LUKAS 18:7 - Kenyah New Testament

⁷ Moʹ abeʹ Allah iaʹ ke peteneng puyan kelunan diaʹ anun ne, diaʹ lemuto lemameʹ neng ia utung tau utung alem ne? Kumpin baʹan ncem, malun kaʹ a kenai mepo ida?

LUKAS 18:7 Iomraidhean Croise

MATIUS 24:22

Un sepuʹo Tuhan Allah iaʹ ngimet ke ngebuʹet tebuku dalau ina. Buk abeʹ un pekina, atek ca usa kelunan pe abeʹ nyatan ke mudip uʹo. Moʹ tuman kelunan diaʹ anun ne, Tuhan Allah ke ngebuʹet tebuku dalau ina.

MATIUS 24:24

Moʹ kudaʹ kudaʹ Keristus palo, ngan pegawa palo diaʹ kenai luhaʹ ʹo. Ida ke uyan tedanaʹ bulen bioʹ ngan puyan iaʹ ke pesalam dulu tuman ke pelingu kelunan diaʹ Tuhan Allah lepa lemileʹ dini. Seʹ de ten pekina mele re sukat pelingu ida ʹo.

MATIUS 7:11

Naʹ pe kumpin jaʹat cem, ina hem tisen ke naʹ inu iaʹ tiga me anak kem lete. Nco ne pelaʹa Amai hem iaʹ kaʹ surga ke naʹ inu iaʹ tiga me ikem buk kem nyat neng ia.

LUKAS 11:13

Naʹ pia kenuen jaʹat cem, ina hem mencam naʹ inu iaʹ tiga me anak kem lete. Menco te ne laʹa Amai Bioʹ iaʹ kaʹ surga ke naʹ Berua Buheʹ me diaʹ lemuto ke nyat neng ia.”

LUKAS 2:37

Uʹo ina leto balu ne ia, pa aya puloʹ pat uman. Nyahut balu Ana ina un mecin Umaʹ Palan Allah ne. Ngahu ngan naʹ tau pe ia nyelama palaʹ Allah mentung lemalan abeʹ un uman ngan lemameʹ.

LUKAS 21:28

Buk tading ke nai puyan ini ke luhaʹ ʹo, nekejeng ne ikem, nekadaʹ ngan mengaʹ, moʹ siʹeng ne tuket cem ke takau cen mung iaʹ jaʹat.”

RUM 8:33

Aheʹ iaʹ ke mekem salaʹ neng ida diaʹ Allah ban lemileʹ dina tupe? Buk Allah iaʹ peteneng ida,

KULUSE 3:12

Ikem ne diaʹ anun Allah. Allah iaʹ malaʹ ikem, ngan lemileʹ ikem tai nuyan diaʹ anun ne tengen. Tuman ina, tekep lete ikem ke un kimet malaʹ, puyan lesau, libaʹ tawai, lemaʹ saheʹ, ngan denaʹ tawai.

1 TESALUNIKA 3:10

Naʹ tau ngan ngahu pe ameʹ nyat palaʹ ia, man tekaʹ luʹung kimet meʹ, apan ne ke pawang ameʹ tengen kenai naʹat ikem, sulo ngepit inu iaʹ tepa neng pengelan ncem.

2 TESALUNIKA 1:6

Inu iaʹ teneng, idi lete iaʹ Allah ke uyan. Ngan ia ke naʹ penuyen neng usun kelunan diaʹ ban petuyen ikem.

1 TIMUTIUS 5:5

Un pe leto balu, iaʹ balu lan iaʹ luʹung mudip, iaʹ pesente tebelum me neng Allah, ngan tudep pe lemameʹ nyat lesau naʹ tau ngan ngahu.

2 TIMUTIUS 1:3

Akeʹ nyuaʹ tiga saheʹ palaʹ Allah. Palaʹ ia heʹ un temek ngan tudep ngan dema tekaʹ kimet dalem penawai heʹ, koʹ baʹan puyan tepun nceʹ cen naʹaʹ. Nyahut ceʹ tai beto petawai ikoʹ dalem temameʹ keʹ tegoʹ ngahu ngan naʹ tau.

2 TIMUTIUS 2:10

Ina ukoʹ keʹ ngihen tekaʹ neng mung naʹan taru, moʹ tuman kelunan diaʹ Allah lemileʹ, apan nte ke un udip dalem Keristus Yesus pemung ngan serema peniga ha iaʹ pa pa majan.

TITUS 1:1

Cen Paulus, ulaʹ Allah ngan lawa Yesus Keristus. Allah lepa lemileʹ akeʹ, cuk akeʹ tai mepo pengelan diaʹ anun Allah, diaʹ ia lepa lemileʹ, mentung ngkeʹ ke ngkin ida ke tisen katuk iaʹ telit, kuaʹ baʹan layen adet buheʹ le are.

1 PETERUS 1:1

Cen Peterus, lawa Yesus Keristus: Palaʹ mung diaʹ Allah ban lemileʹ, diaʹ mudip tutang, diaʹ muʹo tai purat petat kaʹ tanaʹ Puntus, ngan kaʹ Galatia, ngan kaʹ Kapadukia, ngan kaʹ Asia, ngan kaʹ Bitinia.

2 PETERUS 3:9

Abeʹ Tuhan un malun neng inu iaʹ lepa ia petuket, koʹ baʹan dau palai are kuma ia malun. Un sepuʹo dadoʹ tawai ie neng ikem, moʹ abeʹ e ubaʹ pabeʹ ca usa pe ke tai tasaʹ, di lareʹ un pengubaʹ a kelunan mung ke nesen ngan nyepuleʹ kimet cen penyalaʹ de.

PUYAN LUHA’ 18:20

Ikem lepoʹ surga tai bangen ne tawai hem uban lepoʹ ina salai. Tai bangen ne tawai hem, e ikem diaʹ anun Allah, ikem diaʹ lawa Injil ngan diaʹ pegawa Tuhan, moʹ Allah lepa pebetep ukum me lepoʹ ina suaʹ ban puyan ne neng ikem.

PUYAN LUHA’ 6:10

Bioʹ dau re ngelengap. Un dau re: “O Tuhan iaʹ atek bioʹ penyukat, iaʹ buheʹ ngan iaʹ telit, kudaʹ majan laʹa kena hoʹ ke metep ukum ngan ke nyuaʹ dahaʹ meʹ neng kelunan kusun tanaʹ ne ʹo tupe?”

PUYAN LUHA’ 7:15

Ina ukoʹ de nekejeng nyeripa padung pengaren Allah ina, ngan sebayang mia, naʹ tau ngan ngahu, dalem umaʹ palan ne. Ngan ia iaʹ madung neng usun padung pengaren ina, ia tengen iaʹ ke ngelidung ida.