LUKAS 24:6 - Kenyah New Testament

⁶ Abeʹ e un kini laʹa. Lepa ne ia nai beteʹ mudip. Petawai ne dau ue badaʹ mikem dalau ue un kaʹ Galilia are, ngan un dau ue are:

LUKAS 24:6 Iomraidhean Croise

MATIUS 12:40

Koʹ baʹan puyan pegawa Yunus telu tau ngan telu alem me kaʹ dalem batek ca atuk bioʹ, pekina lete Anak Sio ini telu tau ngan telu alem me kaʹ iaʹ pengedalem-dalem tanaʹ uʹo.

MATIUS 16:21

Ina ne tading Yesus peluhaʹ ca isiu iaʹ mading palaʹ diaʹ bayaʹ katuk ke. Un dau ue: “Tekep lete akeʹ tai kaʹ Yerusalim, ngan ke sihoʹ kadoʹ tuyen kuʹun diaʹ lataʹ lepoʹ, ngan diaʹ detaʹu lataʹ, ngan diaʹ guru Katuk Adet Musa. Dulu ke lematai heʹ ʹo. Un sepuʹo neng iaʹ ketelu tau ue, akeʹ kenai ngeliwet mudip laʹa.”

MATIUS 27:63

Un dau re neng ia: “Ahaʹ amai, ameʹ petawai ban dalau laki iaʹ pelingu dulu idai un mudip are, un dau ue: ‘Lepa telu tau akeʹ kenai ngeliwet mudip laʹa.’

MATIUS 28:6

Abeʹ e un kini laʹa. Lepa ne ia nai mudip koʹ baʹan dau ue neng ikem are. Nai ne kini, ngan naʹat seʹ ban ukoʹ dulu peken ia are.

MARKUS 16:6

Un dau ue: “Ayen ncem bisau. Akeʹ tisen ikem mita Yesus lepoʹ Nasarit iaʹ dulu lepa napek kaʹ kayu tecek idai are. Abeʹ e un kini. Lepa ne Tuhan meteʹ ia. Naʹat seʹ ban kukoʹ dulu peken ia.

MARKUS 8:31

Dalau ina lete tading Yesus pekatuk diaʹ bayaʹ katuk ke, un dau ue: “Tekep lete Anak Sio ini ke sihoʹ tuyen bioʹ ʹo, ngan diaʹ lataʹ lepoʹ, ngan diaʹ detaʹu lataʹ, ngan diaʹ guru Adet Yahudi ke nyekang ia. Dulu ke lematai heʹ ʹo. Uʹo ina, neng iaʹ ketelu tau ue, kenai heʹ ngeliwet mudip laʹa.”

LUKAS 24:34

Un dau re: “Atek lan laleʹ le, nai Tuhan numpak mudip. Simun iaʹ ban taʹan ia.”

LUKAS 24:5

Tai takut laleʹ tekaʹ leto dina, sulo re muʹup kaʹ tanaʹ dalau laki dua dina pisiu ida, un dau re: “Moʹ inu hem nai mita iaʹ mudip kukoʹ diaʹ matai tupe?

LUKAS 9:22

Kun dau ue pelaʹa: “Atek ke sihoʹ keta bioʹ te Anak Sio ini. Moʹ diaʹ lataʹ lepoʹ, ngan diaʹ detaʹu lataʹ, ngan diaʹ guru Adet Yahudi, mung nte ke nyekang akeʹ ʹo. Dulu ke lematai heʹ ʹo. Uʹo ina kenai heʹ ke ngeliwet mudip neng iaʹ ketelu tau ue ʹo.”

LUKAS 9:44

“Ini ca tiraʹ iaʹ akeʹ ubaʹ ikem ketisen. Ayen ncem tai lingu kidi. Dulu ke naʹ Anak Sio ini kentaʹ penyukat kelunan ʹo.”

PEMUYAN 2:24

Kun Allah pudip Yesus cen patai ie. Allah iaʹ sau ia cen tuyen patai, moʹ naʹ pe ke kumpin kumpin, abeʹ e ketai supeʹ kuʹun patai.

2 TESALUNIKA 2:5

Kumpin, un lepe ikem petawai mung inu iaʹ akeʹ lepa badaʹ mikem dalau heʹ un pemung ngan ncem are?