LUKAS 2:26 - Kenyah New Testament

²⁶ Berua Buheʹ ina iaʹ nugen badaʹ me Simiun, abeʹ dau ue ke tai matai buk ke abeʹ un awai ke taʹan Keristus, iaʹ man pungu keniga udip, iaʹ Tuhan Allah ban patek ke naʹ idai.

LUKAS 2:26 Iomraidhean Croise

MATIUS 2:12

Lepa ina Tuhan Allah badaʹ me kelunan diaʹ mencam ngetisen sen betuʹen dina dalem kenupi re, mulen ida tai uleʹ palaʹ Herudis laʹa. Ina ukoʹ tuman nte tai uleʹ kaʹ lepoʹ de cen janan diaʹ ca.

LUKAS 2:29

“Ahaʹ Tuhan Allah, naʹkini palup ne tiraʹ, iaʹ ikoʹ ban petuket makeʹ idai. Tiga hoʹ cuk ulaʹ koʹ ini tai uleʹ palaʹ udip tadan.

LUKAS 9:27

Ngetawai le ikem tiga tiga ʹo. Akeʹ badaʹ mikem, un palai mikem diaʹ nekejeng kini, abeʹ de tisen ke matai kena re ke taʹan puyan pengaren Allah.”

YAYA 1:41

Pelapa Anderias tegoʹ diaʹ cenganak ke simun, kun ne badaʹ mia: “Un meʹ taʹan Mesias.” (Sen ngadan ina Keristus, Laki iaʹ ngkang pungu udip.)

YAYA 20:31

Un sepuʹo dini diaʹ lepa senurat apan ncem ke ngelan Yesus iaʹ atek Keristus iaʹ ngkang pungu udip, ngan iaʹ atek Anak Allah. Ngan kuʹun pengelan ncem ini pe ikem ke alaʹ udip dalem ngadan ne.

YAYA 4:29

“Un cha kelunan iaʹ badaʹ mung uban pemuyan nceʹ cen kena. Nai ne ikem naʹat ia ading. Un ne Kristus iaʹ ngkang pungu udip taʹin?”

YAYA 8:51

Lan dau heʹ mikem, aheʹ iaʹ bayaʹ dau katuk keʹ nyahut te abeʹ un matai ne.”

PEMUYAN 10:38

Tisen te ikem ban puyan Yesus lepoʹ Nasarit ina, seʹ ban Allah mubeʹ Berua Buheʹ ngan penyukat bioʹ neng ia. Ngan pekina pe tai ie masat kempi kempi uyan tiga, ngan puhat mung dulu diaʹ taru kuʹun Bali Sitan, moʹ Allah un ngan ne.

PEMUYAN 17:3

Kun Paulus peluhaʹ sen ngan peluhaʹ katuk cen Kitap ina iaʹ badaʹ kumpin ban Laki iaʹ ngkang pungu udip tekep ke sihoʹ tuyen, ngan numpak mudip cen patai. Un dau ue laʹa: “Yesus ia akeʹ badaʹ mikem ne, ia lete Laki iaʹ ngkang pungu udip.”

PEMUYAN 2:36

Un dau Peterus metuk isiu ue: “Ban atek Yesus lete ini, iaʹ ikem lepa napek neng kayu tecek are. Yesus lete iaʹ Allah lepa uyan Tuhan, Laki iaʹ ngkang pungu udip. Awaʹ ne mung diaʹ lepoʹ Israil ke tisen lan.”

PEMUYAN 9:20

Tegoʹ ina pe, ketai ie kedalem amin sebayang Yahudi. Kina Saul badaʹ denga Yesus iaʹ atek Anak Allah.

IBERANI 11:5

Kuʹun pengelan ne Inuk abeʹ un matai, un sepuʹo ia tai kayang palaʹ Allah. Abeʹ un aheʹ senteng pita ia uban Allah lepa ngayang ia. Un dau Kitap badaʹ kuma ha, kena Inuk tai kayang kempau, ia iaʹ ban niga kimet Allah.