LUKAS 20:11 - Kenyah New Testament

¹¹ Uʹo ina kun laki bioʹ ina cuk ca usa ulaʹ a tai laʹa. Kun diaʹ petubo banit dina metung ia pelaʹa, ngan pesaʹe ia, penco re pekarap ia, cuk ia uleʹ kelangan.

LUKAS 20:11 Iomraidhean Croise

1 TESALUNIKA 2:2

Tisen te ikem kumpin puyan dulu nyakit ameʹ ngan panyi ameʹ kaʹ lepoʹ Pilipi, kena kenai meʹ palaʹ ikem kaʹ Tesalunika. Naʹ pe ia pekina, Allah le iaʹ naʹ akang mameʹ, man meʹ badaʹ Denga Injil iaʹ nai cen ia, kenuen pe kadoʹ diaʹ ke nyekang nge.

PEMUYAN 7:52

Pegawa iaʹ mpi iaʹ are sihoʹ tuyen kuʹu tepun ncem tupe? Tepun ncem lete iaʹ lematei diaʹ lawa Allah iaʹ nekena badaʹ neng puyan kenai Ulaʹ a iaʹ teneng ina. Naʹkini lepa ne ikem muau neng Laki ina, ngan lematai ia.

MARKUS 12:4

Lepa ina, kun laki iaʹ un pula ina cuk ca ulaʹ laʹa. Kun diaʹ petubo pula dina are metung ulu ulaʹ ina, ngan petaro ia.

LUKAS 20:10

Tegoʹ buaʹ anggur ngebuʹan, kun ne cuk ca usa ulaʹ a tai palaʹ diaʹ petubo banit ina, moʹ o ke alaʹ tulat te cen buʹan ne. Un sepuʹo belekaʹ diaʹ petubo dina metung ulaʹ ina, pekarap ia, cuk ia uleʹ kelangan.

LUKAS 20:12

Uʹo ina kun ne cuk ulaʹ a iaʹ ketelu. Ida nyakit nyuhat pe ia laʹa, penco re pet ia tahaʹ awang.