahaʹ awang neng surga.