LUKAS 16:9 - Kenyah New Testament

⁹ Kun Yesus metuk tiraʹ ina laʹa: “Moʹ cen diaʹ pekina, dau heʹ mikem, kanan ne ligit ngan inu hem man ncem ke pepanak ngan dulu, apan ne buk inu hem tai muʹo cen ikem ʹo, Tuhan Allah ke nyelama alaʹ ikem kedalem surga ʹo.

LUKAS 16:9 Iomraidhean Croise

MATIUS 19:21

Un dau Yesus neng ia: “Buk koʹ ubaʹ pengudip koʹ ke dengkep, tai ne ikoʹ matu ketoʹ inu iaʹ un neng ikoʹ, ngan ligit te ikoʹ naʹ me kelunan kasip. Ina le ikoʹ ke un galen kaʹ surga. Uʹo ina nai hoʹ bayaʹ akeʹ.”

MATIUS 6:19

“Ayen ncem pedemun galen me usa hem tengen kusun tanaʹ ini, ban ne kina buken ngan ting ke ngejaʹat te, ngan bekelau ke ngedare ngan ngelau ue.

MATIUS 6:24

“Nyahut ca kelunan senteng ke ngulaʹ usa ha palaʹ dua re tuʹa ha serengan le. Atek ke ke miʹi neng ca, ngan malaʹ neng ca. Buk are, ia ke kanan dau ca ngan muau neng ca. Pekina lete nyahut cem senteng tunuk kimet cem palaʹ Allah peserengan ngan kimet cem ke tunuk palaʹ ligit.

LUKAS 11:41

Di lareʹ mencai ne inu iaʹ un dalem sawan ngan kiut cem me diaʹ taru mudip, ina le ketoʹ o buheʹ neng ikem.

LUKAS 12:33

Matu ne inu hem, ngan naʹ ne tuaʹ le me diaʹ taru mudip. Sereket cem petenup bahan ligit iaʹ abeʹ un ke teneboʹ kaʹ surga. Kidi hem atek pedemun kayaʹ kem iaʹ are tisen ketai pekaliu, moʹ abeʹ kelau un kina, ngan abeʹ un buken iaʹ ke ngejaʹat te.

LUKAS 14:14

Ina le ikoʹ bangen tekaʹ tawai hoʹ, moʹ ida dina, abeʹ de sukat ke naʹ uleʹ liwet inu palaʹ ikoʹ. Moʹ Allah ke nyuaʹ a mikoʹ tegoʹ tau kelunan diaʹ teneng ke numpak beteʹ cen patai re.”

LUKAS 16:11

Moʹ ina, buk kem are tudep diseʹ ke kanan kayaʹ kem kusun tanaʹ ini, aheʹ iaʹ ke ngelan ikem ke kanan pengekayaʹ iaʹ atek lan ina uʹo?

LUKAS 16:13

“Abeʹ ca usa ulaʹ senteng ke payo neng dua re tuʹa amin. Atek ke ke miʹi neng ca, ngan ke malaʹ a neng iaʹ ca mida dua. Buk ke ke kanan dau ca, atek ke ke muau dau ca. Abeʹ nyatan ncem ke ngulaʹ usa hem palaʹ Tuhan Allah peserengan ke ngulaʹ usa hem palaʹ ligit.”

LUKAS 16:4

Ahaʹ pekini ne akeʹ ia ʹo, tisen te akeʹ pe inu iaʹ akeʹ ke uyan, apan kadoʹ dulu ke pepanak ngan nceʹ ʹo, ngan alaʹ akeʹ kedalem amin nte buk keʹ ke pesau neng gayeng amin ini ʹo.’

PEMUYAN 10:31

Un dau ue neng akeʹ: ‘Kurnilius, lepa ne Tuhan Allah kenahan dau temameʹ koʹ, ngan ia petawai ban pengencai hoʹ me diaʹ taru mudip.

PEMUYAN 10:4

Kun ne nekeneng naʹat melikat ina, mentung takut tekaʹ a. Un dau Kurnilius: “Inu ne tupe?” Un dau melikat ina neng ia: “Mung temameʹ koʹ, lepa ne Allah kenahan dau ue. Ngan pekina pe pengencai hoʹ neng diaʹ taru mudip, Allah iaʹ petawai ikoʹ kidi ʹo.

2 KURINTUS 4:17

Ngan penaru iʹut ini, iaʹ petuyen ameʹ nuat le, ke ngkin mameʹ ca serema peniga iaʹ bioʹ ngan iaʹ ke ngeriman ʹo. Nco bioʹ ne peniga ina ʹo neng ʹo penaru are.

YAHUDA 1:21

ngan mudip temek dalem pengemalaʹ Allah ngajan ncem mengaʹ kenai Tuhan le Yesus Keristus, iaʹ ke ngkin udip iaʹ saheʹ kelineʹ iaʹ ngeriman milu kuʹun ban pengelesau ue.