LUKAS 17:6 - Kenyah New Testament

⁶ Kun dau Yesus: “Buk kem un puʹun pengelan koʹ bioʹ ca luang ampeʹ are, sukat cem kuma ha neng ca inan abung ini: ‘Pubit ne ikoʹ, tai mudip kaʹ banget.’ Atek ia ke bayaʹ te dau hem cuk.”

LUKAS 17:6 Iomraidhean Croise

MATIUS 14:29

Un dau Yesus mipa: “Nai ne, bau ke.” Sulo Peterus mecin cen alut ina, ngan tai masat kempau sungai palaʹ Yesus.

MATIUS 17:20

Un dau Yesus mipa ida: “Moʹ pengelan ncem tepa. Nawai tiga le. Buk pengelan ncem un koʹ bioʹ ca luang ampeʹ are, senteng ngkem kuma ha neng mudung ini: ‘Paso ne cen ini, tai kina.’ Atek ketai lete mudung ina paso. Mele inu inu pe, senteng ngkem ke uyan ne. [

MATIUS 21:21

Un dau Yesus mipa ida: “Nawai tiga le ini. Buk kem ngelan ngan abeʹ un kawaʹ tekaʹ, senteng kem uyan koʹ baʹan iaʹ ban akeʹ lepa ti neng inan buaʹ abung ina. Abeʹ e bang ini tuaʹ le. Buk kem kuma ha neng mudung ini: ‘Beteʹ ne, ngan pelaboʹ ikoʹ kaʹ banget,’ atek ke nuyan lete puyan ina.

MARKUS 4:31

Koʹ baʹan ca luang ampeʹ, iaʹ atek iʹut neng ʹo ketoʹ naʹan beneʹ kusun tanaʹ ini.

MARKUS 9:23

Un dau Yesus: “Ahaʹ, un dau hoʹ neng akeʹ re: ‘Buk koʹ senteng.’ Moʹ abeʹ ketoʹ inu inu ne iaʹ atek senteng neng kelunan diaʹ un pengelan.”

LUKAS 13:19

Ilu ke pekata ha koʹ baʹan ca luang ampeʹ iaʹ ban ca usa ngkin kaʹ pula ha, ngan mula ha kidi. Nai luang ina mudip ngan dadoʹ, koʹ baʹan ca inan kayu. Senteng pe diseʹ sui ke nyala neng daʹan ne.”

LUKAS 17:7

“Buk aheʹ neng ahang ikem iaʹ un ca usa ulaʹ iaʹ macun tanaʹ, buk ke are mengau pakan ncem pe, masaʹ buk ulaʹ ina nai uleʹ cen uma, pamoʹ pe ikem kuma ha neng ia: ‘Baka, madung ne, uman ading.’

LUKAS 19:4

Penco tai ie ngasa mabat tahaʹ tena, ngan laket ca inan abung, apan ne taʹan Yesus, moʹ cen ina ketai Yesus lapa ʹo.

LUKAS 7:13

Tegoʹ Tuhan taʹan leto ina, tai lesau laleʹ ne tekaʹ a neng ia. Un dau ue neng ia: “Ayen ncoʹ nange.”

LUKAS 7:19

penco ho cuk ida tai lemutu neng Tuhan: “Pekini dau hem: Kumpin ikoʹ ini lete iaʹ Yaya nekena badaʹ ke nai idai, buk are ameʹ mengaʹ kenai ca laʹa tupe?”

1 KURINTUS 13:2

Kenuen pe akeʹ un pencai man nceʹ senteng pisiu seluhan isiu Allah, kenuen pe akeʹ un mung penisen, ngan iaʹ lesan neng iaʹ linget pe, kenuen pe pengelan nceʹ sukung pa heʹ senteng paso mudung pe, un sepuʹo buk keʹ abeʹ un malaʹ, abeʹ keʹ ke nuyan ca inu inu pe.