LUKAS 16:11 - Kenyah New Testament

¹¹ Moʹ ina, buk kem are tudep diseʹ ke kanan kayaʹ kem kusun tanaʹ ini, aheʹ iaʹ ke ngelan ikem ke kanan pengekayaʹ iaʹ atek lan ina uʹo?

LUKAS 16:11 Iomraidhean Croise

MATIUS 6:24

“Nyahut ca kelunan senteng ke ngulaʹ usa ha palaʹ dua re tuʹa ha serengan le. Atek ke ke miʹi neng ca, ngan malaʹ neng ca. Buk are, ia ke kanan dau ca ngan muau neng ca. Pekina lete nyahut cem senteng tunuk kimet cem palaʹ Allah peserengan ngan kimet cem ke tunuk palaʹ ligit.

LUKAS 12:33

Matu ne inu hem, ngan naʹ ne tuaʹ le me diaʹ taru mudip. Sereket cem petenup bahan ligit iaʹ abeʹ un ke teneboʹ kaʹ surga. Kidi hem atek pedemun kayaʹ kem iaʹ are tisen ketai pekaliu, moʹ abeʹ kelau un kina, ngan abeʹ un buken iaʹ ke ngejaʹat te.

LUKAS 16:12

Buk kem are tudep ke petubo inu dulu diaʹ ca, aheʹ iaʹ ke naʹ mikem inu iaʹ ikem ke un tengen ʹo?

LUKAS 16:9

Kun Yesus metuk tiraʹ ina laʹa: “Moʹ cen diaʹ pekina, dau heʹ mikem, kanan ne ligit ngan inu hem man ncem ke pepanak ngan dulu, apan ne buk inu hem tai muʹo cen ikem ʹo, Tuhan Allah ke nyelama alaʹ ikem kedalem surga ʹo.

LUKAS 18:22

Uʹo Yesus kenahan dau ue ina, penco dau ue: “Un lepe ca puyan iaʹ tepa neng ikoʹ. Pebeli ne ketoʹ inu iaʹ un neng ikoʹ, ngan naʹ ne suaʹ a me diaʹ taru mudip, apan ncoʹ ke un kayaʹ dalem surga. Uʹo ina nai hoʹ bayaʹ akeʹ.”

IPESUS 3:8

Naʹ pe akeʹ iaʹ libaʹ neng ʹo pengelibaʹ neng ahang diaʹ anun Allah, gayeng ini ne Allah mencai makeʹ man nceʹ tai palaʹ lepoʹ diaʹ tahaʹ awang Yahudi pedenga pengekayaʹ peniga Keristus.

YAKUP 2:5

Ahaʹ cenganak cenganak diaʹ akeʹ malaʹ, ngeringa dau heʹ. Allah iaʹ ban lemileʹ kelunan kasip kusun tanaʹ ini tai kayaʹ dalem pengelan, ngan tai un puyan pengaren iaʹ Allah lepa petuket ke naʹ me kelunan diaʹ malaʹ ia.

PUYAN LUHA’ 3:18

Moʹ ina akeʹ ke pekatuk ikem lemeli mat neng akeʹ, mat iaʹ lepa dulu masi man luten, ina le ikem ke kayaʹ lan uʹo. Lemeli pelaʹa keluma puteʹ man ncem pegelam usa hem, ngan mekep penyaʹe hem kuʹun ugai hem ne. Ngan lemeli tabat man nabat mata hem, apan ncem senteng naʹat ʹo.