LUKAS 16:16 - Kenyah New Testament

¹⁶ “Un Katuk Adet Musa ngan surat mung pegawa Tuhan, idi senawan kelunan mudip pa kenai abeʹ Yaya Batis are. Uʹo ina nai luhaʹ Denga Injil neng puyan pengaren Allah ke ngaren kelunan, ngan mung dulu naseʹ ketai kedalem me.

LUKAS 16:16 Iomraidhean Croise

MATIUS 10:7

Tai ne ikem ngan badaʹ denga ngan pekini dau hem: ‘Un nyeng ne puyan pengaren Allah ke ngaren ilu kelunan,’

MATIUS 15:11

Inu iaʹ tai kaʹ dalem paʹ kelunan, abeʹ e ke ngano berua ha. Di lareʹ inu iaʹ ke nai kawang cen paʹ a, ina iaʹ ke ngano ia lan.”

MATIUS 21:32

Ban ne Yaya Guru Batis iaʹ nai badaʹ janan iaʹ teneng palaʹ ikem. Un sepuʹo abeʹ kem ubaʹ ngelan dau ue. Bang kelunan diaʹ alaʹ pupu, ngan leto pedayang le iaʹ ban ngelan neng ia. Naʹ pe buk kem lepa ban taʹan puyan nte pekina, abeʹ pe ikem un nyepuleʹ kimet cem cen penyalaʹ kem neng kebayaʹ a ngan ngelan dau Yaya.”

MATIUS 3:2

Un dau Yaya: “Nyepuleʹ ne kimet cem cen penyalaʹ kem. Abeʹ e majan laʹa kenai luhaʹ ne puyan pengaren Tuhan Allah ke ngaren ilu kelunan.”

MATIUS 4:17

Cen dalau ina Yesus nading ke penco badaʹ katuk ke, pekini dau ue: “Nyepuleʹ ne kimet cem cen penyalaʹ kem, ban abeʹ majan laʹa kenai luhaʹ ne puyan pengaren Tuhan Allah ke ngaren ilu kelunan.”

MATIUS 4:23

Yesus tai masat pa tipo tanaʹ Galilia, mentung nge pekatuk dalem singket amin sebayang. Kun Yesus badaʹ denga tiga neng puyan pengaren Tuhan Allah ke ngaren ilu kelunan. Sulo Yesus paget dulu neng ketoʹ naʹan penyakit.

MARKUS 1:14

Lepa Yaya peput dalem amin sepin, tai Yesus kaʹ tanaʹ Galilia, penco badaʹ katuk Denga Injil cen Allah.

MARKUS 1:45

Penco tai laki ina petipo denga ina kempi kempi pe. Petasak aleʹ dau tai ie pedenga puyan ina, pa Yesus abeʹ un senteng peluhaʹ seʹ tai ie dalem lepoʹ ina. Ina ukoʹ o tai ngelineʹ neng ca tanaʹ lenga. Kina nai dulu palaʹ ia cen mpi mpi pe.

LUKAS 10:11

‘Abeʹ un ca inu iaʹ ukoʹ meʹ ke pebulung ngan ncem, pabeʹ abu lepoʹ kem iaʹ nyalit neng taket meʹ ini, ameʹ ke lemasa naʹ kaʹ ikem. Ayen ncem lingu, ban puyan pengaren Allah lepa nai ngenyeng ikem.’

LUKAS 10:9

ngan paget diaʹ sakit kaʹ lepoʹ ina, mentung badaʹ mida: ‘Puyan pengaren Allah lepa nai ngenyeng ikem.’

LUKAS 16:29

“Un dau Ibrahim: ‘Un te Kitap Musa ngan Kitap Pegawa Tuhan kata ida, ina iaʹ senteng ke mulen diaʹ cenganak koʹ dina. Tiga pe buk de kanan dau ue.’

LUKAS 16:31

“Un dau Ibrahim: ‘Buk de are dayo kanan dau Musa ngan diaʹ pegawa dina, abeʹ pe ida ke ngelan, naʹ pe ca usa ke numpak mudip cen patai ie.’ ”

LUKAS 9:2

Sulo kun ne cuk ida tai badaʹ denga puyan pengaren Allah, mentung paget diaʹ sakit.

YAYA 1:45

Pelapa Pilipus petegoʹ ngan Natanil, kun ne badaʹ mia: “Un meʹ tegoʹ Laki iaʹ Musa badaʹ milu dalem Kitap Katuk Adet are. Un diaʹ pegawa nyurat neng ia lete. Ia ne Yesus anak Yusup lepoʹ Nasarit.”

YAYA 11:48

Buk le ke pele diseʹ puyan ne pekini, mung dulu iaʹ ke ngelan neng ia ʹo, ngan perinta Rum ke nai beteʹ ngan nasaʹ Umaʹ Palan le ngan peging lepoʹ le mung.”

YAYA 12:19

Penco dau diaʹ Perisi dina pisiu neng ida semaheʹ: “Ikem ngina, pabeʹ ca inu pe ilu abeʹ un senteng ke un usun. Ikem naʹat tuaʹ ne, mung dulu kusun tanaʹ ini ne diseʹ tai bayaʹ ia.”

YAYA 5:4

uban tahaʹ palai un ca melikat Tuhan tai kaʹ dalem belau ina, ngan nekibai sungai kaʹ dalem me. Aheʹ cen ahang ida diaʹ sakit dina iaʹ ading tai kaʹ dalem belau ina, lepa melikat ina nekibai ie, ida iaʹ maget laho cen inu iaʹ penyakit de.]

PEMUYAN 3:18

Uban cen naʹaʹ Allah badaʹ isiu ue man mung pegawa ha, kumpin seʹ puyan kenai Laki iaʹ ngkang pungu udip, iaʹ Allah naʹ milu, iaʹ atek ke ke sihoʹ tuyen lete ʹo. Pekina lete ban tai ie palup.