LUKAS 2:11 - Kenyah New Testament

¹¹ Alem ini ne, kenai Laki iaʹ Keniga Udip kem. Lepa un ia nai pempet kaʹ dalem lepoʹ Daut. Ia lete Keristus, Tuhan.

LUKAS 2:11 Iomraidhean Croise

MATIUS 1:16

Kun Yakup amai Yusup, iaʹ ina laki Mariam. Ia lete iaʹ ueʹ Yesus iaʹ ilu pisiu Keristus.

MATIUS 1:21

Mariam ke nganak ca anak laki, ngan tiga hoʹ uyan ngadan ne Yesus, uban ia ne kenai nakau diaʹ anun ne cen penyalaʹ de.”

MATIUS 16:16

Un dau Simun Peterus mipa ia: “Ikoʹ lete Keristus iaʹ ngkang pungu udip, Anak Allah iaʹ mudip.”

MATIUS 16:20

Penco Yesus cuk diaʹ bayaʹ katuk ke, ayen peletoʹ tai badaʹ ban ia iaʹ Keristus me dulu.

LUKAS 1:43

Ca puyan iaʹ bioʹ tegoʹ akeʹ ne ini, moʹ ueʹ Tuhan nceʹ iaʹ nai naʹat akeʹ.

LUKAS 1:69

Allah ban naʹ milu ca laki iaʹ pali, iaʹ Keniga udip le. Ia ban mela cen Daut iaʹ panyen ne are.

LUKAS 2:26

Berua Buheʹ ina iaʹ nugen badaʹ me Simiun, abeʹ dau ue ke tai matai buk ke abeʹ un awai ke taʹan Keristus, iaʹ man pungu keniga udip, iaʹ Tuhan Allah ban patek ke naʹ idai.

LUKAS 2:4

Ina ukoʹ Yusup ngan Mariam tai mecin lepoʹ Nasarit, tanaʹ Galilia ne. Penco tai re kaʹ tanaʹ Yudia, kaʹ lepoʹ iaʹ ngadan ne Bitlahim, kukoʹ Lajaʹ Daut ban nai musang are. Yusup tai kina, moʹ o cen mela Daut.

YAYA 1:41

Pelapa Anderias tegoʹ diaʹ cenganak ke simun, kun ne badaʹ mia: “Un meʹ taʹan Mesias.” (Sen ngadan ina Keristus, Laki iaʹ ngkang pungu udip.)

YAYA 1:45

Pelapa Pilipus petegoʹ ngan Natanil, kun ne badaʹ mia: “Un meʹ tegoʹ Laki iaʹ Musa badaʹ milu dalem Kitap Katuk Adet are. Un diaʹ pegawa nyurat neng ia lete. Ia ne Yesus anak Yusup lepoʹ Nasarit.”

YAYA 11:27

Dau Marta mipa ia: “Ahaʹ Tuhan, akeʹ ngelan lete ikoʹ iaʹ Keristus iaʹ ngkang pungu udip, iaʹ Anak Allah, iaʹ ameʹ mengaʹ ke nai kusun tanaʹ ini.”

YAYA 20:31

Un sepuʹo dini diaʹ lepa senurat apan ncem ke ngelan Yesus iaʹ atek Keristus iaʹ ngkang pungu udip, ngan iaʹ atek Anak Allah. Ngan kuʹun pengelan ncem ini pe ikem ke alaʹ udip dalem ngadan ne.

YAYA 4:25

Un dau leto ina neng ia: “Tisen nceʹ uban Mesias, iaʹ ilu pisiu Keristus ne, atek ke nai ʹo. Buk ke nai, tegoʹ ina ha ke badaʹ mung naʹan inu milu.”

YAYA 4:42

Un dau re neng leto idai: “Naʹ kini ameʹ ngelan neng Yesus, abeʹ e kuʹun dau hoʹ badaʹ mameʹ le, un sepuʹo ameʹ tengen lepa kenahan dau ue, ngan tisen lan ban ia iaʹ atek Laki iaʹ keniga udip kelunan kusun tanaʹ ini.”

YAYA 6:69

Naʹkini ameʹ ngelan ngan tisen ikoʹ iaʹ atek buheʹ iaʹ nai cen Allah.”

YAYA 7:41

Dau palai: “Ia iaʹ Keristus iaʹ ngkang pungu udip.” Un sepuʹo un dau palai pelaʹa: “Abeʹ Keristus un nai cen Galilia.

PEMUYAN 10:36

Tisen te ikem, un tiraʹ iaʹ Allah lepa naʹ palaʹ lepoʹ Israil, iaʹ ina Denga Injil, iaʹ pedenga neng puyan udip iaʹ tadan me kelunan kuʹun Yesus Keristus, iaʹ atek Tuʹa kelunan mung.

PEMUYAN 13:23

Cen mela Daut ne kenai Yesus, ca usa ia atek ban Allah cuk Keniga Udip lepoʹ Israil, bayaʹ ban dau tuket Allah cen naʹaʹ are.

PEMUYAN 17:3

Kun Paulus peluhaʹ sen ngan peluhaʹ katuk cen Kitap ina iaʹ badaʹ kumpin ban Laki iaʹ ngkang pungu udip tekep ke sihoʹ tuyen, ngan numpak mudip cen patai. Un dau ue laʹa: “Yesus ia akeʹ badaʹ mikem ne, ia lete Laki iaʹ ngkang pungu udip.”

PEMUYAN 2:36

Un dau Peterus metuk isiu ue: “Ban atek Yesus lete ini, iaʹ ikem lepa napek neng kayu tecek are. Yesus lete iaʹ Allah lepa uyan Tuhan, Laki iaʹ ngkang pungu udip. Awaʹ ne mung diaʹ lepoʹ Israil ke tisen lan.”

PEMUYAN 5:31

Ia lete Allah ban ngayang cuk ia tai tahaʹ taʹu ue, moʹ o cuk ia ketai Tuʹa le, ngan Keniga Udip le, iaʹ ke mawang ukoʹ lepoʹ Israil ke nesen, alaʹ nyepuleʹ kimet de, ngan ke sau penyalaʹ de.

1 KURINTUS 15:47

Adem iaʹ ading are, ban nuyan man seluhan tanaʹ. Adem iaʹ kedua are, ban nai cen surga ne.

PILIPI 2:11

Ngan mung mung le ke teto dau ngahaʹ ban Yesus Keristus iaʹ atek Tuʹa. Ketai ie nuyan serema peniga Allah iaʹ Amai Bioʹ.

PILIPI 3:8

Abeʹ e bang ina le: mung inu ne akeʹ pekimet atek lugi laleʹ ban ne buk keʹ pata ha ngan peniga iaʹ pasak bioʹ, iaʹ ina penisen Keristus Yesus iaʹ Tuhan nceʹ. Moʹ suaʹ Yesus lete iaʹ ukoʹ keʹ pet mung inu dina, moʹ keʹ kuma ha pekuaʹ ngan nek, apan penalan nceʹ bang Keristus le.

KULUSE 2:6

Uban ncem lepa alaʹ Keristus Yesus, Tuʹa hem, ina ukoʹ mudip ne pebeka kimet ngan ne.

1 YAYA 4:14

Ngan ilu pe badaʹ me dulu uban le lepa taʹan seʹ Amai Bioʹ cuk Anak ke nai nuyan ia Laki iaʹ Keniga Udip Kelunan kusun tanaʹ ini.

1 YAYA 5:1

Aheʹ kelunan iaʹ ngelan uban Yesus iaʹ atek Keristus iaʹ man pungu keniga udip, kelunan ina ne iaʹ anak Allah. Ngan aheʹ iaʹ malaʹ neng iaʹ amai, ia ke malaʹ neng iaʹ anak ke lete.