LUKAS 2:9 - Kenyah New Testament

⁹ Belekaʹ kenai ca melikat Tuhan luhaʹ kata ida, peging serema Tuhan iaʹ ngedema pipa ida. Ina ukoʹ de tai bisau laleʹ tekaʹ de.

LUKAS 2:9 Iomraidhean Croise

MATIUS 1:20

Dalau Yusup pekimet puyan ina are, ia taʹan dalem kenupi ie ca melikat Tuhan nai pisiu ngan ne. Un dau melikat ina neng ia: “Ahaʹ Yusup iaʹ mela Daut, nyen neoʹ takut alaʹ Mariam ne leto hoʹ, uban temaleʹ e ina nuyan kuʹun nyingan Berua Buheʹ.

LUKAS 1:28

Tai kun melikat ina pisiu ia, kun dau ue: “Tadan ne tekaʹ koʹ, moʹ Tuhan un ngan ncoʹ, ngan bioʹ ban peniga ha mikoʹ.”

LUKAS 2:8

Kaʹ dale ina un palai laki diaʹ ngelineʹ kaʹ lasan tahaʹ usun lepoʹ, manan pakan nte ngahu.

LUKAS 24:4

Dalau re maru tekaʹ pekina, belekaʹ idi dua usa laki diaʹ un sapai menyerening diseʹ nekejeng dudo ida.

YAYA 12:41

Yesaya pisiu pekini dau uban ne lepa taʹan serema peniga Yesus, ngan penco badaʹ puyan ne.

PEMUYAN 12:7

Belekaʹ kenai ca usa melikat Tuhan nekejeng kina, ngan ca serema ngedema amin sepin ina. Penco ho nepap liʹip Peterus naga ia kuma: “Nyelarai ne ikoʹ beteʹ.” Beliʹau lero le mung beka ha neng ujoʹ o.

PEMUYAN 27:23

Uban un alem tahup de, nai ca usa melikat palaʹ akeʹ cen Tuhan Allah. Allah ina iaʹ un akeʹ: palaʹ ia heʹ lemameʹ. Un dau melikat ina neng akeʹ:

PEMUYAN 5:19

Un sepuʹo tegoʹ alem ina, nai kun ca melikat Tuhan mesik pamen amin sepin ina, penco ngkin ida kawang, mentung dau ue neng ida:

2 KURINTUS 3:18

Tuman ina ne ilu mung diaʹ nukak serema peniga Tuhan ngan silung iaʹ abeʹ un pekep. Atek serema peniga ina lete iaʹ nai cen Tuhan, iaʹ ina Berua idai are. Mentung nge pekaliu ilu keno ketai le kuaʹ layen ia lete, moʹ puyan serema peniga ha kenai un pit un pit serema ha neng ilu.

2 KURINTUS 4:6

Allah iaʹ pisiu cen naʹaʹ kuma ha: “Cen dalau ntem kenai dema nyerema.” Atek Allah ina lete iaʹ uyan dema ha nai nyerema kaʹ dalem kimet le are, idi kenai palaʹ ilu dema penisen neng puyan peniga Allah, kumpin seʹ e luhaʹ serema ha neng silung Keristus.

1 TIMUTIUS 3:16

Abeʹ un aheʹ iaʹ senteng nyepati ban bioʹ laleʹ sen udip Keristin. Ia ne: Yesus iaʹ lepa nai luhaʹ dalem layen usa kelunan. Berua Tuhan iaʹ peluhaʹ ia atek teneng. Ngan melikat pe taʹan ia. Denga ha tai libut me mung lepoʹ. Libut usun tanaʹ ini kelunan ngelan ia. Dalem serema peniga, tai ie pejung kaʹ surga.

IBERANI 12:21

Jaʹat aleʹ puyan iaʹ ida taʹan ina, pa dau Musa kuma: “Ngeregen tekaʹ keʹ takut.”

PUYAN LUHA’ 18:1

Uʹo ina pelaʹa akeʹ taʹan ca melikat nai kentaʹ cen langit. Bioʹ penyukat te, ngan serema pengaren ne tai tipo kusun tanaʹ ne.

PUYAN LUHA’ 20:11

Uʹo ina akeʹ taʹan ca padung pengaren iaʹ bioʹ ngan puteʹ. Un ca usa madung kidi. Un tanaʹ ngan langit tai pesau kata ia. Abeʹ le taʹan ne laʹa.