LUKAS 22:2 - Kenyah New Testament

² Diaʹ detaʹu lataʹ ngan diaʹ guru Adet Yahudi mita ukan kumpin aken nte ke lematai Yesus. Miat tekaʹ de ten ke mita janan, moʹ de takut dulu diaʹ kadoʹ dina.

LUKAS 22:2 Iomraidhean Croise

MATIUS 12:14

Dalau ina sulo tai kelunan Perisi dina mecin cen ukoʹ de ngan peseket ubaʹ ke lematai Yesus.

MATIUS 21:38

Un sepuʹo tegoʹ de taʹan anak ina, un dau re pisiu neng ida selepeʹ: ‘Ini ne anak laki bioʹ idai. Baka, tiga tepat lematai ia apan le ke un galen ne ʹo.’

MATIUS 26:2

“Ikem lepa tisen dua tau laʹa kena Bunut Paska. Anak Sio ini dulu ke mencai apan nte lematai ia neng kayu tecek.”

MARKUS 14:1

Dalau dua tau kena Adet Malan Ruti Lamut, ngan Bunut Paska, (iaʹ ina pemung uman neng Adet Menting Patai), kun diaʹ detaʹu lataʹ ngan diaʹ guru Adet Yahudi mita janan nyelem ke mapo Yesus, moʹ de ubaʹ ke lematai ia.

LUKAS 20:19

Un dalau ina lete diaʹ guru Adet Yahudi ngan diaʹ detaʹu lataʹ kina ten ke dakep Yesus, moʹ de tisen ban man kata katuk ina Yesus alaʹ kata neng ida. Un sepuʹo takut de dulu kina.

YAYA 11:57

Lepa ne diaʹ detaʹu lataʹ ngan diaʹ Perisi cuk dulu, mele aheʹ iaʹ tisen kempi Yesus, tai badaʹ mida apan nte senteng mapo ia.

PEMUYAN 4:27

Moʹ iaʹ lan ne Tuhan, kedalem lepoʹ ini, Herudis, ngan Puntius Pilatus, pemung ngan lepoʹ Israil, ngan lepoʹ diaʹ ca, lepa kelimpun nai nyudup Yesus, ulaʹ koʹ iaʹ buheʹ, iaʹ ikoʹ atek uyan Laki iaʹ ngkang pungu udip.