LUKAS 23:2 - Kenyah New Testament

² Kina ne tading nte mekem salaʹ neng ia, kun dau re: “Un laki ini, ameʹ dakep ia moʹ o pelingu lepoʹ meʹ. Ia mulen pe dulu naʹ ligit pupu me Laja Kaisar, ngan ia badaʹ usa ha tengen ca laja iaʹ atek ngkang pungu udip kelunan.”

LUKAS 23:2 Iomraidhean Croise

MATIUS 17:27

Naʹ pia pekina, ayen le uyan sakit kimet me kelunan dini. Tai ne ikoʹ lemesi kaʹ leteng te. Neng paʹ atuk iaʹ ading ading ikoʹ alaʹ lemesi ina, un ca liʹap ligit kidi iaʹ senteng man tua ke naʹ pupu Umaʹ Palan Allah ina. Alaʹ ne ligit ina, ngan naʹ a suaʹ pupu tua.”

MATIUS 22:21

Un dau re mipa ia: “Silung Kaisar.” Un dau Yesus neng ida laʹa: “Tiga ne buk ke pekina nyuaʹ ne palaʹ Kaisar inu iaʹ anun Kaisar, ngan nyuaʹ ne palaʹ Allah inu iaʹ anun Allah.”

MATIUS 27:11

Yesus nekejeng neng juma Gebenur Pilatus, sulo Pilatus lemutu ia, un dau ue: “Lan ncoʹ paren bioʹ lepoʹ Yahudi mo?” Un dau Yesus mipa ia: “Pekina lete koʹ baʹan dau hoʹ ne.”

MARKUS 12:17

Sulo dau Yesus laʹa: “Buk pekina, nyuaʹ ne palaʹ Laja Kaisar inu iaʹ anun Laja Kaisar, ngan nyuaʹ pe palaʹ Tuhan Allah inu iaʹ anun Tuhan Allah.” Muʹo ne tekaʹ tawai de neng ia.

MARKUS 15:2

Un dau Pilatus lemutu Yesus: “Lan ncoʹ paren bioʹ lepoʹ Yahudi mo?” Un dau Yesus mipa ia: “Lan, koʹ baʹan dau hoʹ ne.”

LUKAS 23:14

Un dau Pilatus mida: “Ikem ngkin laki ini palaʹ akeʹ, ngan kuma ia pelingu lepoʹ ini. Naʹkini lepa ne akeʹ nugen dau ue kata ikem mung. Abeʹ un ca penyalaʹ a iaʹ akeʹ tisen neng laki ini, koʹ baʹan dau salaʹ iaʹ ikem mekem neng ia are.

LUKAS 23:5

Un sepuʹo taten laleʹ dau re neng Pilatus, kun nte: “Ia kepekasing lepoʹ ini man katuk ke. Tading nge ia uyan kaʹ Galilia. Uʹo ina tai ie abeʹ kaʹ Yudia. Naʹkini abeʹ kaʹ ini ne.”

YAYA 18:29

Ina ukoʹ Pilauts tai kaʹ awang palaʹ ida, mentung nge lemutu ida: “Inu salaʹ iaʹ ikem mekem me laki ini?”

YAYA 18:30

Un dau ipa re neng Pilatus: “Abeʹ meʹ ke ngkin ia palaʹ ikoʹ buk ke abeʹ un ti puyan iaʹ salaʹ.”

YAYA 19:12

Tegoʹ Pilatus lepa kenahan dau ini, miat tekaʹ a mita janan ke nakau Yesus. Un sepuʹo ngeliwet dau kelunan Yahudi dina ngelengap: “Buk ne ikoʹ ke nakau ia, abeʹ ne ikoʹ un tuyang Laja Kaisar laʹa. Aheʹ iaʹ badaʹ ia ca paren bioʹ, ia ne iaʹ bunoʹ Laja Kaisar.”

PEMUYAN 24:13

Mpi un ca inu iaʹ ida senteng ke peluhaʹ palaʹ ikoʹ sereket ca tedanaʹ keʹ salaʹ, koʹ baʹan dau nai re badaʹ a mikoʹ pekini are.

PEMUYAN 24:5

Tisen meʹ laki ini jaʹat, ia ca laki iaʹ ngasing udip lepoʹ Yahudi kempi kempi re un neng usun tanaʹ ini. Ia ne ca tuʹa de dalem adet Nasarani, pebutun adet Yahudi.

RUM 13:7

Nyuaʹ ne mung utang ngkem neng ida, pupu usa hem, ngan pupu inu hem. Ngan libaʹ kimet cem nyelama ida mung.