LUKAS 18:12 - Kenyah New Testament

¹² Ake lemalan abeʹ un uman dua tau dalem ca mingku. Akeʹ naʹ ca tulat puloʹ penalan nceʹ mikoʹ.’

LUKAS 18:12 Iomraidhean Croise

MATIUS 5:20

Ini dau heʹ mikem, ikem senteng kahum neng puyan pengaren Allah ke ngaren kelunan buk kem tangen bayaʹ dau pengubaʹ Allah, pelapa cen ʹo penangen diaʹ guru Katuk Adet ngan diaʹ Perisi bayaʹ dau pengubaʹ a.”

MATIUS 6:1

“Ngimet tiga le, ayen ncem uyan puyan adet cem neng juma kelunan kadoʹ apan dulu naʹat seʹ puyan ncem. Buk kem uyan puyan ina neng juma kelunan kadoʹ, ke durat bang ngkem cen Amai hem iaʹ kaʹ surga ʹo.

MATIUS 6:16

“Dalau hem lemalan abeʹ un uman, ayen ncem uyan silung iaʹ pekebampa seʹ, koʹ baʹan puyan kelunan diaʹ ngaloʹ are. Tai re masat ngan laʹu seʹ silung nte, apan dulu tisen ida lemalan abeʹ un uman. Nawai tiga le, lepa ne ida alaʹ mung bang nte.

MATIUS 6:5

“Dalau hem lemameʹ, ayen ncem koʹ baʹan puyan kelunan ngaloʹ are. Moʹ de ubaʹ ke lemameʹ mentung nte nekejeng kaʹ dalem amin sebayang, pekina pe kaʹ sangat janan, apan dulu naʹat seʹ puyan nte. Nawai tiga le, lepa ne ida alaʹ mung bang nte.

MATIUS 9:14

Lepa ina diaʹ bayaʹ katuk Yaya Guru Batis nai palaʹ Yesus ngan lemutu ia: “Uban inu meʹ ngan kelunan Perisi lemuto lemalan abeʹ un uman, kumpin sepe diaʹ bayaʹ katuk koʹ, nyahut de lemalan abeʹ un uman ne?”

LUKAS 11:42

“Siʹau ne ikem Perisi. Ikem naʹ ca tulat puloʹ penalan ncem me Allah, koʹ baʹan bekai, kuaʹ lia, ngan lesayat, pekina pe kujau diaʹ ca. Abeʹ sepe ikem nyingo puyan teneng me dulu, ngan puyan ncem ke malaʹ Allah. Idi iaʹ tekep ikem ke uyan: mencai lete ca tulat puloʹ penalan ncem, ngan ayen nekeloʹ lingo neng diaʹ ca didai.

LUKAS 17:10

Pekina te ikem, buk kem uyan toʹ naʹan inu iaʹ akeʹ ke cuk, tekep lete ikem ke pekini dau: ‘Ameʹ dini bang ulaʹ tuaʹ le. Seʹ meʹ ti inu iaʹ tekep ameʹ ke uyan.’ ”

RUM 3:27

Buk pekina, kempi ne jum idai ʹo tupe? Nyahut te un ne laʹa. Moʹ kuʹun inu ue abeʹ un tupe? Moʹ kuʹun ban le bayaʹ dau Katuk Adet taʹin mo? Naʹun, di lareʹ kuʹun ban moʹ le ngelan neng pemuyan Keristus.

1 KURINTUS 1:29

apan ca kelunan abeʹ un senteng ketai jum neng juma Allah.

GALATIA 1:14

Akeʹ ne iaʹ atek muhat neng ʹo kelunan Yahudi diaʹ pekuaʹ udip ngan nceʹ, neng puyan pengelan nceʹ palaʹ adet Yahudi. Akeʹ ne iaʹ atek sanget neng toʹ adet tepun le cen naʹaʹ neng ʹo kelunan dina.

IPESUS 2:9

Abeʹ un kelunan iaʹ senteng ke jum neng ini, moʹ abeʹ e tai nuyan kuʹun gayeng kelunan.

1 TIMUTIUS 4:8

Moʹ un puyan iaʹ pekalai ngala usa, kediʹut le bang nge. Un sepuʹo pekalai neng udip temek bayaʹ Allah, bioʹ bang nge neng singket naʹan inu ne. Moʹ neng idi un tuket udip iaʹ naʹkini ngan iaʹ kenai bayaʹ ʹo.