LUKAS 16:2 - Kenyah New Testament

² Kun laki bioʹ ina mengin iaʹ mantun ina are, kun dau ue neng ia: ‘Adeʹ ban pekini denga hoʹ iaʹ akeʹ kenahan? Peluhaʹ ne makeʹ surat ligit iaʹ badaʹ ban puyan gayeng ngkoʹ, moʹ abeʹ ne ikoʹ sukat ngkang amin nceʹ laʹa.’

LUKAS 16:2 Iomraidhean Croise

MATIUS 12:36

“Akeʹ badaʹ mikem, neng Tau Bioʹ iaʹ ke pebetep ukum kusun tanaʹ ini, singket usa le kelunan ke pebaʹ neng singket luʹung isiu le iaʹ pebareng-areng, iaʹ ilu ban lepa pisiu.

MATIUS 20:8

“Tai tahup tau ina, un dau laki bioʹ ina neng mantun ne: ‘Tiga ne ikoʹ mengkin kuli dina ngan naʹ bang nte singket usa re, nading cen kuli diaʹ bayaʹ nai didai, pabeʹ ketai ie neng kuli diaʹ ading nai didai are.’

LUKAS 12:20

Un dau Tuhan Allah neng ia: ‘E laki untau, alem ina lete berua hoʹ ke petat cen usa hoʹ. Aheʹ ke alaʹ mung inu iaʹ ikoʹ lepa pempun me usa hoʹ tengen didai ʹo?’ ”

LUKAS 12:42

Un dau Tuhan mipa: “Aheʹ iaʹ koʹ baʹan ulaʹ iaʹ tudep ngan tudi pekimet tupe? Buk laki bioʹ diaʹ amin ne cuk ia ngkang amin ina, ngan petubo inu ue kidi, ngan lemakan ulaʹ diaʹ ca teneng teneng singket tau.

LUKAS 16:1

Un dau Yesus pelaʹa neng diaʹ bayaʹ katuk ke: “Un ca laki kayaʹ iaʹ un ca usa mantun, iaʹ ngkang amin ne. Kun dulu badaʹ me laki bioʹ ina moʹ iaʹ mantun ina ngebura ligit laki bioʹ ina.

LUKAS 16:3

Kun iaʹ mantun ina pekimet neng ata ha tengen: ‘Buk laki bioʹ ini ke sau akeʹ neng gayeng ngkang amin ini, inu ke gayeng ngkeʹ uʹo ina nuʹo? Abeʹ keʹ pali ke macun. Saʹe pe akeʹ ke tai nyat tuaʹ le neng dulu.

RUM 14:12

Moʹ ban pekina, singket usa le abeʹ le senteng are ke mipa neng puyan le tengen kata Allah uʹo.

1 KURINTUS 1:11

Ahaʹ cenganak cenganak keʹ, un kelunan cen amin Laki Kelui diaʹ lepa badaʹ makeʹ neng puyan ncem punan tiraʹ.

1 KURINTUS 4:2

Ca puyan iaʹ bioʹ iaʹ tekep me kelunan iaʹ petubo gayeng, iaʹ ina semamet bayaʹ dau tuʹa ha.

1 KURINTUS 4:5

Tuman ina, abeʹ kem tekep ke pebetep dau neng kelunan aheʹ aheʹ pe nekena neng tau ue iaʹ tekep. Puyan iaʹ ke pebetep dau neng kebayaʹ a ʹo, abeʹ e nai luhaʹ pa ke kenai Tuhan ʹo. Puyan iaʹ kelunan nyuhuk dalau ntem, idi Tuhan ke peluhaʹ palaʹ iaʹ dema. Tuhan ke pungkaʹ puyan sedep iaʹ un suhuk dalem kimet kelunan. Dalau ina Tuhan Allah ke pada kelunan, singket usa re, bayaʹ ban puyan nte iaʹ tekep.

2 KURINTUS 5:10

Moʹ mung le lete iaʹ atek ke ngejuma Keristus, apan ia ke metep tiraʹ iaʹ marung neng ilu. Singket usa le ke alaʹ suaʹ iaʹ tekep bayaʹ ban pemuyan le ngajan pengudip le neng usa le, mele pemuyan ne tiga, mele pemuyan ne jaʹat pe.

1 TIMUTIUS 4:14

Ayen ncoʹ peterai neng pengencai Berua Tuhan iaʹ un dalem ikoʹ, iaʹ ban Allah naʹ mikoʹ tegoʹ diaʹ pegawa Tuhan pisiu, ngan tegoʹ diaʹ tuʹa Mpun napoʹ ujoʹ de neng ikoʹ are.

1 TIMUTIUS 5:24

Un penyalaʹ palai, diaʹ tugen kena re ke sihoʹ ukum. Un sepuʹo un penyalaʹ palai, diaʹ tugen neng kebayaʹ a.

1 PETERUS 4:10

Singket usa le un pengencai cen Allah. Tiga le kanan ne, ngan pawat bang nge me dulu, koʹ baʹan ca usa iaʹ mencam petubo gayeng Allah, iaʹ kanan naʹan naʹan pengencai ie.

1 PETERUS 4:5

Un sepuʹo abeʹ de senteng are ke mipa Allah, iaʹ tenup ke pebetep ukum neng mung kelunan diaʹ mudip ngan diaʹ matai ʹo.

PUYAN LUHA’ 20:12

Ngan akeʹ taʹan pe mung kelunan diaʹ matai, un pe diaʹ lataʹ kuaʹ ngan diaʹ dumit, nekejeng nyeripa padung pengaren ina. Un pe seʹ kudaʹ kudaʹ surat tai pesik. Uʹo ina pesik ne ca naʹan surat laʹa, iaʹ ina anun kelunan diaʹ mudip. Mung kelunan matai ke sihoʹ pebetep ukum bayaʹ ban pemuyan iaʹ idaʹ lepa uyan, kuaʹ ban iaʹ lepa un senurat dalem surat dina.