LUKAS 21:8 - Kenyah New Testament

⁸ Un dau Yesus: “Jagaʹ tiga tiga. Ayen ncem buhaʹ kelunan pedaru ikem, moʹ kadoʹ kelunan kenai kanan ngadan nceʹ. Un dau re ʹo: ‘Akeʹ lete ia.’ Kun nte pelaʹa: ‘Kenai jakaʹ a ne ini.’ Ayen ncem peletoʹ bayaʹ dau kelunan dina.

LUKAS 21:8 Iomraidhean Croise

MATIUS 24:11

Ngan kadoʹ pegawa palo kenai luhaʹ ngan pelingu kelunan kadoʹ.

MATIUS 3:2

Un dau Yaya: “Nyepuleʹ ne kimet cem cen penyalaʹ kem. Abeʹ e majan laʹa kenai luhaʹ ne puyan pengaren Tuhan Allah ke ngaren ilu kelunan.”

MATIUS 4:17

Cen dalau ina Yesus nading ke penco badaʹ katuk ke, pekini dau ue: “Nyepuleʹ ne kimet cem cen penyalaʹ kem, ban abeʹ majan laʹa kenai luhaʹ ne puyan pengaren Tuhan Allah ke ngaren ilu kelunan.”

LUKAS 17:23

Kun dulu badaʹ mikem ʹo: ‘Tai naʹat kina,’ ngan: ‘Nai naʹat kini,’ ayen ncem puke. Ayen bayaʹ dau re.

LUKAS 21:7

Kun nte lemutu Yesus: “Ahaʹ Guru, midan puyan ina kenai ʹo? Inu iaʹ ke tedanaʹ a kena ha ke nuyan ʹo?”

LUKAS 21:9

Ayen kecet buk kem kenahan dau denga puyan pepatai ngan pekamuk, moʹ un puyan dina abeʹ e senteng aer ke nuyan kena. Abeʹ ina iaʹ badaʹ kenai pengelepa udip.”

YAYA 5:43

Akeʹ nai ngan penyukat Amai heʹ, un sepuʹo abeʹ kem ubaʹ alaʹ akeʹ. Tegoʹ ca usa nai ngan penyukat te tengen, ubaʹ kem alaʹ ia.

YAYA 8:24

Ina iaʹ ukoʹ keʹ badaʹ mikem, ikem ke matai lenca dalem penyalaʹ kem. Buk kem abeʹ un ngelan ‘Akeʹ Iaʹ Lemuto Un’, ikem lete iaʹ ke matai lenca dalem penyalaʹ kem ʹo.”

YAYA 8:28

Ina ukoʹ Yesus kuma ha neng ida: “Tegoʹ kem ke mejung Anak Sio ini, ikem ke tisen ‘Akeʹ Iaʹ Lemuto Un’. Ina ukoʹ tegoʹ ina hem ke tisen abeʹ keʹ uyan inu man kimet ceʹ tengen, un sepuʹo bang akeʹ badaʹ inu iaʹ Amai Bioʹ pekatuk akeʹ le.

1 KURINTUS 6:9

Tisen te ikem tupe? kelunan diaʹ uyan jaʹat, nyahut de ke kahum dalem peniga pengaren Allah ne. Ayen ncem lemalo usa hem tengen. Kelunan diaʹ pemung kena re ke pepeto, pekina pe diaʹ ngelan uyat, pekina pe diaʹ petaro, pekina pe leto diaʹ taro neng leto, pekina pe laki diaʹ taro neng laki,

IPESUS 5:6

Ayen pedayo aheʹ aheʹ pe ke pelingu ikem man tiraʹ de iaʹ abeʹ un semantet. Moʹ kuʹun penyalaʹ iaʹ pekina, Allah ke pelaboʹ kenca ha neng mung diaʹ muau tiraʹ a.

2 TESALUNIKA 2:3

Tuman ina, ayen ncem pedayo ca kelunan mele aheʹ aheʹ pe iaʹ ke pelingu ikem. Ban ne Tau ina, abeʹ e kenai kena un puyan pengekuʹo bioʹ iaʹ ke ngasing perinta. Ngan dalau ina pe laki iaʹ ngkang pungu pengejaʹat ke kenai luhaʹ, kena Allah ke pet ia kaʹ lubang luten.

2 TIMUTIUS 3:13

Un sepuʹo dulu diaʹ jaʹat ngan diaʹ ngaloʹ, ke un pit un pit pengeja at de, mentung nte pelingu dulu, ngan ida tengen pe ke pelingu ida loʹ.

1 YAYA 4:1

Ahaʹ cenganak cenganak keʹ diaʹ akeʹ malaʹ, ayen ngelan mung dulu diaʹ kuma ida un Berua Allah, un sepuʹo ten ida, idi hem ngetisen buk ban berua iaʹ ida un ina nai cen Allah. Uban kadoʹ pegawa palo lepa libut kusun tanaʹ ini.

2 YAYA 1:7

Lepa kadoʹ ne ketai diaʹ pelingu dulu libut neng usun tanaʹ ini. Abeʹ de tuman dau bayaʹ uban Yesus Keristus lepa nai neng puyan usa kelunan lan. Kelunan iaʹ pekina ne iaʹ pelingu dulu, ngan ia pe atek Bunoʹ Keristus.

PUYAN LUHA’ 1:3

Bangen kimet ne kelunan iaʹ baca surat ini. Pekina pe bangen kimet diaʹ kenahan dau tiraʹ iaʹ badaʹ seluhan kimet Allah ini, pekina pe diaʹ tudep bayaʹ dau surat ini. Uban nyeng le laʹa tegoʹ puyan ini atek ke nuyan ʹo.

PUYAN LUHA’ 12:9

Kun nte pet bali sungai bioʹ ina. Ia lete ncung ulai iaʹ cen naʹaʹ are, iaʹ dulu pisiu Bali Jaʹat, ngan Bali Sitan, iaʹ pelingu dulu mung kusun tanaʹ. Cen surga ida pet ia kaʹ usun tanaʹ peging ngan melikat te.