LUKAS 19:12 - Kenyah New Testament

¹² Pekini dau Yesus: “Un ca laki paren iaʹ ketai neng ca lepoʹ iaʹ coʹ, apan ne nuyan paren bioʹ kina. Uʹo ina, nai kun ne uleʹ pelaʹa ʹo.

LUKAS 19:12 Iomraidhean Croise

MATIUS 21:38

Un sepuʹo tegoʹ de taʹan anak ina, un dau re pisiu neng ida selepeʹ: ‘Ini ne anak laki bioʹ idai. Baka, tiga tepat lematai ia apan le ke un galen ne ʹo.’

MATIUS 28:18

Nai Yesus ngenyeng ida, penco dau ue neng ida: “Mung penyukat lepa un ne neng akeʹ, koʹ baʹan kaʹ surga, pekina pe kusun tanaʹ.

MARKUS 12:1

Kun Yesus alaʹ ca kata katuk iaʹ marung neng ida dina. Un dau ue: “Un ca laki iaʹ kadoʹ pula buaʹ anggur. Kun ne uyan liwang teliling pula ina, ngan ngelubang batu kukoʹ o mema buaʹ anggur ina ngan alaʹ teleng nge. Ngan laʹa kun ne uyan ca lepau iaʹ mpau kukoʹ o mengau ketoʹ pula ha ina. Lepa ina, kun ne naʹ pula ina me kudaʹ usa diaʹ ke petubo ho kena, moʹ o ketai peselai.

MARKUS 16:19

Lepa Yesus petiraʹ ngan nte, sulo tai ie pejung kaʹ surga, ngan madung tahaʹ taʹu Tuhan Allah.

LUKAS 20:9

Dalau ina te Yesus badaʹ me dulu diaʹ kadoʹ dina ca kata katuk iaʹ pekini dau: “Un ca laki iaʹ uyan ca banit buaʹ anggur. Uʹo ina kun ne cuk kudaʹ usa petubo banit ina kena. Tai kun laki bioʹ ina mecin lepoʹ o, majan dau ketai ie.

LUKAS 24:51

Dalau ue naʹ peniga mida, ina tai ie pejung mentung tai kaʹ surga.

YAYA 18:37

Ina ukoʹ Pilatus lemutu ia: “Buk pekina, paren bioʹ koʹ ne mo?” Dau Yesus mipa ia: “Ikoʹ kuma akeʹ ca paren bioʹ. Lan pe akeʹ pempet ngan nai kusun tanaʹ ini tuman ca le puyan, iaʹ ina badaʹ tugen neng katuk iaʹ telit. Aheʹ diaʹ ubaʹ alaʹ katuk iaʹ telit, ida iaʹ ngeringa dau heʹ.”

PEMUYAN 17:31

Moʹ lepa ne Allah petuket ca tau kukoʹ o ke pebetep ukum bayaʹ ban peneneng nge neng mung kelunan kusun tanaʹ ini. Allah ke kanan ca kelunan iaʹ lepa ia lemileʹ. Allah peluhaʹ milu mung ban lan ne lepa lemileʹ ia, moʹ o pudip ia cen ban patai ie are.”

1 KURINTUS 15:25

Moʹ abeʹ senteng are Keristus ke ngkang pengaren, pa Allah ke nyuluk mung bunoʹ o kentaʹ taket te.

IBERANI 9:28

Ngan pekina lete Keristus lepa nuyan pencai liwa ca liwai, apan ne ke mesau penyalaʹ kadoʹ kelunan. Atek kenai ie luhaʹ kedua liwai ʹo, abeʹ e ke ti inu ngan penyalaʹ, un sepuʹo ia ke pudip mung kelunan diaʹ pengaʹ kenai ie.

1 PETERUS 3:22

iaʹ lepa tai kaʹ surga tahaʹ taʹu Allah. Cen ina ha ngkang perinta neng mung melikat, mung diaʹ paren, ngan mung penyukat surga.

PUYAN LUHA’ 1:7

Naʹat ne, kenai ie tugung abun. Mung kelunan diaʹ ke taʹan ia uʹo, peging ngan diaʹ ban mesuk ia are. Mung kelunan kusun tanaʹ ke nange ngan bisau kuʹun kenai ie uʹo. Atek pekina lan ʹo. Amin.