LUKAS 2:10 - Kenyah New Testament

¹⁰ Di lareʹ dau melikat ina neng ida: “Ayen ncem bisau, kenai heʹ ngkin denga tiga mikem ini, iaʹ ke ngkin bangen bioʹ me mung kelunan ʹo.

LUKAS 2:10 Iomraidhean Croise

MATIUS 14:27

Ngan nyelarai dau Yesus pisiu ida: “Denaʹ ne tawai hem ading. Akeʹ ini. Ayen ncem takut.”

MATIUS 28:18

Nai Yesus ngenyeng ida, penco dau ue neng ida: “Mung penyukat lepa un ne neng akeʹ, koʹ baʹan kaʹ surga, pekina pe kusun tanaʹ.

MATIUS 28:5

Un dau melikat ina neng leto dina: “Ayen ncem takut, ban ne akeʹ tisen ikem nai mita Yesus iaʹ dulu lepa napek neng kayu tecek idai.

MARKUS 1:15

Un dau Yesus: “Lepa abeʹ ne tau ue, ngan nyeng ne puyan pengaren Allah ke ngaren ilu kelunan. Nesen ne ngan nyepuleʹ kimet cem cen penyalaʹ kem, sulo ngelan Denga Injil ini.”

MARKUS 16:15

Un dau Yesus neng ida: “Tai ne ikem penco badaʹ denga Injil me ketoʹ kelunan pa tipo usun tanaʹ ini.

LUKAS 1:13

Di lareʹ un dau melikat ina neng ia: “Ayen bisau Sakaria, moʹ lepa ne Allah kenahan dau temameʹ koʹ. Un leto hoʹ Ilisabet ne, ke nganak ke ca anak laki mikoʹ ʹo. Tiga hoʹ uyan ngadan ne Yaya ʹo.

LUKAS 1:19

Un dau melikat ina mipa ia: “Akeʹ ini Gibrail. Akeʹ iaʹ nekejeng nyeripa Allah, ngan akeʹ iaʹ Allah cuk nai pisiu ikoʹ, ngan nai badaʹ denga puyan tiga ini.

LUKAS 1:30

Un dau melikat ina neng Mariam: “Ayen ncoʹ bisau diseʹ Mariam, moʹ Allah iaʹ ban malaʹ ikoʹ.

LUKAS 2:11

Alem ini ne, kenai Laki iaʹ Keniga Udip kem. Lepa un ia nai pempet kaʹ dalem lepoʹ Daut. Ia lete Keristus, Tuhan.

LUKAS 24:47

Moʹ kuʹun ngadan ne, atek le ke menco katuk neng puyan nesen ngan nyepuleʹ kimet, pekina pe neng puyan sau penyalaʹ me ketoʹ lepoʹ kusun tanaʹ ne, tading nge cen Yerusalim.

LUKAS 8:1

Abeʹ majan uʹo ina, tai kun Yesus masat singket singket lepoʹ pa tipo dale ina, tai badaʹ Denga Injil neng puyan pengaren Allah. Un petugung ngan ne, puloʹ dua usa diaʹ bayaʹ katuk ke.

PEMUYAN 13:32

Ameʹ dini iaʹ nai ke pedenga Denga Injil mikem. Ina puyan iaʹ Allah ban petuket ngan tepun le cen naʹa are.

RUM 10:15

Kumpin katuk ina ke tai denga buk abeʹ un aheʹ lawa iaʹ ilu cuk ke tai pedenga ha tupe? Koʹ baʹan dau Kitap Tuhan: “Selama laleʹ le dulu neng kenai asat aheʹ diaʹ pedena denga tiga.”

IPESUS 3:8

Naʹ pe akeʹ iaʹ libaʹ neng ʹo pengelibaʹ neng ahang diaʹ anun Allah, gayeng ini ne Allah mencai makeʹ man nceʹ tai palaʹ lepoʹ diaʹ tahaʹ awang Yahudi pedenga pengekayaʹ peniga Keristus.

KULUSE 1:23

Tuman ina, tekep lete ikem penco tudep neng usun tentan iaʹ salet ina. Ngan ayen ncem pedayo dulu ke ngala ikem neng tebelum ngkem iaʹ ikem lepa alaʹ tegoʹ kem kenahan neng tebelum ngkem iaʹ ikem lepa alaʹ tegoʹ kem kenahan dau Denga Injil ina are. Akeʹ ne Paulus iaʹ lepa tai nuyan ulaʹ ban tuman Denga Injil ina, iaʹ ina Denga Injil iaʹ lepa ban pedenga palaʹ kelunan kusun tanaʹ ini.