LUKAS 3:11 - Kenyah New Testament

¹¹ Un dau ue mipa: “Aheʹ iaʹ un dua re sapai, naʹ ca me diaʹ are un anun. Ngan aheʹ iaʹ un penguman, tiga pe ia petulat te me aheʹ iaʹ abeʹ un anun.”

LUKAS 3:11 Iomraidhean Croise

MATIUS 25:40

Un dau paren bioʹ ina ke mipa ida: ‘Atek lan dau heʹ mikem, dalau hem uyan puyan ini neng ca diaʹ cen anak keʹ diaʹ jaʹat dini, seleket cem uyan ne neng akeʹ lete ina.’

LUKAS 11:41

Di lareʹ mencai ne inu iaʹ un dalem sawan ngan kiut cem me diaʹ taru mudip, ina le ketoʹ o buheʹ neng ikem.

LUKAS 18:22

Uʹo Yesus kenahan dau ue ina, penco dau ue: “Un lepe ca puyan iaʹ tepa neng ikoʹ. Pebeli ne ketoʹ inu iaʹ un neng ikoʹ, ngan naʹ ne suaʹ a me diaʹ taru mudip, apan ncoʹ ke un kayaʹ dalem surga. Uʹo ina nai hoʹ bayaʹ akeʹ.”

LUKAS 19:8

Dalau ina kenai Sakius beteʹ, penco dau ue neng Tuhan: “Ahaʹ Tuhan, kuaʹ tulat inu heʹ akeʹ kenaʹ me diaʹ taru mudip. Buk keʹ ban ngebuyuk inu dulu, akeʹ ke naʹ ngeliwet pat liwai pengekadoʹ o.”

YAYA 13:29

Uban Yudas mampin buhan ligit idai, un palai diaʹ bayaʹ katuk ke dina kuma Yesus cuk ia tai lemeli penguman iaʹ tekep me bunut ina. Ngan laʹa ida kuma Yesus cuk ia tai naʹ ligit me kelunan diaʹ kasip.

PEMUYAN 10:2

Ia ca laki iaʹ temek dalem Katuk Adet Musa, iaʹ tunuk neng Allah, peging ngan mung nte panak dalem amin nte. Lemuto ho lesau lepoʹ Yahudi diaʹ taru murip, ngan lemuto ho lemameʹ palaʹ Allah.

PEMUYAN 10:31

Un dau ue neng akeʹ: ‘Kurnilius, lepa ne Tuhan Allah kenahan dau temameʹ koʹ, ngan ia petawai ban pengencai hoʹ me diaʹ taru mudip.

PEMUYAN 10:4

Kun ne nekeneng naʹat melikat ina, mentung takut tekaʹ a. Un dau Kurnilius: “Inu ne tupe?” Un dau melikat ina neng ia: “Mung temameʹ koʹ, lepa ne Allah kenahan dau ue. Ngan pekina pe pengencai hoʹ neng diaʹ taru mudip, Allah iaʹ petawai ikoʹ kidi ʹo.

IPESUS 4:28

Aheʹ iaʹ ban ngelau cen kena, ayen ne ngelau laʹa, di lareʹ tiga ha nading pegayeng man ujoʹ o tengen neng gayeng iaʹ tiga, apan ne senteng mepo diaʹ taru mudip.

1 TIMUTIUS 6:17

Badaʹ me dulu diaʹ un pengekayaʹ usun tanaʹ ini, ayen nte mpau penawai re ngan pesente tebelum nte neng pengekayaʹ de, iaʹ kena kena le ina, di lareʹ bang nebelum ne neng Allah iaʹ lebang naʹ milu mung inu inu ne, iaʹ ilu ke kanan ngan bangen tawai le.

1 TIMUTIUS 6:18

Pekini dau hoʹ neng ida, cuk ida uyan puyan iaʹ tiga, pa re tai kayaʹ neng gayeng iaʹ tiga, ngan lebang puyan nte, ngan tenup tekaʹ tawai re ke petulat inu re ngan kelunan.

IBERANI 6:10

Abeʹ Allah un selepeʹ. Abeʹ e ke lingu pemuyan ia ikem lepati, pekina pe puyan pengemalaʹ kem neng ia, iaʹ luhaʹ tegoʹ kem mepo diaʹ cenganak kem dalem Tuhan are. Petem pekina lete puyan ncem naʹkini.

YAKUP 1:27

Ini ne Tuhan Allah iaʹ Amai Bioʹ ban kuma adet iaʹ buheʹ ngan iaʹ lan, iaʹ ina puyan ke pubo anak ilun ngan leto balu neng pengeketa re, mentung pubo usa ha tengen malap ketai tabin jameng kuʹun puyan kusun tanaʹ ini.

YAKUP 2:14

Ahaʹ cenganak cenganak keʹ, inu iaʹ bang buk ca kelunan pisiu kuma: “Akeʹ un pengelan,” buk pengelan ne abeʹ un nai luhaʹ neng puyan iaʹ pemuyan ne. Abeʹ nyatan puyan pengelan iaʹ pekina ke pudip ia.

1 YAYA 3:17

Buk ca kelunan kayaʹ, ngan ia taʹan seʹ cenganak ke tepet neng inu, petem me mempeng tekaʹ penawai ia neng cenganak ke ina, kumpin seʹ e senteng badaʹ ia un pengemalaʹ neng Allah dalem penawai ie tupe?

1 YAYA 4:20

Buk ca kelunan kuma ha: “Akeʹ malaʹ Allah,” petem pe ia miʹi neng diaʹ cenganak ke, ia ne ca kelunan iaʹ palo. Buk ke abeʹ un malaʹ neng cenganak ke iaʹ ia taʹan ina, abeʹ e senteng malaʹ Allah iaʹ ia abeʹ un taʹan.