LUKAS 3:13 - Kenyah New Testament

¹³ Dau ue neng ida: “Ayen ncem nyat suheʹ neng iaʹ ban perinta petuket mikem.”

LUKAS 3:13 Iomraidhean Croise

MATIUS 7:12

“Puyan iaʹ ikem ubaʹ dulu ke uyan neng ikem, tekep lete ikem ke uyan puyan ina neng dulu. Ini ne atek sen Katuk Adet Musa, ngan sen katuk diaʹ pegawa cen naʹaʹ.”

LUKAS 19:8

Dalau ina kenai Sakius beteʹ, penco dau ue neng Tuhan: “Ahaʹ Tuhan, kuaʹ tulat inu heʹ akeʹ kenaʹ me diaʹ taru mudip. Buk keʹ ban ngebuyuk inu dulu, akeʹ ke naʹ ngeliwet pat liwai pengekadoʹ o.”

LUKAS 3:12

Nai pe palai diaʹ nemo pupu, diaʹ jaʹat baʹan dau dulu, ubaʹ ke batis. Un dau re neng Yaya: “Ahaʹ Guru, ke kumpin iaʹ tekep pemuyan meʹ?”

LUKAS 3:14

Un pe palai sedadu nai lemutu neng ia: “Kumpin meʹ tupe? Ke kumpin iaʹ tekep pemuyan meʹ?” Dau Yaya neng ida: “Ayen ncem lemejen nyat ligit neng dulu, ngan mekem salaʹ me dulu. Teto le tekaʹ kem neng ligit ban tau hem.”

1 KURINTUS 6:10

pekina pe diaʹ bekelau, ngan kelunan tutun, ngan diaʹ mabuk, ngan diaʹ pejaʹat dulu, ngan diaʹ ngelunyeʹ dulu, mung dina abeʹ de ke kahum neng puyan pengaren Allah ke ngaren ilu kelunan ʹo.

IPESUS 4:28

Aheʹ iaʹ ban ngelau cen kena, ayen ne ngelau laʹa, di lareʹ tiga ha nading pegayeng man ujoʹ o tengen neng gayeng iaʹ tiga, apan ne senteng mepo diaʹ taru mudip.

IBERANI 12:1

Naʹkini mung dini are, nuyan ca mpun bioʹ iaʹ neliling ilu. Ida badaʹ tugen neng puyan pengelan. Ina ukoʹ tiga ne ilu ngemuga usa le cen mung inu iaʹ nyebampet ilu, ngan penyalaʹ iaʹ aleʹ ngelibit ilu. Tiga ne ilu ngan teto ke ngasa neng pasa iaʹ Allah peteneng milu.