LUKAS 19:9 - Kenyah New Testament

⁹ Un dau Yesus neng ia: “Tau ini, udip iaʹ keniga udip dalem Tuhan un palaʹ amin ini, moʹ ia ini ca usa iaʹ cen mela Ibrahim iaʹ ban lingu.

LUKAS 19:9 Iomraidhean Croise

LUKAS 13:16

Un sepe ini ca usa anak cen mela Ibrahim, iaʹ Sitan ban lemeka puloʹ aya uman ban majan ne. Salaʹ baʹan ncem tupe buk ke ban pesau cen beka ha tegoʹ Tau Kelineʹ?”

LUKAS 13:30

Ngetisen ncem dau ini, un diaʹ ban bayaʹ naʹkini, ida diaʹ ke ading ʹo. Un diaʹ ban ading naʹkini, ida diaʹ ke bayaʹ dalau ina ʹo.”

LUKAS 16:24

Kun ne ngelengap: ‘Amai heʹ Ibrahim, lesau ne akeʹ ading, ngan cuk ne Lasarus apan ne mejep bulan ujoʹ o kedalem sungai, nidoʹ o dalem paʹ keʹ, idi ie sengim tekaʹ jelaʹ keʹ, moʹ tuyen laleʹ tekaʹ keʹ dalem aʹang luten ini.’

LUKAS 16:30

Un dau laki kayaʹ ina pelaʹa: ‘Abeʹ nyatan ne ke pekina amai heʹ Ibrahim. Tugen ca usa iaʹ numpak mudip cen patai ie ketai palaʹ ida, ina le ida ke nesen, ngan nyepuleʹ kimet de ʹo.’

LUKAS 2:30

Moʹ mata heʹ tengen lepa taʹan Laki iaʹ Keniga Udip Kelunan, ban cen ikoʹ.

LUKAS 3:8

Ikem peluhaʹ ne diseʹ puyan ncem iaʹ tiga, iaʹ badaʹ ban lan diseʹ kem nesen ngan nyepuleʹ kimet cem cen penyalaʹ kem. Ayen ncem kuma ha neng ikem selepeʹ: “Ilu dini mela Ibrahim le.” Dau heʹ mikem, senteng pe Allah ke uyan mela Ibrahim cen batu dini pe.

RUM 4:16

Ina ukoʹ dau tuket Allah pebesun neng pengelan, apan iaʹ ia petuket ke naʹ me mela Ibrahim, abeʹ un inu iaʹ ke mempeng ia ke mencai ie ngan lebang nge. Abeʹ e diaʹ ngkang Katuk Adet tuaʹ le diaʹ ke mela Ibrahim, di lareʹ mung dulu diaʹ ngelan koʹ baʹan Ibrahim are. Ina ukoʹ Ibrahim ketai nuyan amai le mung.

GALATIA 3:14

Keristus uyan diaʹ pekina, apan mung peniga iaʹ Allah lepa petuket ke naʹ me Ibrahim ina senteng ke tai palaʹ kelunan diaʹ tahaʹ awang lepoʹ Yahudi, ban kuʹun Keristus Yesus. Iaʹ ina apan man pengelan le, ilu senteng ke alaʹ Berua iaʹ Allah lepa petuket ke naʹ milu ina.

GALATIA 3:29

Ban ne buk Keristus iaʹ un ikem, ikem lete diaʹ mela Ibrahim, ngan ikem ke alaʹ inu iaʹ Allah lepa petuket.

GALATIA 3:7

Pekina lete ikem tekep tai tisen, moʹ mung kelunan diaʹ un pengelan, ida lete kelunan diaʹ mela Ibrahim.

1 PETERUS 2:10

Iaʹ cen naʹaʹ abeʹ kem diaʹ anun Allah, un sepuʹo naʹkini ikem nuyan mpun diaʹ anun ne. Cen naʹaʹ abeʹ lepe pengelesau Allah un neng ikem, un sepuʹo naʹkini un ne ban pengelesau ue neng ikem.