LUKAS 2:34 - Kenyah New Testament

³⁴ Penco Simiun naʹ peniga mida dua. Un dau ue neng Mariam ueʹ anak ina: “Allah iaʹ ban nengangan naʹ anak ini, apan ne ke nasaʹ palai lepoʹ Israil, ngan kadoʹ pe diaʹ ia ke pudip puʹo. Ngan ia ca tedanaʹ cen Allah. Kadoʹ dulu ke nyakat dau ue ʹo,

LUKAS 2:34 Iomraidhean Croise

MATIUS 11:19

Un sepuʹo Anak Sio iaʹ nai ini, uman pe ia ngan nisep pe ia. Ina tuman ne kadoʹ dulu diaʹ kuma ha: ‘Naʹat ne, diseʹ kelunan ini mekum, mabuk, ngan tai tugung dulu diaʹ alaʹ pupu ngan kelunan jaʹat.’ Naʹ pe pekina, ilu tisen penudi kimet Allah iaʹ uban un teneng, ban le taʹan puyan iaʹ nuyan kuʹun ne, un teneng lete.”

MATIUS 12:46

Dalau Yesus pisiu ngan kelunan kadoʹ, tegoʹ ina kenai ueʹ e ngan diaʹ cenganak ke abeʹ. Ida nekejeng kawang ngan nyat awang apan nte senteng ke pisiu ngan Yesus.

MATIUS 21:44

Aheʹ aheʹ iaʹ ke laboʹ neng sukaʹ ini, tulang nge ke muʹo purep pegep. Ngan buk sukaʹ ini ke laboʹ neng usun ca kelunan, ia ke muʹo jutaʹ panyaʹ koʹ baʹan abu are.]”

MATIUS 27:63

Un dau re neng ia: “Ahaʹ amai, ameʹ petawai ban dalau laki iaʹ pelingu dulu idai un mudip are, un dau ue: ‘Lepa telu tau akeʹ kenai ngeliwet mudip laʹa.’

LUKAS 2:35

idi ie nai luhaʹ iaʹ suhuk dalem kimet de. Ngan ca penaru ke nai palaʹ ikoʹ ʹo Mariam, koʹ baʹan ca bahing lerip iaʹ ke nyuhat penawai hoʹ ʹo.” Pekina ne dau Simiun.

YAYA 3:20

Aheʹ aheʹ iaʹ ti puyan jaʹat, ia miʹi neng puyan dema, ngan abeʹ un ubaʹ nai palaʹ dema uban ne abeʹ un ubaʹ pemuyan iaʹ jaʹat ina luhaʹ neng dulu.

YAYA 5:18

Kuʹun isiu ini ne diaʹ pengelataʹ lepoʹ Yahudi dina tai pareng kuʹo ke tekaʹ kimet de ubaʹ lematai Yesus. Lan pe ia ngesa Tau Kelineʹ; abeʹ kuʹun ina tuaʹ le, un sepuʹo ia badaʹ Allah iaʹ Amai ie tengen. Man puyan ini ne ia uyan usa ha loʹ pekuaʹ ngan Allah.

PEMUYAN 13:45

Kun palai lepoʹ Yahudi dina taʹan ban kadoʹ kenai dulu, miʹet laleʹ le ida. Seʹ de nyakat tiraʹ Paulus ngan pejaʹat dau neng ia.

PEMUYAN 17:6

Naʹ pe pekina, abeʹ de petegoʹ ngan Paulus de dua Silas. Kun nte mihit Yasun pemung ngan palai cenganak le dalem Tuhan tai nyeripa perinta lepoʹ ina, mentung nte ngelengap, kun dau re: “Dini kelunan diaʹ lepa ngasing usun tanaʹ ini, un pe kenai re abeʹ kaʹ lepoʹ ilu ne.

PEMUYAN 24:5

Tisen meʹ laki ini jaʹat, ia ca laki iaʹ ngasing udip lepoʹ Yahudi kempi kempi re un neng usun tanaʹ ini. Ia ne ca tuʹa de dalem adet Nasarani, pebutun adet Yahudi.

PEMUYAN 28:22

Inu pia, ubaʹ meʹ ke ngeringa dau hoʹ, kumpin tekaʹ penisen ncoʹ. Bang tisen meʹ dau dulu kempi kempi badaʹ dau uban salaʹ puyan utun adet iaʹ ikoʹ kanan ini.”

PEMUYAN 4:26

Diaʹ laja kusun tanaʹ kuaʹ nai beteʹ, pemung ngan diaʹ paren lepoʹ. Moʹ de ubaʹ ke nyudup Tuhan Allah, ngan Keristus iaʹ ia naʹ milu.’

PEMUYAN 6:7

Tai libut kuʹo ne denga tiraʹ Allah, ngan nai un pit un pit ne kadoʹ de diaʹ bayaʹ katuk Tuhan kaʹ lepoʹ Yerusalim. Kadoʹ pe ida diaʹ detaʹu nai ngelan bayaʹ Yesus.

RUM 9:32

Moʹ inu re tepa tupe? Moʹ de abeʹ un mita peneneng bayaʹ pengelan nte, bang ke mita ha bayaʹ pemuyan nte tuaʹ le. Ina ukoʹ de tai petatek neng batu petatek idai.

1 KURINTUS 1:23

Un sepe ilu dini ke pedenga Keristus iaʹ lepa ngediding neng usun kayu tecek, iaʹ ina ca puyan iaʹ mpeng me kelunan Yahudi, ngan ca apaʹ me kelunan diaʹ ca.

IBERANI 7:1

Makisidik iaʹ paren bioʹ lepoʹ Salim, ngan ca detaʹu Allah iaʹ Atek Mpau. Cen naʹaʹ Ibrahim ngayau ngan lematai kudaʹ kudaʹ paren dulu. Dalau kenai ie uleʹ, Makisidik petegoʹ ngan ne, sulo ia naʹ peniga mia.

IBERANI 7:7

Tisen te ilu mung uban kelunan iaʹ naʹ peniga un pelapa bioʹ cen ʹo kelunan iaʹ alaʹ peniga.

1 PETERUS 4:14

Buk dulu pejaʹat dau neng ikem suaʹ ngadan Keristus, bangen le saheʹ kem. Moʹ pekini ban sen puyan ina: Berua peniga, iaʹ ina Berua Allah, un ne ngelineʹ neng ikem.