LUKAS 17:1 - Kenyah New Testament

¹ Kun Yesus pisiu diaʹ bayaʹ katuk ke, kun ne: “Sematu un lete inu iaʹ ke pelaboʹ dulu kedalem penyalaʹ. Un sepuʹo, buk ca usa, mele aheʹ pe, iaʹ uyan kukoʹ dulu laboʹ dalem penyalaʹ, siʹau pe ia.

LUKAS 17:1 Iomraidhean Croise

MATIUS 16:23

Sulo Yesus pupa ngan un dau ue neng Peterus: “Tai ne ikoʹ kelap akeʹ, e Sitan. Ikoʹ ini iaʹ uyan ca pempeng neng asat ceʹ. Moʹ kimet coʹ ini bang kimet kelunan le, abeʹ e anun Tuhan Allah.”

MATIUS 18:7

Siʹau pe dulu diaʹ kusun tanaʹ ini, moʹ kadoʹ puyan nte iaʹ ke pelaboʹ kelunan neng puyan iaʹ salaʹ. Sematu pemuyan iaʹ pekini lemuto un lete. Un sepuʹo siʹau ne kelunan diaʹ uyan ukoʹ kelunan ke laboʹ neng penyalaʹ.

LUKAS 16:31

“Un dau Ibrahim: ‘Buk de are dayo kanan dau Musa ngan diaʹ pegawa dina, abeʹ pe ida ke ngelan, naʹ pe ca usa ke numpak mudip cen patai ie.’ ”

RUM 14:13

Moʹ ban pekina, ayen pebetep dau neng ilu selepeʹ laʹa. Di lareʹ tekep kem pebetep tekaʹ kimet cem pekini: abeʹ meʹ ke uyan ca inu iaʹ ukoʹ cenganak meʹ ketai petatek ngan ketai laboʹ neng penyalaʹ.

RUM 16:17

Ahaʹ cenganak keʹ, kelapen dau heʹ cuk ikem pejagaʹ neng aheʹ iaʹ ubaʹ ke lemasi Mpun ngan ngaham pengelan le, moʹ katuk de petekeng ngan katuk iaʹ ading ikem alaʹ. Ayen tai ngejahi ida.

1 KURINTUS 10:32

Mudip temek, apan ncem are nyapet kelunan Yahudi, pekina pe dulu diaʹ ca, ngan pekina pe Mpun iaʹ anun Allah ina.

1 KURINTUS 11:19

(Puyan paseʹ abeʹ senteng are nai luhaʹ neng ahang ikem apan kelunan diaʹ telit ke luhaʹ lan.)

1 KURINTUS 8:13

Uban pekina, buk penguman pencai ina ke ngkin cenganak keʹ laboʹ kaʹ dalem penyalaʹ, nyahut ceʹ ke uman penguman ina laʹa, apan nceʹ abeʹ un ketai ngkin cenganak keʹ laboʹ kaʹ dalem penyalaʹ.

1 TIMUTIUS 4:1

Berua Tuhan iaʹ peluhaʹ milu: un tegoʹ ketai kuʹo udip uʹo, ke un palai diaʹ ke lepo pengelan nte, moʹ de tai tunuk bali diaʹ pelingu kelunan, ngan bayaʹ dau katuk bali dina.

PUYAN LUHA’ 2:14

Ia iaʹ, un pe dau tiraʹ keʹ ke pesalaʹ ikem kediʹut, uban un palai mikem kina diaʹ bayaʹ dau katuk Bilam. Moʹ Bilam iaʹ lepa pekatuk Balak kumpin ne ke pelaboʹ lepoʹ Israil neng penyalaʹ cen naʹaʹ, man puyan uman penguman iaʹ dulu mencai me bali uyat, ngan puyan pemung nyelem.

PUYAN LUHA’ 2:20

Un sepuʹo ini tiraʹ keʹ iaʹ ke pesalaʹ ikem, moʹ kem pedayo leto iaʹ ngadan Isibil, iaʹ kuma ia tengen ca pegawa Tuhan Allah. Ia pekatuk ngan pelingu diaʹ pegayeng makeʹ ke tai bayaʹ puyan pemung nyelem, ngan uman penguman iaʹ dulu mencai me bali uyat.