LUKAS 2:14 - Kenyah New Testament

¹⁴ “Serema peniga me Allah kedalem surga iaʹ atek mpau, ngan udip tadan kusun tanaʹ ini me kelunan diaʹ alaʹ peniga cen Tuhan Allah.”

LUKAS 2:14 Iomraidhean Croise

MATIUS 21:9

Kadoʹ kelunan diaʹ masat tahaʹ tena ngan tahaʹ bayaʹ Yesus, mentung nte ngelalo, un dau re: “Pempau ne Anak Daut. Allah ke naʹ peniga ha me ia iaʹ nai neng ngadan Tuhan. Pempau Allah.”

LUKAS 1:79

Cen surga ha ngedema mung dulu diaʹ mudip dalau ntem, diaʹ pencit kuʹun patai. Ia ke peteneng jeng taket le bayaʹ janan udip tadan.” Pekina ne dau Sakaria.

LUKAS 19:38

Mentung dau re: “Pempau ne laki paren iaʹ nai dalem ngadan Tuhan. Un udip tadan dalem surga, ngan serema peniga Allah kukoʹ iaʹ atek mpau.”

LUKAS 2:13

Dalau ina beliʹau kadoʹ le kenai melikat Tuhan cen surga nai pit melikat iaʹ ading nai idai, mentung nte ngentau pempau Allah:

LUKAS 2:15

Uʹo ketai melikat dina uleʹ kaʹ surga, un dau diaʹ manan dumba dina neng ida selepeʹ: “Tai ne ilu kaʹ Bitlahim, naʹat iaʹ lepa dau nuyan ina, iaʹ Tuhan badaʹ milu ini.”

LUKAS 3:22

Sulo kenai Berua Buheʹ cen mpau te, nepatung koʹ baʹan ca usa sui garaʹ are, mempep neng Yesus. Dalau ina un dau ca isiu cen langit kuma ha: “Ikoʹ anak keʹ, iaʹ penyelum keʹ. Ikoʹ iaʹ sihoʹ neng pengubaʹ keʹ.”

YAYA 14:27

“Akeʹ mahung denaʹ tawai ngan ncem. Pengedenaʹ tawai heʹ tengen iaʹ akeʹ naʹ mikem. Abeʹ keʹ un naʹ mikem kuaʹ baʹan usun tanaʹ ini ke naʹ mikem. Ayen ncem mentam pekimet, ngan ayen ncem takut.

YAYA 17:4

Akeʹ lepa peluhaʹ serema peniga hoʹ neng usun tanaʹ ini, ngan pelepa gayeng iaʹ ikoʹ cuk akeʹ ti are.

YAYA 3:16

Bioʹ puyan Allah malaʹ neng ilu kelunan kusun tanaʹ ini, ina ukoʹ o mencai Anak ke iaʹ bang ca ina le milu, apan mung kelunan diaʹ ngelan neng ia abeʹ un tai matai penco, un sepuʹo ida ke alaʹ udip saheʹ kelineʹ iaʹ ngeriman.

PEMUYAN 10:36

Tisen te ikem, un tiraʹ iaʹ Allah lepa naʹ palaʹ lepoʹ Israil, iaʹ ina Denga Injil, iaʹ pedenga neng puyan udip iaʹ tadan me kelunan kuʹun Yesus Keristus, iaʹ atek Tuʹa kelunan mung.

RUM 5:1

Lan te, teneng ne ilu ngan Allah kuʹun pengelan le, ina ukoʹ le un udip iaʹ tadan ngan Allah moʹ kuʹun Tuhan le Yesus Keristus ne.

IPESUS 1:6

Tiga le pempau Allah moʹ bioʹ serema pengelesau ue, ngan lebang pengencai ie milu, kuʹun puyan le pebeka tawai dalem Anak iaʹ pengemalaʹ a.

IPESUS 1:9

Kuʹun toʹ penudi Allah ngan pelesan taʹat te, ina ukoʹ o teto uyan bayaʹ kaʹ pengubaʹ kimet te. Ia peluhaʹ milu ban kaʹ sedep pe, iaʹ ia pebetep neng kimet te cen penading nge, iaʹ ke tai daʹam kuʹun Keristus.

IPESUS 2:4

Un sepuʹo bioʹ laleʹ pengelesau Allah, ngan bioʹ laleʹ pengemalaʹ a neng ilu,

IPESUS 2:7

Pekina Allah uyan ne, apan ceng toʹ dadoʹ udip bayaʹ ʹo, ia ke peluhaʹ toʹ bioʹ seʹ ban pengelesau ue kuʹun pengemalaʹ a neng ilu dalem Keristus Yesus.

PILIPI 2:11

Ngan mung mung le ke teto dau ngahaʹ ban Yesus Keristus iaʹ atek Tuʹa. Ketai ie nuyan serema peniga Allah iaʹ Amai Bioʹ.

PILIPI 2:13

Moʹ lan ne Allah iaʹ lemuto pegayeng kedalem ikem ke payo kimet cem ngan ngepali ikem ke ti bayaʹ sedep pe.

KULUSE 1:20

Ban kuʹun Anak ina lete, Allah petuket ke uyan ca janan man mung inu ke nai ngeliwet palaʹ ia laʹa. Allah uyan udip iaʹ tadan milu ban tuman Anak ke iaʹ lepa matai neng usun kayu tecek. Ngan man janan ini ne Allah ke ngkin mung inu ke nai ngeliwet palaʹ ia, tiga diaʹ kusun tanaʹ, pekina pe diaʹ kaʹ surga.

2 TESALUNIKA 2:16

Awaʹ pe Tuhan le Yesus Keristus tengen, ngan Allah iaʹ Amai le iaʹ ban malaʹ ilu, ngan dalem pengelesau ue ia ban naʹ tangen iaʹ ke ngeriman, ngan ca tebelum iaʹ tiga milu.

PUYAN LUHA’ 5:13

Uʹo ina akeʹ kenahan dau mung inu iaʹ kaʹ surga, pekina pe kusun tanaʹ, ngan kentaʹ tanaʹ, ngan diaʹ kaʹ banget. Ida dina ne iaʹ belian kuma ha: “Me ia iaʹ madung neng usun padung pengaren ina pemung ngan Anak Dumba, ke un pada, ngan selama, ngan serema peniga, ngan penyukat pabeʹ majan ʹo.”