LUKAS 17:16 - Kenyah New Testament

¹⁶ Sulo nai ie muʹup kata taket Yesus, mentung nge nyuaʹ tekaʹ saheʹ kimet te neng ia. Laki ina ca lepoʹ Samaria ha.

LUKAS 17:16 Iomraidhean Croise

MATIUS 10:5

Un kelunan puloʹ dua usa dina are, Tuhan Yesus cuk ida ngan peteneng dau mida koʹ baʹan dau ini are: “Ayen ncem tai kaʹ dale dulu diaʹ ca, ngan pekina pe kaʹ lepoʹ Samaria.

MATIUS 2:11

Tai re kedalem amin ina, penco re taʹan anak ina, ngan ueʹ e Mariam. Sulo re sutlep nyelama anak ina. Sulo re mesik buhan inu re, penco re naʹ mia pengencai mas, kemenyan, ngan lisan tumu.

MARKUS 5:33

Un leto ina are, tisen ne ia neng puyan iaʹ nuyan neng ia, takut ngan ngerengen ne kaʹ a. Mentung nai ie muʹup dudo taket Yesus, penco ho badaʹ mia mung puyan iaʹ lan lan ban nuyan neng ia.

LUKAS 17:17

Un dau Yesus: “Un puloʹ usa iaʹ lepa maget are. Kempi tai iaʹ piʹen usa laʹa?

LUKAS 5:8

Dalau Simun Peterus taʹan puyan ina, penco ho muʹup sutlep nyeripa Yesus, kun dau ue: “Ahaʹ Tuhan, ngerada ne ikoʹ cen akeʹ, moʹ akeʹ ini sangan kuʹun penyalaʹ.”

YAYA 4:9

Un dau leto Samaria ina mipa ia: “Ikoʹ ca kelunan lepoʹ Yahudi, ngan akeʹ ca leto lepoʹ Samaria. Moʹ inu senteng ngkoʹ nyat tisep neng akeʹ?” (Abeʹ lepoʹ Yahudi ubaʹ pekelet inu re ngan lepoʹ Samaria.)

YAYA 5:23

apan mung kelunan ke selama neng Anak ina, kuaʹ baʹan seʹ puyan nte selama neng Amai ina. Aheʹ klunan diaʹ abeʹ un selama neng Anak ina, abeʹ de selama neng Amai iaʹ cuk ia nai ne.

YAYA 8:48

Un dau kelunan Yahudi mipa Yesus: “Lan te dau meʹ ading de kuma ikoʹ lepoʹ Samaria iaʹ un bali.”

PEMUYAN 1:8

Un sepuʹo ke sangan ncem kuʹun penyukat te tegoʹ Berua Buheʹ kenai mesun neng ikem, ngan ikem iaʹ ke tai nuyan kelunan diaʹ ke badaʹ tugen neng akeʹ kaʹ Yerusalim, pekina pe pa tipo tanaʹ Yudia, ngan kaʹ tanaʹ Samaria, pabeʹ libut usun tanaʹ ne.”

1 KURINTUS 14:25

Puyan kimet te iaʹ linget cen kena kenai luhaʹ ne, sulo ho ketai muʹup ke nyelama palaʹ Tuhan Allah, mentung nge ke teto ngahaʹ: “Lan lete Allah iaʹ mudip ngan ncem kini.”

PUYAN LUHA’ 19:10

Kun nceʹ muʹup kata taket melikat ina ke lemameʹ palaʹ ia. Un dau ue neng akeʹ: “Ayen ti pekina, akeʹ ne ca ulaʹ Allah pekuaʹ ngan ncoʹ lete, pekuaʹ ngan cenganak koʹ iaʹ mampin katuk telit, iaʹ nai luhaʹ kuʹun Yesus. Bang Allah le ilu lemameʹ.” Kuʹun katuk telit iaʹ Yesus peluhaʹ milu, ina iaʹ petangen pegawa Tuhan ke penco katuk milu.

PUYAN LUHA’ 4:10

Tegoʹ de ti pekina, kun diaʹ dua puloʹ pat usa diaʹ lataʹ dina muʹup nyeripa ia iaʹ madung neng usun padung pengaren ina, moʹ de sebayang palaʹ ia iaʹ mudip lemuto-uto ina. Mentung nte mahung tapung paren nte dudo padung pengaren ina. Kun dau re:

PUYAN LUHA’ 5:14

Kun diaʹ pat usa diaʹ mudip dina mipa: “Amin.” Ngan mung nte dia lataʹ dina penco re pengkup ngan nyelama ia.